Romiko lạgitʼ Pạul Apostolakʼ ciṭhi 14:2 - সান্তালী বাইবেল

² Jãhãeye hudiskea uni do jotowakʼe jom daṛeakʼa, menkhan okoe pạtiạureye nijorge uni do eken aṛakʼ sakamgeye jomeda.

Santali Common Language New Testament

² Jãhãeye hudiskea uni do jotowakʼe jom daṛeakʼa, menkhan okoe pạtiạureye nijorge uni do eken aṛakʼ sakamgeye jomeda.

Romiko lạgitʼ Pạul Apostolakʼ ciṭhi 14:2 Referans Kwoze

1Timothi 4:4

Isore sirjạu akatʼ sanamakʼge bhagegea, onate okaṭakʼ hõ bạṛicʼ hudiskate giḍikakʼ lek do baṅkana; menkhan ona do jemon gun manao joharkate ataṅokʼ,

Romiko lạgitʼ Pạul Apostolakʼ ciṭhi 14:14

Probhu Jisu tulucʼ bon kolom mitʼ akante iń do bes okocʼteń baḍaea je, okaṭakʼ jomakʼ hõ besaphawakʼ do baṅkana, menkhan jãhãe jãhãn jomakʼ besaphagea menteye hudisetʼ khan enḍekhan uni lạgitʼ ona jomakʼ do besaphagea.

Kạhtukko 15:17

Aṛakʼ utu ar ona seletʼ dulạṛge bhagea jel utu daka ar ona seletʼ kurud khon do.

Ibriko 13:9

Aema lekan nãwã nãwã cecetʼakʼte bhul horte jemon aloko bulạu idipe. Aboakʼ mon do dãṛẽ samaṅ akatʼ jomakʼre tahẽ baṅkate Isorakʼ dayare jemon kajakte ṭarhao akae tahen. Okoe ona jomakʼreko ṭehãḍokʼkan tahẽkan, onko do ona jomakʼ khon jãhãn porho baṅ hoylentakoa.

Galathiko lạgitʼ Pạul Apostolakʼ ciṭhi 2:12

Jihudikoren biswạsi okoeko dol do be Jihudiko khatna ocoko cetanre jorko emetʼ tahekan, onkoren adom hoṛ Jakob ṭhen khon ạuriko hijukʼre Patras do be-Jihudiko tulucʼe jom-ńũiyetʼ tahẽkana. Menkhan tinre onko dolren hoṛko hecʼena unre uni do onko botorte be-Jihudiko sãote gatekʼe bạgiketʼte apnar do onko khone begarena.

Genesis 9:3

Jiwetʼ ar ạcur baṛae sanam jiwiyankoge aperen jomakʼko hoyokʼa. Ar jomakʼ lekate iń do laharege cetʼleka ape lạgitʼ aṛakʼ sakamkoń emlen onkage ńitokʼ hõ onakogeń ematʼpea;

Ibriko 9:10

Onako do eken hoṛmoteakʼ kana, metakʼme jom-ńũ ar dhorom reakʼ niạm lekate saphakʼ reaṅge. Onako do sanamakʼ jut aroe okte hạbicʼge kạmire lagaolena.

Titus lạgitʼ Pạul Apostolakʼ ciṭhi 1:15

Okoeyakʼ ontor napaege onko ṭhen do jotowakʼge napaegea, menkhan okoeyakʼ ontor bạṛicʼ ar bepạtiạrge onko ṭhen cetʼge napaeakʼ do bạnukʼanaṅ, ente onkoakʼ mon ar bibek do mạilạgetakoa.

1 Korinthiko 10:25

Bajarre ạkhrińokʼ kan jãhãnakʼge jompe; apeakʼ bibek khạtirte cetʼ hõ begor kulite;

Daniel 1:12

“Am do dayakate gel din amren guti baṛe biḍạu aṭkarkate ńeleme; am do eken aṛakʼ sakam ar ńũi lạgitʼ dakʼ emalem.

Daniel 1:16

Unre uni hoṛ do rajakʼ jomakʼ ar darkha rasae ocokʼketʼte ona bodolte onko do aṛakʼ sakamge emakoe ehopʼena.

Genesis 1:29

Ona tayom Isore menkeda, “Ńelben, Ot cetan reakʼ sanam aṛakʼ sakamko ar sanam lekan dareko ar jo bahako reakʼ itạko hõń emena. Noakoge abenakʼ jomakʼ do hoyokʼa.

Romiko lạgitʼ Pạul Apostolakʼ ciṭhi 14:1

Pạtiạure okoeye nijorge uni do ataṅ sãohãyepe; uniyakʼ hudis bundis joṅre uni tulucʼ alope reṭe peṭekʼa.

Romiko lạgitʼ Pạul Apostolakʼ ciṭhi 14:20

Jãhãn jomakʼ khạtirte Isorakʼ kạmiko do alope nosṭoea. Joto jomakʼge sonotgea, menkhan jãhãe jãhãnakʼ jomte eṭagicʼakʼ monre tạkicʼakʼe janam ocoyetʼ khan uni lạgitʼ ona jom do baṅ ṭhika.

Romiko lạgitʼ Pạul Apostolakʼ ciṭhi 15:1

Abo okoe do bon daṛeanko kan aboakʼ do dạyik kana bin daṛeankoakʼ nijorakʼkore teṅgo goṛowako, ar eken apnar kusikʼ lạgitʼ do baṅ.

1 Korinthiko 8:9

Menkhan, sontor akan tahenpe, jemon apeakʼ noa sạdhintetʼ do nijorkoakʼ tạkicʼakʼ aloe hoyocoe.

1 Korinthiko 9:22

Pạtiạure okoeko nijorge onko ṭhen do onko lekan hoṛgeń hoyakana, jemon Mạsi lạgitʼ purạteń lab daṛeako. Metakʼme sanamko ṭhen iń do sanamakʼgeń hoyakana jemon jãhãlekate thoṛa hoṛiń bańcao daṛeako.