Romiko lạgitʼ Pạul Apostolakʼ ciṭhi 15:14 - সান্তালী বাইবেল

¹⁴ E ińren boehako, iń do noań pạtiạukʼ kana, apeakʼ ontor do bhageakʼte purun akana, ar joto lekan akeltehõpe perecʼgea, ente ape do mimitʼkope sikhạu paṛhao daṛeako kana.

Santali Common Language New Testament

¹⁴ E ińren boehako, iń do noań pạtiạukʼ kana, apeakʼ ontor do bhageakʼte purun akana, ar joto lekan akeltehõpe perecʼgea, ente ape do mimitʼkope sikhạu paṛhao daṛeako kana.

Romiko lạgitʼ Pạul Apostolakʼ ciṭhi 15:14 Referans Kwoze

2 Patras 1:12

Onate noako reaṅ iń do jaogeń disạ ocoyetʼpea. Menkhan ape do noakope baḍaegea ar oka sạritetʼ apeakʼ ontorre menakʼ onare hõ kajak menakʼpea.

1 Johan 2:21

Sạriyakʼ bape baḍae akatʼte apeń olape kana ona do baṅ, menkhan ape do noa hõpe baḍaea, sạriyakʼ khon eṛeyakʼ do baṅ hijukʼa; ar ona iạtegeń olatʼpea.

1 Korinthiko 8:1

Iń do ńitokʼ boṅga ṭhen samaṅakʼ jomakʼko reaṅ iń roṛeda. Baḍaegeabon, sanamkoakʼge akel menakʼtabona. Akel do manwae phulạu ocoyea, menkhan dulạṛ doe benao rakapʼa.

1 Thessalonikikko 5:11

Onate ńitokʼ okape cekayetʼkan onkage mimitʼko udgạu emakope ar ape mimitʼko benao rakabokʼpe.

Kolossiko lạgitʼ Pạul Apostolakʼ ciṭhi 3:16

Mạsiyakʼ katha apeakʼ ontorre purạte girobas ocowakʼpe. Isorakʼ akelte lại cecetʼ ar sipikhạukʼpe, sereńko, sarhao sereńko ar Jiuteakʼ õṛhẽyakʼkote apeakʼ ontorre Isor gun manao tulucʼ sereńaepe.

1 Korinthiko 8:10

Amakʼ do akel menakʼtama, menkhan okoeyakʼ bibek nijorgetae uni do boṅga mundilkore jojom duṛupʼe ńellem khan boṅga samaṅakʼ jom lạgitʼ uni hõ cetʼ dil bae ńama?

1 Korinthiko 8:7

Menkhan noa akel do jotokoakʼ do bạnukʼa. Boṅga sewa reakʼ hewa tahẽkante adomko do ńitokʼ hõ boṅga ṭhen samaṅakʼ jomakʼko jomeda. Onate onkoakʼ bibek hõ nijorgete bhonḍokʼ kantakoa.

1 Korinthiko 1:5

Ona daya do noage, ape do Mạsi tulucʼpe mitʼ akante joto secʼ khon metakʼme, sanamakʼ roṛ reakʼ daṛete ar akeltepe kisạ̃ṛ akana,

Philimon 1:21

Am do ińakʼ katham senakʼa menteń baḍaete noa ciṭhiń olam kana. Menkhan ińiń baḍaea, iń okań lạiyamkan ona khon hõ am do ḍhergem onkaea.

1 Thessalonikikko 5:14

E boehako, ale do noale sikhạuetʼpe kana, okoeko kuṛhiạge onko sontorkope; ar okoeyakʼ dil bạnukʼtako onko do dil emakope; okoeko nijorge onko goṛowakope ar sanamko secʼ sombhurikate sapahaope.

Ephesiko lạgitʼ Pạul Apostolakʼ ciṭhi 5:9

ente sanam lekan bhạlại ar dhorom ar sạriyakʼ kangea marsal reakʼ jo do.

Ibriko 6:9

Dulạṛiạ gateko, ale do noako kathale menetʼre hõ enhõle pạtiạukʼ kana, apeakʼ dosa do onka baṅkana; kại khon bańcaokʼ reakʼ jo apeakʼ jionre ńelokʼ kangea.

Ibriko 5:12

Nunạkʼ dinte ape do guru hoyokʼ lek tahẽkantapea, menkhan ona bodolte Isorakʼ katha reakʼ arhõ gonḍa khon sikhnạt emape lạgitʼ cecetʼicʼakʼ jạruṛ paṛao akana. Keṭecʼ jomakʼ bodolte kạṭicʼ gidrạko leka arhõ ape do toa ńũũ reakʼ jạruṛ paṛao akatʼpea.

2Timothi 1:5

Amakʼ ontorre menakʼ sạri biswạs reakʼ katha hõ disạ menakʼ getińa. Ar noa biswạs do amren goṛom ayo Loisre ar amren eṅgam Eunikere girobas akankin tahẽkana, ar ińiń baḍaea, noa biswạs do amakʼ ontorre hõ menakʼgea.

Philipiko lạgitʼ Pạul apostolakʼ ciṭhi 1:7

Ape sanamko lạgitʼ ińakʼ monejoṅakʼ do nonka leka hoyokʼge lek kana, ente ape do ińren dulạṛiạko kanape. Iń do hajotreń tahen se bhage sombatreń roṛ dogokʼre hõ ona reakʼ sạritetʼ iń gohayeda, ar onate ape sanamko iń tulucʼ Isorakʼ dayaren bhạgiyạdarkope hoyokʼ kana.

1 Korinthiko 13:2

Nạbi leka roṛ reakʼ ektiạri tahentiń, ar sanam okoakʼ iń baḍae daṛeakʼ ar joto lekan akel tahentiń, se buruko ucạṛ daṛeakʼ leka purạ biswạs tahentiń, menkhan dulạṛ bạnukʼtiń khan, cetʼ porho hõ bạnukʼtińạ.

1 Korinthiko 12:8

Adom adom hoṛ do uni sonot Jiu hotete akel reakʼ kathako roṛeda.

2 Korinthiko 8:7

Jotowakʼge, metakʼme biswạs, Isorakʼ katha, akel, jid ar alere cetʼ leka apeakʼ asambheṛ dulạṛ menakʼ onkage jemon dan reakʼ gun hõ sareṛokʼ tape.

2 Thessalonikiko 1:11

Onate ale do jaoge ape lạgitʼle koejoṅ kana jemon aboren Isor do hoho ocokʼ lek menteye bujhạupe, ar acʼakʼ daṛete apeakʼ sanam bhage kạmi reakʼ monejoṅakʼe purạutape ar biswạsi iạte okakope kạmikan onare jemone sạbit utạrpe.