Romiko lạgitʼ Pạul Apostolakʼ ciṭhi 13:7 - সান্তালী বাইবেল

⁷ Okoeyakʼ oka bakhrakan uni do ona emkataepe. Khajna hataoicʼ do khajna; mạsul uṭhạuicʼ do mạsul; botorae lekicʼ do botor; ar manot emae lekicʼ do manot emaepe.

Santali Common Language New Testament

⁷ Okoeakʼ oka paona ona emkataepe. Khajna hataoicʼ do khajna; mạsul uṭhạuicʼ do mạsul; botorae lekicʼ do botor; ar manot emae lekicʼ do manot emaepe.

Romiko lạgitʼ Pạul Apostolakʼ ciṭhi 13:7 Referans Kwoze

Luk 20:25

Adoe metatʼkoa, “Enḍekhan okaṭakʼ maharajakʼkan ona do maharajge emkataepe ar okaṭakʼ Isorakʼkan ona do Isorge emaepe.”

Mathae 17:25

Patras do onkoe metatʼkoa, “Hẽ, emetʼgeae.” Inạ tayom Patras oṛakʼteye boloyen khan Jisu do roṛ daramkedeteye metadea, “E Simon, am do cetʼem hudiskea? Noa dhạrtiren rapajko do okoe ṭhen khon khajnako uṭhạueda? Nij disạmren hoṛko ṭhen khon, se bidesiạ hoṛko ṭhen khon?”

Kạhtukko 24:21

E bạbu, Probhu Isor ar raj botorakinme, ar huhulkan hoṛko tulucʼ do alom mesalokʼa;

1Timothi 5:17

Manḍerren maraṅ mukhiyạko okoe bes okocʼte manḍerko calaoetʼkan, ar okoe do Isorakʼ kathako porcaretʼkan ar lại cecetʼreko mehnotetʼkan, onko do dobṛa manot ocokʼ lek kanako.

Mathae 22:21

Adoko menkeda, “Romren maharajakʼ.” Jisui metatʼkoa, “Enḍekhan okaṭakʼ maharajakʼ kan ona do maharajge emaepe, ar okaṭakʼ Isorakʼ kan ona do Isorge emaepe.”

Ephesiko lạgitʼ Pạul Apostolakʼ ciṭhi 6:5

E golamko, ape do Mạsirepe gobol akante botor ar manot seletʼ ontor khon niạ dhạrtiren kisạ̃ṛkoakʼ batao takope.

1 Patras 3:7

Onkage ape hõ E jãwãeko, ape do bujsujte aperen bạhuko tulucʼ tahenpe. Onko do aperen nijor soṅgeten kanako, ar onko hõ ape tulucʼ Isorakʼ daya reakʼ dan lekate jionko ńama. Onate onko manotkope jemon apeakʼ koejoṅ alo akoṭokʼtape.

1Timothi 6:1

Okoe golamiko khạṭaokʼkan onko sanamkoge akoren kisạ̃ṛko manot ocokʼlek menteko bujhạukoma, jemon okoe hõ Isorakʼ ńutum ar aboakʼ sikhạuna aloko nindạu daṛeakʼ.

Ephesiko lạgitʼ Pạul Apostolakʼ ciṭhi 5:33

Menkhan ona katha do tahẽocoakʼge. Ape mimitʼko aperen bạhuko apnar leka dulạṛkope ar bạhu hõ onka leka acʼren jãwãeye manotema.

Luk 23:2

Onko do noa menkate Jisu upạrte lạlisaeko ehopʼena, “Alele ńelakadea, nui hoṛ do aleren hoṛko raj upạrteye bhiṅgṛạuetʼkoa. Uni do maharaj khajna emae lạgitʼe baronetʼkoa ar acʼge Mạsi ar mitʼṭen raje ńumogokʼ kana.”

Mark 12:17

Jisui metatʼkoa, “Okaṭakʼ maharajakʼ kan ona do maharajge emaepe, ar okaṭakʼ Isorakʼkan ona do Isorge emaepe.” Jisuakʼ noa katha ańjomkateko hahaṛayena.

1 Samuel 12:18

Inạ tayom Samuel do Probhu Isor ṭhene koekeda ar uni do enhilokʼge huḍur ar dakʼe kolkeda. Unre sanamkoge Probhu Isor ar Sạmuelko botoratʼkinạ.

Levitikus 19:32

“Haṛam hoṛkoko hecʼlenre teṅgokʼpe ar onko manotkope. Ar aperen Isor botoraepe. Iń kangeạń aperen Probhu Isor do.

Levitikus 19:3

Aperen gogo-baba manotkope ar ińakʼ jirạukʼ mãhã manaope. Iń kangeạń aperen Probhu Isor do.

Exodus 20:12

“Amren gogo ar baba ganaokinme. Enḍekhan Probhu Isore emam disạmre ḍher din jiwetʼem tahena.

1Timothi 5:13

Ona chaḍa onko do oṛakʼ oṛakʼko ajare baṛaete kuṛhnikʼko ceda. Eken kuṛhnikʼko ceda ona do baṅ, menkhan nilạjiạ kathako roṛa ar eṭakʼkoakʼko oktawa ar baṅ ganokʼakʼ katha hõko roṛa.

Kạhtukko 3:27

Okoe bhạlại ńam lạgitʼko lek kan onko bhạlạiko lạgitʼ tinre daṛe tahen tama unre ona onkae do alom baṅa.

Luk 20:22

Ado Moseyakʼ ạn lekate Romren maharaj do cetʼ khajna emae ganokʼgea?”

Romiko lạgitʼ Pạul Apostolakʼ ciṭhi 12:10

Ape ape talare boeha leka dupulạṛpe. Ar apnar khon eṭakʼko bạ̃ṛti manotkope.

Romiko lạgitʼ Pạul Apostolakʼ ciṭhi 13:6

Onatege ape do raj bhejape emetʼ kana, ente mạsul uṭhạuko do akoakʼ kạmi hotete Isorakʼko kạmikana.

1 Rapajko 3:17

Unkin modre mitʼ hoṛ doe menkeda, “E ińren mạlik, ạliń do mitʼ oṛakʼrege liń tahẽnkana. Ar onḍe liń tahẽkanre ińren do mitʼṭen koṛa gidrạń janamkedea.