Romiko lạgitʼ Pạul Apostolakʼ ciṭhi 15:26 - সান্তালী বাইবেল

²⁶ ente Jerusalemre Isorren hoṛko modre okoe reṅgecʼ hoṛ menakʼko onko lạgitʼ Makedoniạ ar Akhaea manḍerren hoṛko do thoṛa danko uṭhạu akada.

Santali Common Language New Testament

²⁶ ente Jerusalemre Isorren hoṛko modre okoe reṅgecʼ hoṛ menakʼko onko lạgitʼ Makedoniạ ar Akhaea manḍerren hoṛko do thoṛa danko uṭhạu akada.

Romiko lạgitʼ Pạul Apostolakʼ ciṭhi 15:26 Referans Kwoze

2 Korinthiko 9:12

Apeakʼ noa kạmi iạte eken Isorren hoṛkoakʼ ṭonṭa purunokʼtakoa ona do baṅ; Isor secʼ ạḍi utạr hoṛakʼ gun manao johar hõ sareṛokʼtakoa.

2 Korinthiko 9:2

ente noa kạmire apeakʼ khaṛa moniń baḍaegea. Iń do ape iạte Makedoniạren hoṛko ṭhen noa menteń sarhaokʼ kanaje, Akhaearen hoṛko do dinkalom khon, metakʼme noa dan lạgitʼ sapṛao menakʼpea. Apeakʼ noa khaṛa monge onkoren ḍher hoṛkoe udgạu akatʼkoa.

Philimon 1:5

Ente Probhu Jisure amakʼ biswạs ar Isorren hoṛko lạgitʼ amakʼ dulạṛ reakʼ kathań ańjomeda.

1 Korinthiko 16:15

E boehako baḍaegeape, Stephan gharońjren hoṛkoge Akhaearen pạhil biswạsi kanako mente, ar Isorren hoṛko sapʼ dapʼako lạgitʼ onko do apnargeko jamaṛ akana.

Aposkạmi 18:12

Ado Gallio tinre Akhaearen disạm cakʼlaoyicʼ tahẽkana unre Jihudiko do jomkao mitʼkate Pạulko sapʼkedea ar bicạre lạgitʼ adalotteko ạgukedea.

Aposkạmi 16:9

Ar Pạul do ńindạ mitʼṭecʼ dorsone ńelkeda, Makedoniạ disạmren mitʼṭen hoṛ do teṅgokate nehõr salakʼe meneda, “Makedoniạte parom hijukʼte dela goṛowaleme.”

Luk 14:13

Menkhan bhojem tearlere am do reṅgecʼ orecʼko, ṭhunṭạko, leḍhako, ar kãṛãko neotakom.

Luk 6:20

Jisu do celako secʼ beṅgetʼkate memene ehopʼena, “Bhạgangeape ape reṅgecʼ orecʼko do, ente Isorakʼ raj do apeakʼkangea.

Mathae 26:11

Ente reṅgecʼ orecʼkoma jaoge ape tulucʼ menakʼko, menkhan iń do jao okte bape ńameńa.

Mathae 25:40

“Ado raje roṛ ruạṛakoa, ‘sạrigeń metapekana, ińren noko huḍiń utạr boehako modre jãhãe mitʼ hoṛpe nonkawade enḍekhan unre ińgepe onkawạdiń tahẽkana.’

Sakariạ 11:11

Ar enhilokʼge ona do bạtilena, onatege palren dukhiko okoe do ińko tuṅkhi arko talas baṛayediń tahẽkan onkoko baḍaekeda, noako talatege Probhu Isor do kathae roṛetʼkana.

Sakariạ 11:7

Gurko lạgitʼ okoe bhedạ palko ṭhik doho ocoakan, biseskaete iń do onko palren dukhạliạko ạtińkoń ehopʼena. Ona tayom do barea ṭheṅgań hataokeda ar ona reakʼ mitʼṭecʼ do Daya ar eṭakʼakʼ reakʼ ńutum do Tonol iń dohokeda; ar iń do ona palrenko gupiyiń ehopʼena.

Kạhtukko 17:5

Okoe hoṛ reṅgecʼkoe nisṛạuko uni do onkoren sisirjạuicʼe henostawae kana; Okoe eṭakʼkoakʼ muhinreye rạskạkʼkan uni do sạjạiye ńamgea.

Kạhtukko 14:31

Okoe reṅgecʼ hoṛe santaoko uni do sisirjạuicʼe henostawae kana, menkhan okoe hoṛ okulankoe dayawako uni do acʼren sisirjạuicʼe manotea.

Kạhtukko 14:21

Okoe acʼ aḍepaseren hoṛkoe nihạ̃tko uni doe kạiyeda, menkhan okoe reṅgecʼkoe dawawako kan uni doe bhạgangea.

Aposkạmi 9:13

Ananiạse menkeda, “E Probhu Isor, ḍher hoṛkoakʼ moca khon nui hoṛ reaṅ iń ańjomakada, Jerusalemre amren hoṛko ạḍi bạṛicʼe khed akatʼkoa.

Aposkạmi 16:12

Ar onḍe khon ale do Philipi nagrahatele calaoena. Noa Philipige Makedoniạ ṭoṭha reakʼ maraṅ nagraha tahẽkana. Ar onḍenko hoṛ do Rom rajren porjako tahẽkana. Ale do thoṛa din ona nagraharele tahẽyena.

Aposkạmi 19:21

Ado noako hoy baṛayen khan Pạul do Makedoniạ ar Akhaea secʼte Jerusalemte calakʼ reakʼe goṭawana. Uni doe menkeda, “Jerusalemte calao tayom iń do Rom nagrahate hõ calakʼ hoyokʼtińạ.

1 Korinthiko 16:5

Makedoniạ Prodes talateń sen paromokʼre iń do ape ṭheniń hijukʼa, ente iń do Makedoniạ talategeń parom calakʼa.

2 Korinthiko 1:16

Iń doń goṭa akatʼ tahẽkana, Makedoniạte calakʼ jokhecʼ ape sãoteń ńapam torakʼa ar Makedoniạ khon arhõ ape ṭheniń ruạṛ hijukʼa, jemon apege Jihudạte koleń reakʼpe bebostawạń.

2 Korinthiko 2:13

Menkhan enrehõ monre suluk bạń ńamletʼa, ente ińren boeha Titus do onḍe bae tahẽkana. Ona iạte iń do Troasren hoṛko ṭhen khon bidạ hataokate Makedoniạteń calaoena.

2 Korinthiko 7:5

Makedoniạte seṭerkatere hõ hoṛmore jãhãn aosan bale ńamlakʼa; ale do joto secʼ khonge dukle ńametʼ tahẽkana; ar sanam secʼge gulmal ar ontorre botor tahẽkana.

2 Korinthiko 9:4

Ar baṅkhan Makedoniạren hoṛko iń sãoteko senlen khan ar begor sapṛao akanko ńellepe khan, enḍekhan apere aleakʼ nunạkʼ pạtiạu iạte ale do lajaorele paṛaokʼa; ar ape hõpe lajao ocokʼa.

2 Korinthiko 11:9

Ape ṭhen tahẽkateń ṭonṭalenre okoe hõ bhar do bạń ladeyatʼpe tahẽkana, ente Makedoniạ khon okoe boehako hecʼlen onkoge ińakʼ ṭonṭawakʼko purunletʼa. Ar okalekate hõ iń do aperen bojha bạń hoyokʼa ar bạń hoyakana.

Philipiko lạgitʼ Pạul apostolakʼ ciṭhi 4:15

E Philipi manḍerren hoṛko, ape hõpe baḍaegea, bhage sombat lại jạhir reakʼ etohopʼre Makedoniạ khoniń oḍok calaolenre, ape eskar chaḍakate oka manḍerrenko hõ emokʼ ar hatao babotre iń tulucʼ bako bhạgiạrilena.

1 Thessalonikikko 1:7

Onate Makedoniạ ar Akhaea Prodesren sanam biswạsiko ṭhen ape do mitʼṭecʼ nạmunape hoyakana.

1 Thessalonikikko 1:8

Eken Makedoniạ ar Akhaea Prodesrege ape ṭhen khon Probhu Isorakʼ katha pasnao akana ona do baṅ, menkhan Isorre apeakʼ biswạs reakʼ katha hõ sanam jaegakore seṭer akana. Ar noa babotre aleakʼ do mementeakʼ cetʼge jạruṛ bạnukʼtalea,

1 Thessalonikikko 4:10

Ape do sạrige Makedoniạ disạmren sanam boehakope dulạṛetʼkoa. Menkhan E boehako, ape ṭhen aleakʼ nehõr do noage, apeakʼ dulạṛ do arhõ sareṛokʼtape ma.

1Timothi 1:3

Makedoniạte calakʼ jokhecʼ cetʼ lekań galmaraoatʼme tahẽkan ńitokʼ hõ onkageń metam kana, am do Ephesus nagraharege tahẽ hataṛokʼme, jemon adom adom hoṛem hukumako onko do eṛe cecetʼakʼ aloko emokʼ.