Romiko lạgitʼ Pạul Apostolakʼ ciṭhi 13:12 - সান্তালী বাইবেল

¹² Ńindạ do caba hecʼena, aṅgakʼ lạgidokʼ kana; onate dela, ńut reakʼ kạmi bạgikate marsal reakʼ khanḍa banḍa bon horokʼ joṅma.

Santali Common Language New Testament

¹² Ńindạ do caba hecʼena, aṅgakʼ lạgidokʼ kana; onate dela, ńut reakʼ kạmi bạgikate marsal reakʼ khanḍa banḍa bon horokʼ joṅma.

Romiko lạgitʼ Pạul Apostolakʼ ciṭhi 13:12 Referans Kwoze

Ephesiko lạgitʼ Pạul Apostolakʼ ciṭhi 5:11

Ńut reakʼ bin jowanakʼ kạmikore do alope seledokʼa; bickom onako reakʼ dos udukʼakope,

2 Korinthiko 6:7

sạri porcarte ar Isorakʼ daṛe hotete ale dole sạbutetʼkana je, sapʼ dapʼko kanale mente. Arhõ banar tite sạriyakʼ reakʼ khanḍa bhanḍa sapʼkatele sạbudetʼ kana ale do Isorren sapʼdapʼko kanale.

Jakob 1:21

Onate joto lekan bedhorom ar bạṛicʼakʼko ńit hõ apeakʼ jionre menakʼ khan ona do bạgiyakʼpe. Isorakʼ katha reakʼ itạ one oka do apeakʼ ontorre rohoe akan ona baṛe mạ̃hir salakʼ ataṅpe. Ar kại khon bańcaope reakʼ ektiạri do noa katharege menakʼa.

Jesaea 30:22

Unre ape do aperen rupạ ar sonatepe muṛạu akatʼko boṅga murhutʼpe bhõnḍ ocokoa; ar mạilạ kicricʼ lekape giḍikakoa arpe mena, “Men nonḍe khon do sạṅgińokʼpe!”

Ephesiko lạgitʼ Pạul Apostolakʼ ciṭhi 4:22

Ar noa sikhnạtpe ńamleda je, apeakʼ pạhil cạl-colon lekaten “Mare hoṛtetʼ ” kicricʼ leka totʼ giḍikaepe, ente lilkạr reakʼ lalocte uni “Mare hoṛtetʼ ” doe bạṛijokʼkana.

Romiko lạgitʼ Pạul Apostolakʼ ciṭhi 13:14

Ape do kicricʼ leka Probhu Jisu Mạsi horokʼjoṅpe; ar jel reakʼ sana purạu lạgitʼ do alope moneyakʼa.

Soros sereń 2:17

E ińren dulạṛiạ, ruạṛ hijukʼme baṛe; tin hạbicʼ baṅ aṅga marsalokʼ ar ńut ạuri cabakʼ un hạbicʼ am do tahenme. Buru rindiṛkore juạn jhaṅkaṛ jel baṛe hoyokʼme, selepʼ jel leka baṛe hoyokʼme.

Johan sodor 22:10

Ona tayom uni doe metadińạ, “Noa puthi reakʼ sanamakʼ kathako, metakʼme Isorakʼ katha am do alom oko dohokakʼa, ente oktetetʼ do sor akana. Bedhoromicʼ do, bedhoromtegeye tahenma,

1 Patras 2:1

Onate eṭakʼkoakʼ loksantako reakʼ joto lekan monejoṅakʼ, sanam lekan phorphundi, eṛeteakʼ, hiskạ ar sanam lekan nisṛạu kathako apeakʼ ontor khon oḍok giḍikakʼpe.

Jesaea 2:20

Enhilokʼ hoṛko do oneko pujạwako kan sona ar rupạte benao murtiko do cũd ar bạduṛ ṭhenko giḍikakoa.

Johan sodor 1:3

Ar Isorakʼ okaṭakʼ katha nonḍe olakan, ar okoe noae paṛhao uni doe bhạgangea ar okoe onako ańjom arko manao onko hõko bhạgangea, ente okte do hecʼ seṭerakana.

1 Korinthiko 7:29

E boehako, noageń meneda, okte do khaṭo akana. Onate ńit khon bạhuanko do begor bạhuanko lekako tahenma;

1 Korinthiko 10:11

Eṭakʼ hoṛko jemon ńelkateko cetʼ daṛeakʼ onate onko cetanre noako do hoylena. Okoe jug reakʼ mucạtʼre bon seṭerakan, abo cehao bon lạgitʼge noako do olakana.

2 Korinthiko 10:4

Jel ar mãyãm reakʼ gobolre tahẽkate okako khanḍa bhanḍate manwako lạṛhạikan onate ale do bale lạṛhại kana, menkhan Isorakʼ daṛete aboakʼ khanḍa bhanḍa ar kajak gaṛko hõ dhaṅ dhaserokʼa.

Ephesiko lạgitʼ Pạul Apostolakʼ ciṭhi 5:8

ente pạhil do ńutrepe tahẽkana menkhan ńitokʼ do Probhu Isorrepe mitʼ akante marsaltepe hecʼakana. Marsalte perecʼ hoṛkoakʼ cetʼleka calakʼ lek kan onkage ape hõ calakʼpe,

Ibriko 10:25

Adom adom hoṛakʼ mitʼ ṭhecʼ jarwakʼ reakʼ cetʼleka hewa menakʼtako, onka leka jarwakʼ do alo bon bạgi ma, bickom Mạsiyakʼ hijukʼ din hạbicʼ mimitʼko jemon arhõ bon udgạuko.

Ibriko 12:1

Enḍekhan ńelokʼ kana, Isorre biswạs reakʼ goha lekate aema hoṛ do abo beṛhaeteko ṭhạurạ akana. Onate dela bon, mitʼke mitʼ tạkicʼakʼ ar oka kại abore laṭkao akan ona do sạṅgiń secʼ bon ṭhelao giḍikakʼte sombhuri salakʼ laha secʼ bon ńir calakʼma.

Jakob 5:8

Ape hõ onkage sombhuripe ar ontorre teṅgo ṭak akae tahenpe, ente Probhu Isor do ạḍi usạrageye hijukʼ kana.

1 Patras 4:7

Nitokʼ do sanamakʼ reakʼ mucạtʼ okteko seṭer akana. Onate apeakʼ mon do kajak akae dohoytape ar apnarte sambṛaokʼpe jemonpe koejoṅ.

2 Patras 3:9

Adom hoṛko hudiseda Probhu Isor do acʼakʼ gokʼakʼ purạu lạgitʼe bilomeda, menkhan ona do baṅ. Asokaete uni do ape lạgitʼe soboriyeda, ente jãhãegeye nosṭokʼ do bae khojkana, bickom sanamkoge jemon kại khon monko ạcurtako onageye khojkana.

2 Patras 3:11

Sanamakʼge nonka marao lạgidokʼkan khan enḍekhan cetʼ lekanko hoyokʼ lektapea? Ape do gagojokʼ tulucʼ Isorakʼ din koyokʼ horre tahente sonot ar Isor bhoktite jion khemao lektapea.

1 Johan 2:18

E hoponińko, noa kangea mucạtʼ okte do. Apepe ańjom akada je, Mạsiren bạiriye hijukʼkana mente, menkhan ńitrege uniren do arhõ aema bạiriko hecʼakana. Onate bon bujhạu daṛeakʼkana, noa kangea mucạtʼ okte do.