Romiko lạgitʼ Pạul Apostolakʼ ciṭhi 2:15 - সান্তালী বাইবেল

¹⁵ Ente ạn lekate oka lekge ona do onkoakʼ ontorrege ol menakʼa. Ar onkoakʼ bibek hõ ona gohageye emetʼkana. Onkoakʼ hudisge oka oka jokhecʼ doe dusikoa, arhõ oka jokhecʼ doe onko sejokʼa.

Santali Common Language New Testament

¹⁵ Ente ạn lekate oka lekge ona do onkoakʼ ontorrege ol menakʼa. Ar onkoakʼ bibek hõ ona gohageye emetʼkana. Onkoakʼ hudisge oka oka jokhecʼ doe dusikoa, arhõ oka jokhecʼ doe onko sejokʼa.

Romiko lạgitʼ Pạul Apostolakʼ ciṭhi 2:15 Referans Kwoze

2 Korinthiko 5:11

Probhu Isor bon botoraekante abo do apnar reaṅ manwakoakʼ monre biswạs janam ocoy lạgitʼ bon kurumuṭuyeda. Ar abo bon oka lekanko kan, ona do Probhu Isor ṭhen sodorgea ar asiń dohoya apeakʼ bibek ṭhen hõ ona do pusṭạugea.

Titus lạgitʼ Pạul Apostolakʼ ciṭhi 1:15

Okoeyakʼ ontor napaege onko ṭhen do jotowakʼge napaegea, menkhan okoeyakʼ ontor bạṛicʼ ar bepạtiạrge onko ṭhen cetʼge napaeakʼ do bạnukʼanaṅ, ente onkoakʼ mon ar bibek do mạilạgetakoa.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

Jobakʼ 27:6

Dhoromiń sapʼ uricʼ akada, ar bạń aṛakʼ gotʼkakʼa. Tinạkʼ din jiwetʼ iń tahen unạkʼ din inạkʼ bibek do iń bae dusiyińạ.

1Timothi 4:2

Bibek goṛdho akan nonkan eṛe hoṛkoakʼ phạsiạrate nonka do hoyokʼa.

Romiko lạgitʼ Pạul Apostolakʼ ciṭhi 9:1

Mạsi tulucʼ mitʼakanteń meneda, iń do ontorre ạḍi duk ar ạḍi kosṭoń ńameda, ar noa do sạri katha kana, eṛe do baṅa. Ińakʼ bibek hõ sonot Jiure jopoṛao tahẽkate inạ mitʼ gohageye emeda.

Aposkạmi 24:16

Onate iń do Isor ar manwako samaṅre jaoge ińakʼ bibek sapha dohoy reakʼ iń kurumuṭuyeda.

Aposkạmi 23:1

Pạul do maraṅ bạisiren hoṛko secʼ beṅgetʼkateye menkeda, “E ińren boehako, iń do teheń hạbicʼ bhage hudiste Isor samaṅre ińakʼ dạyikiń manao ạguakada.”

Sosolhayic̕ 7:22

ente am do amakʼ ontorem baḍaegea, am hõ eṭakʼko ḍher dhaoem sarap akatʼkoa.

1 Rapajko 2:44

Solomon do Simai arhõe metadea, “Ińren ạpuń Dạud cetanre okaṭakʼem behok akatʼ ona do amakʼ ontore baḍaegea. Ńitokʼ do Probhu Isorge amakʼ behokakʼ kạmi lạgitʼ kuṛạiye emama.

Genesis 20:5

Uni maejiu ma acʼgeye menakawạdińa, acʼ do uni hoṛren miserat kanae, ar uni hoṛ do acʼren dadattetʼ kanae. Onate iń do sojhe hudiste noań kạmiakada; ona chaḍa ińakʼ colonre jãhãn dosge baṅ tahẽkana.”

Johan 8:9

Noa katha ańjomkate onko mukhiyạko modre haṛam khon ehopʼkate mitʼ mitʼte jotoko calao cabayena. Eken Jisu eskargeye sarecʼ tahẽyena, ar acʼ samaṅre do uni maejiuge teṅgo akan.

Romiko lạgitʼ Pạul Apostolakʼ ciṭhi 2:14

Boṅgan hoṛ jạtrenko do Moseyakʼ ạn bako ńamakada, menkhan enrehõ onko do apnar khonge ạn lekako kạmiyeda, ar ạn bako ńamakatʼre hõ onko do apnar lạgitʼ ạn kanako.

Romiko lạgitʼ Pạul Apostolakʼ ciṭhi 2:27

Am ṭhen ma coṅ olakʼ ạnko menakʼge ar khatna hõm khatna ocoakange. Menkhan ạn-ạriko bam bataoetʼ khan okoe bin khatna akanre hõ ạnkoe manaoetʼ, uni do cetʼ ạn bam bataoetʼkante bae dusimea?