Romiko lạgitʼ Pạul Apostolakʼ ciṭhi 16:21 - সান্তালী বাইবেল

²¹ Ińren são kạmiyạicʼ Timothi hõe joharape kana; Lukius, Jason ar Sosipatros hõ apeko joharapekana. Iń lekage onko hõ Jihudi jạtren hoṛ kanako.

Santali Common Language New Testament

²¹ Ińren são kạmiyạicʼ Timothi hõe joharape kana; Lukius, Jason ar Sosipatros hõ apeko joharapekana. Iń lekage onko hõ Jihudi jạtren hoṛ kanako.

Romiko lạgitʼ Pạul Apostolakʼ ciṭhi 16:21 Referans Kwoze

Aposkạmi 20:4

Ado Beroearen Puros hopon Sopatros, Thessoloniki khon Aristarkhos ar Sekundus, Derberen Gaius, Timothi ar Asiạ khon Tukhikus ar Trophimus noko hõ Pạul sãoteko calaoena.

Aposkạmi 17:5

Menkhan Jihudiko do hiskạte bajar khon adom bạṛicʼ hoṛko ńam jarwaketʼkote nagrahare gulmalko ehopʼkeda. Ona tayom Pạul ar Silạs ńamkate hoṛko ṭhen ạgukin lạgitʼ onko do Jasonakʼ oṛakʼre jhãpko emkeda,

Aposkạmi 13:1

Antiokiạ manḍerre do thoṛa nạbi ar cecetʼkoko tahẽkana. Onkoakʼ ńutum do Barnabas, Nigerko metaekan Simeon, Kurene nagraharen Lukius, disạm cakʼlaoyicʼ Herod sãoteye ạsul haralen Manaen ar Sạul.

Romiko lạgitʼ Pạul Apostolakʼ ciṭhi 16:11

Herodion, joharaepe, one okoe do iń lekae Jihudikan. Narkissus oṛakʼren okoe do Probhu Isorren hoṛkanko onko hõ joharakope.

Romiko lạgitʼ Pạul Apostolakʼ ciṭhi 16:7

Unkin do iń leka Jihudi hoṛ kanakin ar iń sãote hajotrekin tahẽkana. Apostolko modre ạḍi manotan hoṛ kanakin. Unkin do iń khon hõ laharege Mạsiren kin hoyakana.

Ibriko 13:23

Iń do baḍae ocope sanayediń kana je, aboren boeha Timothi do khalase ńamakada. Are hecʼlen khan iń do uni soṅgekateń hiripea.

2Timothi 1:2

Noa ciṭhi iń do ińren dulạṛiạ hopon Timothi ṭheniń oleda. Isor Baba ar aboren Probhu Jisu Mạsi do daya, bhor ar suluke dan amma.

1Timothi 6:20

E Timothi, oka jogao doho lạgitʼ jimạ akawatʼme ona do bes okocʼte horho doho akae tahenme; ạuṛiyakʼ akel reakʼ bebhokti roṛ ar eṛe cecetʼakʼ khon sahaṛ akae tahenme.

1Timothi 6:11

Menkhan am do Isorren hoṛ kanam; noako khon men ńirjoṅme. Ar dhorom, Isor bhokti, biswạs, dulạṛ, sobori, ar mạ̃hir baṛe khudạu me.

1Timothi 1:2

Biswạsi lekate sạri gidrạtiń Timothi ṭhen noa ciṭhi doń oleda. Aboren Isor Baba ar Probhu Jisu Mạsi do daya, mãyã ar suluke dan am ma.

2 Thessalonikiko 1:1

Isor Baba ar Probhu Jisu Mạsire kolom mitʼakan Thessaloniki manḍerrenko ṭhen iń Pạul, Siluạnus ar Timothi do noa ciṭhile oleda.

1 Thessalonikikko 3:6

Ńitokʼ Timothi ape ṭhen khone ruạr hecʼen khan apeakʼ dulạṛ ar biswạs reaṅ bhage khoborgeye ematʼlea. Uni doe lạiyatʼlea jaoge ape do dulạṛ montepe disạyetʼlea, ar cetʼ lekale uihạretʼpe onkage ape hõpe uihạretʼlea.

1 Thessalonikikko 1:1

Isor Baba ar Probhu Jisu Mạsi tulucʼ mitʼakan Thessaloniki manḍerrenko ṭhen, Siluạnus, Timothi, ar iń Pạul do noa ciṭhile oleda. Aboren Isor Baba ar Probhu Jisu Mạsi do daya ar suluke dan apema.

Kolossiko lạgitʼ Pạul Apostolakʼ ciṭhi 1:1

Iń Pạul do Isorakʼ sanate Jisu Mạsiren mitʼṭen apostoliń hoyakana. Kolossiạ nagrahare okoe doko Isorren hoṛkan ar Mạsire mitʼakante biswạsi boehako hoyakan, onko ṭhen iń ar Timothi do noa ciṭhi liń oleda. Aboren Baba Isor do daya ar suluke dan apema.

Philipiko lạgitʼ Pạul apostolakʼ ciṭhi 1:1

Timothi ar iń Pạul do Jisu Mạsiren golam kanaliń. Ạliń do Jisu Mạsi tulucʼ kolom mitʼ akan Isorren okoeko hoṛ do Philipi nagrahare menakʼko onkoren gupiko ar sapʼdapʼko ṭhenliń oleda.

2 Korinthiko 1:19

Okoeyakʼ katha Siluạnus, Timothi ar iń do ape ṭhenle porcar akatʼ uni Jisu Mạsi, Isorren Hopon do mitʼ ghuṛire “Hẽ” ar “Baṅ” doe baṅkana;

2 Korinthiko 1:1

Iń Pạul do Isorakʼ monejoṅ lekage Mạsi Jisuren mitʼṭen apostoliń hoyakana. Iń do aboren boeha Timothi ar Korinthi nagraha reakʼ Isorakʼ manḍer ar Akhaea Prodesre menakʼko Isorren sanam hoṛko ṭhen noa ciṭhiń oletʼkana.

Aposkạmi 19:22

Tayomte Timothi ar Erastus ńutuman acʼren barea goṛokin do Makedoniạteye kolketʼkinạ, ar acʼ do arhõ thoṛa din Asiạreye tahẽyena.

Aposkạmi 18:5

Silạs ar Timothi Makedoniạ khonkin hecʼen khan Pạul do eken Isorakʼ katha porcarte acʼakʼ okteko khemaoe ehopʼena. Uni do Jihudiko ṭhen Jisuge Mạsi kanae mente gohae emetʼ tahẽkana.

Aposkạmi 17:14

Unre biswạsi boehako do jalapuri aṛe secʼ Pạulko kolgotʼkadea, menkhan Silạs ar Timothi do Beroea regekin tahẽyena.

Romiko lạgitʼ Pạul Apostolakʼ ciṭhi 9:3

Ińren boehako bodolte, metakʼme iń jạtren hoṛko bodolte hoydaṛeakʼ khan iń apnarge Mạsi ṭhen khon pharakokʼ reakʼ sarapiń hataokea.