Romiko lạgitʼ Pạul Apostolakʼ ciṭhi 14:13 - সান্তালী বাইবেল

¹³ Onate abo do mimitʼ hoṛakʼ dosko alo bon sabtakoma, ar nonkanakʼ alo bon kạmima one ona ńelte jãhãe boeha monreye tạkijokʼ se kạireye ńur botecʼkokʼ.

Santali Common Language New Testament

¹³ Onate abo do mimitʼ hoṛakʼ dosko alo bon sabtakoma, ar nonkanakʼ alo bon kạmi ma one ona ńelte jãhãe boeha monreye tạkijokʼ se kạireye ńur botecʼkokʼ.

Romiko lạgitʼ Pạul Apostolakʼ ciṭhi 14:13 Referans Kwoze

2 Korinthiko 6:3

Mạsi lạgitʼ okaṭakʼle kạmikan ona jemon alo nisṛạu ocokʼ, onate nonkanakʼko bale kạmikana one okaṭakʼte jãhãeko tạkicʼ botecʼkokʼ.

Jakob 4:11

E boehako alope okta baṛaya. Okoe boeha upạrte kathae roṛ se boehawakʼ doskoe ńam baṛae uni do ạn upạrte kathae roṛa ar ạn-ạri reakʼ doskoe ḍunḍhạu baṛaea. Am do ạn-ạri reakʼ doskom ńam baṛae khan enḍekhan ona do bam manaoeda bickom ona reakʼem bicạreda.

Luk 12:57

“Ar okaṭakʼ ṭhikakʼkan ona do cedakʼ bape bicạreda?

Mathae 7:1

“Eṭakʼkoakʼ dosko alope ńam baṛaea, jemon apeakʼ dos hõ alo sabokʼtape,

Jesaea 57:14

Probhu Isore mena, “Sạriạupe, sạriạupe, hor tearpe. Ińren hoṛkoakʼ hor khon mitʼke mitʼ tokʼhotʼakʼko ocokʼ giḍikakʼpe.”

Romiko lạgitʼ Pạul Apostolakʼ ciṭhi 16:17

E boehako, okaṭakʼ sikhnạtpe ńamakatʼ ona upạrte okoe do kạphạriạu ar tạkicʼakʼko janam ocoyetʼkan onko oromkakope ar onko khon sahaṛokʼpe,

Romiko lạgitʼ Pạul Apostolakʼ ciṭhi 14:10

Enḍekhan cedakʼ am do amren boehamakʼ dosem sapʼeda? Ar cedakʼ amren boeha dom nihạ̃t edekana? Bicạr lạgitʼ ma sanamkoge coṅ Isor samaṅre teṅgokʼ hoyokʼ tabon.

Luk 17:2

Noko huḍińko modre jãhãege mitʼ goṭen kại horteye idiye enḍekhan uni do hoṭokʼre jante dhiri akawaete jalapurire khadle giḍikaege bhage hoyokʼa.

Johan sodor 2:14

Menkhan enhõ am upạrte ińakʼ roṛ reakʼ thoṛa menakʼtińạ. Onḍe am ṭhen nonkan hoṛ menakʼkoa okoe do Biliamakʼ sikhnạt lekateko calakʼkan. Balak raj do Biliame cetʼade tahẽkana jemon uni do boṅga samaṅakʼkoe jom ocoko ar laṭghaṭ kạmikote Israelko kại secʼe idiko.

Jakob 2:4

Enḍekhan apnar talare cetʼ kạṭicʼ ar lạṭu reakʼ bape sirjạueda ar bạṛicʼ monsubạte bape bicạreda?

1 Korinthiko 11:13

Ape apnarte baṛe bicạrpe, maejiuko begor ṭuṭurite Isor ṭhenko koejoṅ do cetʼ sajaokʼgea?

1 Korinthiko 10:32

Iń do cetʼleka sanam manwako jotowakʼte kusi ocoko lạgitʼ iń kurumuṭuyetʼ kan ape hõ onkage kurumuṭuipe; metakʼme Jihudi ar boṅgan hoṛ jạtrenko se Isorakʼ manḍerren hoṛko ṭhen tạkʼkicʼko alope hoyokʼa.

Romiko lạgitʼ Pạul Apostolakʼ ciṭhi 14:4

Am dom celekante, eṭakʼ hoṛren gutim bicạrede kana? Uni doe teṅgo ṭahraokʼa, seye ńurocokʼa, ona do uniren kisạ̃ṛgeye bujhạua. Menkhan uni doe teṅgo ṭahraokʼa, Probhu Isorge uni doe teṅgo ṭahrao ocoyea.

Mathae 18:7

Hae hae! Kại horte idiko lạgitʼ tinạkʼ uskạu baṅ amre menakʼ! Ente uskạu do hijukʼgea; enhõ hae uni hoṛ do, one okoe hotete ona uskạuko hijukʼkan!

Mathae 16:23

Jisu do ạcurente Patrase metadea, “Eya Soetan iń samaṅ khon pharakokʼme. Am do iń tạkʼkicʼicʼ kanam. Isor reakʼakʼko do bam moneyakʼ kana menkhan manwa reakʼakʼgem moneyakʼ kana.”

1 Johan 2:10

Okoe acʼren boehae dulạṛede uni do marsalreye tahenkana ar unire jãhãn tạkicʼakʼ do bạnukʼanaṅ.

1Timothi 5:14

Onate iń do noań hukumape kana, kom umerren rạnḍi maejiu doko baplakʼma, arko gidrạ eṅgatokʼma, apan ạpin gharońjko ńel todarotma ar teṅgo daramicʼe oktae reakʼ jãhãn dão aloko emaema.

Philipiko lạgitʼ Pạul apostolakʼ ciṭhi 1:10

Enḍekhan okaṭakʼ do joto khon sạri bhageakʼkan ona bujhạukatepe bachao daṛeakʼ. Noate ape do Mạsi Jisu hotete dhorom reakʼ jotepe perejokʼte Mạsiyakʼ hijukʼ din hạbicʼ khạṭi ar bin daganpe tahẽdaṛeakʼa, ar onate Isorakʼ do ṭhonok ar sarhao hoyokʼtaea.

2 Korinthiko 5:14

Mạsiyakʼ dulạṛge ale doe gobol akatʼlea, ente khạṭigele bujhạuakada je, sanamko lạgitʼ mitʼ hoṛe gocʼena, ar ona iạte sanamgeko gocʼena.

Romiko lạgitʼ Pạul Apostolakʼ ciṭhi 11:9

Dạud raj hõe menleda, onkoakʼ jojom ar ńũńũakʼ do pạsi ar jhampa leka hoyokʼ ma; ona do jemon onkoakʼ tạkicʼakʼ hoyokʼtako, ar oka kuṛại menakʼtako onage jemonko ńam.

2 Samuel 12:14

Menkhan noam kạmi akatʼte am do Probhu Isorren bạiriko nindạu reakʼ ạtem ematʼkoa. Ona iạte amren okoeṭakʼ gidrại janam akan uni do khạṭigeye gujukʼa.”

Jeheskel 14:3

“E manwa hopon, noko hoṛ do akoakʼ ontorre boṅga muṭhạnko bạisạu akawante kạire ńurokʼ lekan jinis ako samaṅreko dohoakada. Ona iạte iń ṭhen jãhãnakʼ reakʼko kulijoṅ khan onko do cetʼge bạń roṛ ruạṛakoa.

Levitikus 19:14

Luturte bae ańjom hoṛ do alogepe sarapaea ar mẽtʼte bae ńeńelkạnicʼ hõ alope tohotʼ ocoyea. Ape do aperen Isor botoraepe. Iń kangeạń aperen Probhu Isor do.

Romiko lạgitʼ Pạul Apostolakʼ ciṭhi 14:3

Jel jojom hoṛ do jel baṅ jojomicʼ hoṛ aloe nisṛạuema ar jel jojomicʼ hõ jel baṅ jojomicʼakʼ dos aloe sabtaema, ente Isor do unkin bana hoṛgeye ataṅ sãohã akatʼkinạ.