Romiko lạgitʼ Pạul Apostolakʼ ciṭhi 15:15 - সান্তালী বাইবেল

¹⁵ Enrehõ iń do mitʼ bar katha disạ ocope lạgitʼ dilkate noań olape kana, ente Isor do boṅgan hoṛ jạtrenko ṭhen Mạsi Jisuren sapʼ dapʼicʼ hoyokʼ reakʼ ạsirbade dan akawạdińa.

Santali Common Language New Testament

¹⁵ Enrehõ iń do mitʼ bar katha disạ ocope lạgitʼ dilkate noań olape kana, ente Isor do boṅgan hoṛ jạtrenko ṭhen Mạsi Jisuren sapʼ dapʼicʼ hoyokʼ reakʼ ạsirbade dan akawạdińa.

Romiko lạgitʼ Pạul Apostolakʼ ciṭhi 15:15 Referans Kwoze

Romiko lạgitʼ Pạul Apostolakʼ ciṭhi 12:3

Iń do Isor ṭhen khon oka dayań ńamakatʼ onate ape mimitʼkoń metapekana, apnar reaṅ okaṭakʼ lek kan ona khon bạ̃ṛti do alope hudisokʼa, bickom tinạkʼ lek mentepe bujhạukʼkan inạkʼge hudisokʼpe. Isor do okoe tinạkʼgan pạtiạukʼ reakʼ daṛeye emakawade ona khon bạ̃ṛti do okoe hõ jemon apnarte aloe hudisokʼma.

1 Korinthiko 15:10

Menkhan ńitokʼ okań hoyakan ona do Isorakʼ dayategeń hoyakana. Iń cetanre uniyakʼ daya do baṅ ạuṛiyakʼ akana; ar eṭakʼ sanam apostolko khon iń do ḍheriń khaṭao akana; ar eken ińiń khaṭao akan ona do baṅ bickom ińre Isorakʼ daya hõ tahẽkana.

Romiko lạgitʼ Pạul Apostolakʼ ciṭhi 12:6

Isorakʼ daya lekate abo do judạ judạ daya dan bon ńamakada. Ar ona daya dan do nạbi lekate katha roṛ reakʼ daṛe menakʼ khan enḍekhan biwạs lekate uni do Isorakʼ kathae lạima.

Romiko lạgitʼ Pạul Apostolakʼ ciṭhi 1:5

Uni hotete ar uniyakʼ ńutum iạte ale do daya ar apostol hudạle ńamakada, jemon sanam jạtren hoṛko pạtiạukʼte Isorakʼko bataotae.

1 Johan 5:13

Ape okoeko Isorren Hoponrepe biswạs akan, ape ṭhen iń do noakoń olkeda jemonpe baḍae daṛeakʼ, ape do jaejug jionpe ńam akada mente.

2 Patras 3:15

Disạipe, manwako kại khon bańcaoko ńam lạgitʼ aboren Probhu Isor doe sombhuriyeda. Ar inạ mitʼ kathage aboren dulạṛiạ boeha Pạul hõ Isore emakade akelte apeye olatʼpea.

1 Patras 5:12

Siluạnus, okoe do ińren pạtiạrạnicʼ boehań metaekan, uni hotete noa ciṭhi do thoṛa kathate ape ṭheniń olkeda, jemon iń do apeń udgạu daṛeape ar Isorakʼ sạriạkʼ reakʼ dayaren gohań em daṛeakʼ. Ape do Isorakʼ noa dayare ṭarhao akan tahenpe.

Ibriko 13:22

E boehako, ape ṭhen ińakʼ bạ̃ṛti nehõr do noage je, ińakʼ noa sikhạuna kathako baṛe bataotińpe. Ar ape ṭhen bạ̃ṛti katha do bạń oletʼkana.

Titus lạgitʼ Pạul Apostolakʼ ciṭhi 3:1

Isorren hoṛko disạ ocokom jemon onko do mạliki ar ektiạri menakʼtako hoṛ gobolreko tahente, onkoakʼ hukumko batao ar hoṛkoakʼ sanam lekan bhage kạmi lạgitʼ sapṛao akanko tahen.

2Timothi 2:14

Noako katha do hoṛko disạ ocokom. Ar Isor samaṅre sontorkom jemon ạuṛiyakʼ kathakote aloko reṭepeṭekʼ. Noa reakʼ do cetʼ damge bạnukʼa, bickom okoe onako ańjom onko doko bangla bhaṭokʼa.

2Timothi 1:6

Onate iń do arhõ noa kathań disạ ocoyetʼme kana, jemon ińakʼ tikin reakʼ capote amre menakʼ Isorakʼ daya danem salgao aroy.

1Timothi 4:6

Am do noako reaṅ boehakom bujhạuako khan enḍekhan Mạsiyakʼ dhorom biswạs reakʼ okaṭakʼ sạri ar bhageakʼ sikhnạtem manaoetʼkan, onate Mạsi Jisuren mitʼṭen bhage sapʼ dapʼicʼem hoyokʼa.

Galathiko lạgitʼ Pạul Apostolakʼ ciṭhi 2:9

Onko manotan hoṛ, metakʼme Jakob, Kephas ar Johan do noako ńelteko bujhạu daṛeatʼ tahẽkana, Isor ṭhen khon dayań ńamakada mente. Onko ar ạliń talare oka helmel menakʼ ona udug lạgitʼ onko do Barnabas ar iń tulucʼ jojomtiko milạukeda. Arko rạjiyena, ạliń do boṅgan hoṛ jạtrenko ṭhenliń calakʼa ar onko do Jihudiko ṭhenge.

1 Korinthiko 3:10

Isor ṭhen khon oka dayań ńamakatʼ ona hotetege iń do gạkhuṛ kạrigol leka rehetʼ iń bạisạu akada, ar eṭakʼko do ona cetanre oṛakʼko benaoeda. Menkhan okoe okalekae benaoetʼkan ona reaṅ uni doe sontorokʼma.