Romiko lạgitʼ Pạul Apostolakʼ ciṭhi 16:17 - সান্তালী বাইবেল

¹⁷ E boehako, okaṭakʼ sikhnạtpe ńamakatʼ ona upạrte okoe do kạphạriạu ar tạkicʼakʼko janam ocoyetʼkan onko oromkakope ar onko khon sahaṛokʼpe,

Santali Common Language New Testament

¹⁷ E boehako, okaṭakʼ sikhnạtpe ńamakatʼ ona birudre okoe do kạphạriạu ar tạkicʼakʼko janam ocoyetʼkan onko oromkakope ar onko khon sahaṛokʼpe,

Romiko lạgitʼ Pạul Apostolakʼ ciṭhi 16:17 Referans Kwoze

Jihudạwakʼ ciṭhi 1:19

Noko hoṛ do dola duliko hoeocoya ar akoakʼ sana lekako calakʼa. Onkoakʼ ontorre sonot Jiu do bạnugicʼan.

2 Thessalonikiko 3:6

E boehako, aboren Probhu Jisu Mạsi ńutumte noale hukumape kana, jodi jãhãe ḍhilisiliye colonetʼ khan ar ale ṭhen khon oka cecetʼakʼpe ńamakatʼ ona bae senakʼ kan khan, enḍekhan uni tulucʼ do alope helmelokʼa.

2Timothi 3:5

Onkoakʼ bahretetʼem ńelle khan Isor bhokti menakʼtakoa mentem bujhạukea, menkhan Isor bhokti reakʼ daṛe do bako aṅgoceda. Nonkan hoṛko khon do pharak akae tahenme.

Kolossiko lạgitʼ Pạul Apostolakʼ ciṭhi 2:8

Sontor akae tahenpe, jemon okoe hõ hoṛakʼ bidiyạ ar ạuṛi lilkạrte aloe siboṛpema. Mạsi tulucʼ ona cecetʼakʼ reakʼ do jãhãn jurige bạnukʼa; manwakoakʼ ạri-cạli ar dhạrti reakʼ ạḍi lekan ạn-ạrirege ona do ṭehãḍokʼ kana.

Titus lạgitʼ Pạul Apostolakʼ ciṭhi 3:10

Okoe hoṛ bhul cecetʼatʼte dola duliye hoeocoyetʼ uni do pạhilre mitʼ dhao, ar tayomte arhõ dosar dhao sontorkaeme. Ar noate kạmi baṅ hoylen khan uni tulucʼ do gate hõ alom gatekʼa.

Galathiko lạgitʼ Pạul Apostolakʼ ciṭhi 2:4

Adom eṛe boehako oko okoteko bololente katha do rakapʼlena. Jisu Mạsire biswạsiko lekate aboakʼ oka sạdhintetʼ menakʼ ona sạdhintetʼ reakʼ dosko sab lạgitʼ onko do oko okoteko bololena jemon golamko benao daṛeabon.

1Timothi 1:3

Makedoniạte calakʼ jokhecʼ cetʼ lekań galmaraoatʼme tahẽkan ńitokʼ hõ onkageń metam kana, am do Ephesus nagraharege tahẽ hataṛokʼme, jemon adom adom hoṛem hukumako onko do eṛe cecetʼakʼ aloko emokʼ.

Philipiko lạgitʼ Pạul apostolakʼ ciṭhi 3:17

E boehako, ape sanamko iń leka baṛe calakʼpe, ar okoe nonkako calakʼkan onko ńel oromkakope. Ar cetʼlekape calakʼa ona dole udukʼ akawatʼpea.

Mathae 18:7

Hae hae! Kại horte idiko lạgitʼ tinạkʼ uskạu baṅ amre menakʼ! Ente uskạu do hijukʼgea; enhõ hae uni hoṛ do, one okoe hotete ona uskạuko hijukʼkan!

1 Korinthiko 3:3

ente ńit hõ jel gobolrege menakʼpea. Ape talare hiskạ ar reṭha reṭhiko menakʼ khan enḍekhan cetʼ jelrenko dope baṅkana? Manwako leka do cetʼ bape coloneda?

Aposkạmi 15:24

“Alele ańjomkeda je, aleko mod khon adom hoṛ do senkate ạḍi lekan kathate apeakʼ monko ạulạuetʼte kosṭoko emapekana, menkhan ale do nonkan kạmi bale menakatʼkoa.

1 Johan 2:19

Mạsiren noko bạiriko do abo tala khonko oḍok akana. Menkhan onko do aboren hoṛ bako tahẽkana. Ente aborengeko tahẽlen khan, enḍekhan abo sãotegeko tahẽkokʼa honaṅ, menkhan onko doko oḍok sen akante bujhạukʼ kana okoe hõ aboren doko baṅkana.

Mathae 18:17

Ar onkoakʼ katha hõ bae ańjomle khan enḍekhan manḍerrenko lạiyakome. Ar manḍerrenkoakʼ katha hõ bae ańjom khan uni do boṅgan hoṛ jạtren se mạsul uṭhạu hoṛko leka bujhạuem.

1 Korinthiko 11:18

Pạhilreń ańjomeda, manḍer jarwakʼre ape talare dola doli tahenkana, ar iń do thoṛ pạtiạu hõń pạtiạukʼkangea.

Luk 17:1

Jisu do acʼren celakoe metatʼkoa, “Kại horte idiko lạgitʼ uskạu do hijukʼte hõ hijukʼgea, menkhan hae uni hoṛ do, one okoe hotete ona udgạuko hijukʼkan!

Mathae 7:15

“Eṛe nạbiko khon sontor akae tahenpe. Onko do bhiḍi chinte ape ṭhenko hijukʼa, menkhan bhitri bhitrite onko do jojom hunḍạr kanako.