Romiko lạgitʼ Pạul Apostolakʼ ciṭhi 16:18 - সান্তালী বাইবেল

¹⁸ ente nonkanko hoṛ do aboren Probhu Mạsiren golam hoyokʼ baṅkate apnar lacʼgeko moneyakʼkana. Onko do sebel ar luhum suhum kathate sojhe monan hoṛko bulạuetʼkoa.

Santali Common Language New Testament

¹⁸ ente nonkanko hoṛ do aboren Probhu Mạsiren golam hoyokʼ baṅkate apnar lacʼgeko moneakʼkana. Onko do sebel ar luhum suhum kathate sojhe monan hoṛko bulạuetʼkoa.

Romiko lạgitʼ Pạul Apostolakʼ ciṭhi 16:18 Referans Kwoze

Kolossiko lạgitʼ Pạul Apostolakʼ ciṭhi 2:4

Iń do noa kathageń metapekana jemon okoe hõ ạuṛiyakʼ kathakote bhul horte aloko ạnḍicʼ idipe.

Philipiko lạgitʼ Pạul apostolakʼ ciṭhi 3:19

Onkoakʼ mucạtʼtetʼ do nosṭokʼge; lacʼgetako Isor do; ar oka do lajao paṛawakʼkan onatege onko doko sarhaokʼ kana; onko do eken dhạrti reakʼakʼgeko moneyakʼ kana.

Mathae 7:15

“Eṛe nạbiko khon sontor akae tahenpe. Onko do bhiḍi chinte ape ṭhenko hijukʼa, menkhan bhitri bhitrite onko do jojom hunḍạr kanako.

1Timothi 6:5

ar mon baṅgla bhat akantako hoṛko talare mitʼ talao gulmal. Ar noko hoṛkore Isorakʼ sạritetʼ do bạnukʼa; Mạsiyakʼ dhorom pạtiạu onko do dhạrti secʼte mitʼṭecʼ lab reakʼ upại menteko bujhạueda.

Mikạ 3:5

Okoe nạbiko ińren hoṛko bạṛicʼ horteko idi akatʼko ar onko jãhãeye jom ocoakatʼko enḍekhan onko do “Suluk ” menteko roṛ sodora; menkhan bako jom ocoko enḍekhan onko do uni upạrte lạṛhại lạgitʼko sapṛaokʼa. Ona iạte Probhu Isor do onko nạbikoe metakokana,

2 Patras 2:3

Lalocte eṛeteakʼ katha menkate akoakʼ porho lạgitʼ onko do kạmireko lagaopea. Onkoakʼ sạjại do ḍher din khonge jhulạu akana, ar onkoakʼ nosṭokʼ do bae duṛupʼ thirakana.

Jihudạwakʼ ciṭhi 1:16

Noko hoṛ do jaogeko karacʼ kurujokʼa, ar akoakʼ bhạgko dusiya ar ontor reakʼ bạṛicʼ sana lekako calakʼa. Onko do akoteko sarhaokʼa ar lab joṅ lạgitʼ hoṛko heṛemakoa.

2 Thessalonikiko 2:10

Ar nosṭokʼkan horte laha akan hoṛko bulạuko reakʼ joto lekan bulạuakʼ hotete, noko hoṛ doko maraokʼa, ente kại khon bańcao ńam lạgitʼ sạriyakʼtetʼ do bako dulạṛ akada ar ataṅ hõ bako ataṅ akada.

Jihudạwakʼ ciṭhi 1:12

Noko hoṛ do dilkate apeakʼ helmel bhojkoreko seletʼ emanlen khan ona bhojre mạilạ lekako hoyokʼa. Noko do eken ako reaṅakʼgeko dạndikʼa. Noko do hoete oṭaṅ calakʼkan bin dakʼan rimil leka kanako. Jo tiokʼ jokhecʼ bin joanakʼ dare kante rehetʼ sudhạ pạṭupʼ giḍi akatʼ leka noko do banar secʼ tegeko gocʼgea.

Philipiko lạgitʼ Pạul apostolakʼ ciṭhi 2:21

Ente eṭakʼ sanamkoge Jisu Mạsi reakʼakʼko ńam baṅkate apnar reakʼakʼgeko ńam bakʼṛakana.

Galathiko lạgitʼ Pạul Apostolakʼ ciṭhi 1:10

Noate iń do okoeyakʼ sarhao ńamjoṅ iń kurumuṭuyeda, manwa se Isorakʼ? Se manwa kusi ocoye reakʼ iń kurumuṭu kana? Ar ńit hạbicʼ manwa kusi ocoko lạgitʼ iń kurumuṭuyetʼ khan enḍekhan Mạsiren golam doń baṅkana.

Mathae 24:24

ente aema eṛe Mạsi ar eṛe nạbikoko upelokʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

Kạhtukko 22:3

Budan hoṛko do muhinko ńel darama arko okokʼa, menkhan lelha hoṛ do muhin ńelkate hõ calakʼtegeko tahena ar ona iạte sạjạiko ńama.

Kolossiko lạgitʼ Pạul Apostolakʼ ciṭhi 3:24

entepe baḍaegea, Probhu Isor do acʼren hoṛko lạgitʼ okae dohoakatʼ onage kuṛại lekate uni ṭhen khonpe ńama. Ar ape okoe ṭhenpe khaṭaokʼkan uni doe Probhu Jisu kana.

2 Korinthiko 4:2

Ar hoṛko danaṅre oka lajao paṛaoakʼko kạmikan ona do ekaltege bale kạmikana. Ale do okaṭakʼ kạmirege bale eṛeya, ar Isorakʼ kathare jãhãnakʼ ạuṛiyakʼ hõ bale mesaletʼkana. Bickom Isorakʼ sạriyakʼtetʼ sodorkate uni samaṅre sanam hoṛkoakʼ bibek ṭhen ataṅokʼ lek mente apnarle sodorokʼ kana.

2 Korinthiko 2:17

Apnarakʼ lab lạgitʼ okoe Isorakʼ kathako bạnijetʼkan onko lekanko dole baṅkana; bickom Mạsi tulucʼle mitʼ akante ale do Isor samaṅre Isorren kol ocoakan hoṛko lekage sạri ontor khon kathale roṛeda.

Romiko lạgitʼ Pạul Apostolakʼ ciṭhi 16:19

Apepe bataoetʼ reakʼ katha do jotogeko ańjomakada, ar onate apereń kusiakana. Iń doń khojkana ape do jemon bhageakʼko oromkatepe ataṅ ar bạṛicʼakʼko khon pharakpe tahen.

Johan 12:26

Jãhãege ińakʼe kạmikan khan uni do ińe pańjańma. Iń okareń tahena ińren kạmiyạko hõ onḍegeko tahena. Jãhãege ińakʼe kạmikan khan Baba do uniye manotea.

Mathae 24:11

Ạḍi utạr eṛe nạbiko oḍok hijukʼa ar aema hoṛko bulạukoa.

Mathae 6:24

“Okoe hõ barea kisạ̃ṛ ṭhen guti do ohoe khaṭao daṛelena, ente mitʼ hoṛe dulạṛea ar eṭagicʼ doe kurudaea. Mitʼ hoṛakʼe ańjomtaea ar eṭagicʼ doe neṅghaoea. Isor ṭhen ar dhon ṭhen guti do ohogepe khaṭao daṛelena.

Jeheskel 13:19

Mitʼ bar cuputʼ jao ar mitʼ bar goṭecʼ piṭhạ lạgitʼ ape do ińren hoṛko samaṅre ińpe besonot akadińạ. Ińren hoṛko, okoe do eṛe kathako ańjometʼ, onko ṭhen eṛe katha roṛkate okoe do gujukʼ lekko baṅkan onkope gocʼ ocoakatʼkoa ar okoe jiwetʼ tahen lekko baṅkan onko do jiwetʼpe doho akatʼkoa.

Jeheskel 13:16

metakʼme Israelren onko nạbiko okoe do Jerusalemren hoṛko ṭhenko roṛletʼ ar suluk baṅ tahẽkanrehõ suluk reakʼ dorsonko ńelletʼ onko hõ bạnukʼkoa. Iń Probhu Isorge noa katha doń meneda.’ ”

Jirimiạ 23:17

Okoe ińko nihạ̃t edeńkan onko ṭhen nạbiko do niạ kathako roṛa, ‘Probhu Isore meneda, suluk hoyokʼtapea,’ ar okoe akoakʼ ontor reakʼ keṭecʼakʼteko senokʼkan onko doko mena, ‘jãhãn muskil do baṅ hoyokʼtapea.’

Kạhtukko 14:15

Lelha hoṛ do sanam kathageko pạtiạukʼa, menkhan sontorokʼ hoṛ do bud salakʼe taṛama.

Kạhtukko 8:5

Lelha hoṛ do, budan hoyokʼ lạgitʼ ạkilko hameṭ joṅa; ar khaṭo bujan hoṛ hõ ạkilko hameṭ joṅa.

Sereńko 119:130

Amakʼ kathako sodorlenre marsale emeda; ona do sojhe monan hoṛkoakʼ buj reakʼ daṛeye emakoa.

Sereńko 19:7

Probhu Isorakʼ ạn do sạbitgetaea, ona do manwae jiwetʼ ocoyea. Probhu Isorakʼ katha do ṭehãḍokʼakʼ kangea, ona do soṛa monanko akele emakoa.

2 Bõsbudạ 18:5

Onate Israelren raj do nạbikoe hoho jarwaketʼkoa. Ar onkoakʼ lekha do ponsae tahẽkana. Uni do onkoe kuliketʼkoa, “Ramot-gilead upạrte lạṛhại bon calakʼa se bon ikạkakʼa?” Onkoko menkeda, “Do calakʼme, ente Isor do rajakʼ tire onae jimạ akada.”

1 Samuel 2:29

Enḍekhan ińakʼ oṛakʼre okako samaṅokʼ reakʼ hukumiń emakatʼ ape do cedakʼ ona janwar dãṛẽ ar eṭakʼ samaṅokʼakʼkope bemanoteda? Ińren hoṛ Israelkoakʼ samaṅokʼakʼko reakʼ joto khon bhageakʼ hạṭińte apnartetʼko jom tirpitokʼkante cedakʼ am do iń khon hõ amren hoponkin bạ̃ṛtim manotetʼkinạ?’

Johan sodor 1:1

Noa puthire okako olakan ona do Jisu Mạsigeye sodor akada. Noako reaṅ Isor do Mạsi ṭhene sodorleda, jemon thoṛa ghạṛicʼ khange hoyokʼ lạgidokʼkan ghoṭnako acʼren gutikoe baḍae ocoko. Mạsi do acʼren goḍete kolkedete acʼren golam Johan do noa reaṅakʼkoe baḍae ocoledea.

Jihudạwakʼ ciṭhi 1:1

Iń do Jisu Mạsiren golam ar Jakobren boeha Jihudạ kạnạń. Isor Baba okoekoe hoho are dulạṛ akatʼko ar Jisu Mạsi okoekoe rukhiyạ akatʼko onko ṭhen noa ciṭhi doń oletʼkana.

Jakob 1:1

Isor ar Probhu Jisu Mạsiren golam iń Jakob do dhạrti reakʼ sanam jaegareko chirchạtur akan Jihudikoren gelbar bõsrenko johariń emakokana.

2 Korinthiko 11:3

Menkhaniń botorokʼ kana, uni biń do acʼakʼ bạṛicʼ phorphundite cetʼleka Hawae bulạulede onkage Mạsire menakʼtape soṛatetʼ ar napaetetʼ khon apehõkoe bulạu botecʼpea.

Malaki 1:10

“Hae! Ape modre mitʼ hoṛ hõ mundil oṛakʼ reakʼ duạre sińlere ar ińakʼ pinḍ cetanre ạuṛiyakʼ reakʼ seṅgel bape jeretʼ lekhan iń do ạḍiń kusikokʼa. Ape cetanre iń doń khĩs akana ar samaṅokʼakʼ reakʼ jinisko hõ apeakʼ tite bạń ataṅa.

2 Samuel 15:6

Israelren tinạkʼ hoṛ raj ṭhen bicạr lạgitʼko hijukʼkan tahẽkan Absalom do onko tulucʼ nonkageye beoharetʼ tahẽkana. Nonkate uni do Israelkoakʼ mone kombṛoyetʼtako tahẽkana.

Sereńko 12:2

Manwa do manwa ṭhen eṛeko roṛetʼkana; onko do luṭite kathako roṛa ar ontor do eṛete perecʼgetakoa.

Daniel 11:34

Ar unre gurokʼko do thoṛa goṛoko ńamgea ar aema hoṛ do cĩkạ̃ṛ cĩkạ̃ṛ kathakoteko onko tulujokʼa.

Romiko lạgitʼ Pạul Apostolakʼ ciṭhi 14:18

Okoe nonkate Mạsi ṭhen golame khaṭaokʼkan, Isor do unireye kusikʼkana ar hoṛko hõ uni do bhageko metaekana.