Romiko lạgitʼ Pạul Apostolakʼ ciṭhi 16:20 - সান্তালী বাইবেল

²⁰ Sulukren Isor do ạḍi usạrage apeakʼ jaṅga latarre Soetane lebetʼ gańjaoea. Aboren Probhu Jisuakʼ daya ape cetanre baṛe tahenma.

Santali Common Language New Testament

²⁰ Sulukren Isor do ạḍi usạrage apeakʼ jaṅga latarre Soetane lebetʼ gańjaoea. Aboren Probhu Jisuakʼ daya do ape cetanre tahenma.

Romiko lạgitʼ Pạul Apostolakʼ ciṭhi 16:20 Referans Kwoze

Luk 10:19

Ńelpe, iń do biń ar kidińko cetanre lebedokʼ reakʼ daṛe, ar aperen bạiri Soetanakʼ sanam lekan daṛe cetanre hõ ektiạriń em akatʼpea. Onate jãhãnakʼtege ohope hạ̃nlena.

1 Johan 3:8

Okoeye kại idiyetʼkan uni doe Soetanren kana, ente Soetan do etohopʼ khongeye kạiyeda. Ar Soetan kạmi marao giḍikakʼ lạgitʼge Isorren Hopon doe sodorakana.

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Malaki 4:3

Ona tayom do dusṭạmikope lebetʼ gańjaokoa, ente oka hilokʼ onakoń kạmiya enhilokʼ onko do apeakʼ jaṅga latarre ńur akan torocʼ baraggeń hoyocokoa. Iń phạdkoren Probhu Isorge noa katha doń meneda.

Sakariạ 10:5

Unre Jihudạren hoṛ do nonkan daṛean hoṛ lekako hoyokʼa onko do lạṛhạire ḍahar reakʼ losotʼ leka bạiriko lebetʼ khadbadaokoa. Ar iń do onko sãoteń tahente lạṛhạire aswarikoko bhagaokoa.

Johan sodor 12:10

Ona tayom iń do serma khon ãṭ aṛaṅte mitʼ hoṛ roroṛkaniń ańjomkedea, “Ńitokʼ do babańcao, daṛe ar aboren Isorakʼ rajosṭi ar uniren ojokʼicʼakʼ ektiạri hoyakana, ente okoe aboren boehakoe dusiyetʼko tahẽkan uni do serma khone lebda ńur ocoakana. Aboren Isor samaṅre siń ńindạ uni do onkoakʼ doskoe udukʼetʼ tahẽkana.

Romiko lạgitʼ Pạul Apostolakʼ ciṭhi 15:33

Sulukren Isor do ape sanamko sãoteye tahenma. Amen.

Johan sodor 22:21

Probhu Jisuakʼ bhor Isorren sanam hoṛko sãote baṛe tahẽakae tahenma. Amen.

1 Thessalonikikko 5:28

Aboren Probhu Jisu Mạsiyakʼ daya ape tulucʼ baṛe tahen ma.

2 Thessalonikiko 3:18

Aboren Probhu Jisu Mạsiyakʼ daya ape sanamko tulucʼ baṛe tahenma.

2 Korinthiko 13:14

Aboren Probhu Jisu Mạsiyakʼ daya ar Isorakʼ dulạṛ ar sonot Jiu reakʼ helmel ape jotoko tulucʼ baṛe tahenma.

Romiko lạgitʼ Pạul Apostolakʼ ciṭhi 8:37

Menkhan okoe apeye dulạṛetʼpe uni hotete noa sanamakʼ talate hõ abo do purạute bon jitạu akana.

Philimon 1:25

Aboren Probhu Jisu Mạsiyakʼ daya apeakʼ jiu tulucʼ baṛe tahenma.

Philipiko lạgitʼ Pạul apostolakʼ ciṭhi 4:23

Probhu Jisu Mạsiyakʼ daya apeakʼ ontorre baṛe tahenma.

Galathiko lạgitʼ Pạul Apostolakʼ ciṭhi 6:18

E boehako, aboren Probhu Jisu Mạsiyakʼ daya apeakʼ ontorre tahẽ akan tahenma. Amen.

1 Korinthiko 16:23

Probhu Jisu Mạsiyakʼ daya ape sanamko tulucʼ baṛe tahenma.

Jobakʼ 40:12

Mitʼke mitʼ bạḍại hoṛ beṅgetʼ pheḍakome ar copotʼ ocokom; ar bedhoromko do akoakʼ ṭhạ̃irege lebetʼ gańjaokom.

2Timothi 4:22

Probhu Isor do am tulucʼ baṛeye tahenma. Isorakʼ daya ape tulucʼ tahẽakan tahenma.

Jesaea 63:3

“Iń eskarge darkha jo doń lelenkana; jạt jạtrenko mod khon okoe hõ iń soṅgete do bako tahẽkana. Iń do edreteń lebetʼketʼkoa ar raṅgaote jaṅgateń lebetʼ gańjaoketʼkoa; ar onkoakʼ mãyãmge ińakʼ kicricʼre irciyena ar ińakʼ sanam kicricʼko do gabao cabayentińạ.

Romiko lạgitʼ Pạul Apostolakʼ ciṭhi 16:23

Ar iń okoeyakʼ oṛakʼreń tahenkan ar manḍerren hoṛko okoeyakʼ oṛakʼrele jarwa midokʼkan, uni Gaius hõ apekoe joharape kana. Noa nagrahare ṭaka-poesa hisạb dohoy reakʼ bhar okoe cetanre menakʼ uni Erastus ar aboren boeha Kuartus hõ apekin joharape kana.

Mathae 4:10

Unre Jisu do uniye metadea, “Men ńir joṅme Soetan. Sonot sostorre ol menakʼa, am do amren Probhu Isorgem sewawaea, ar uni eskargem dewa sewawaea.”