Romiko lạgitʼ Pạul Apostolakʼ ciṭhi 12:19 - সান্তালী বাইবেল

¹⁹ Dulạṛiạ boehako, okoehõ alope hala ruạṛakoa, bickom Isorge sạjại lạgitʼ aṛakʼaepe. Sonot sostorre Probhu Isore meneda, “Hala ruạṛ reakʼ ektiạri do eken ińakʼge menakʼtińạ; ar ińgeń hala ruạṛa.”

Santali Common Language New Testament

¹⁹ Dulạṛiạ boehako, okoe hõ alope hala ruạṛakoa, bickom Isorge sạjại lạgitʼ aṛakʼaepe. Sonot sostorre Probhui meneda, “Hala hạli sạjại emokʼ reakʼ ektiạri do eken ińakʼge menakʼa; ar ińgeń hala ruạṛakoa.”

Romiko lạgitʼ Pạul Apostolakʼ ciṭhi 12:19 Referans Kwoze

Dosar Biboron 32:35

Behok reakʼ sạjại emokʼ reakʼ ạidạri do ińakʼge; okoeyakʼ oka kuṛại onage uniń emaea. Okte purạulen khan bạirikoakʼ jaṅga do leńjedokʼtakoa; onkoakʼ maraokʼ reakʼ din do sor hecʼakana. Onko lạgitʼ oka ṭhik dohoakan, ona do usạrage onkore paṛaokʼa.”

Ibriko 10:30

Ale do unile baḍae akadea one okoeye menetʼkan, “Hala hạli do ińakʼge, ińgeń hala ruạṛa; okoe okaṭakʼ ńam lek kane uni do onageń emaea.” Uni do arhõ mitʼ jaegareye meneda, “Probhu Isorge acʼren hoṛko lạgitʼ hok reakʼe bicạra.”

Kạhtukko 24:29

Noa katha alom mena, “Uni cetʼlekae ceka akawạdiń iń hoń onkawaea; ar cetʼlekae cekawakatʼ onkageń halawaea.”

Kạhtukko 20:22

Alom mena, “Noa behok reakʼ iń hala ruạṛa.” Probhu Isor lạgitʼ koyokʼ horme, uni do ona muhin khone rukhiyạmea.

Romiko lạgitʼ Pạul Apostolakʼ ciṭhi 12:17

Bạṛicʼ bodol bạṛicʼ okoe hõ alope halawakoa. Sanam hoṛkoakʼ mẽtʼre okaṭakʼ bhageakʼkan ona reaṅ moneyakʼpe.

1 Thessalonikikko 4:6

Noa babotre okoe hõ jemon jãhãe boeha behok lekate aloe ṭhokaye. Ale do laharegele lại akatʼpea arle sontorakatʼpea, noako behokakʼ iạtege Probhu Isor doe sạjạipea,

Levitikus 19:18

Alom hala hạliya, se okoe cetanre hõ monre khĩs alom dohoya. Ar am aḍepaseren hoṛ do apnar lekam dulạṛea. Iń kangeạń aperen Probhu Isor do.

Romiko lạgitʼ Pạul Apostolakʼ ciṭhi 12:14

Okoeko khedetʼpe onko do alope sarapakoa bickom bhorakope.

Dosar Biboron 32:43

E sanam jạtren hoṛko, Probhu Isorren hoṛko sãote uni baṛe sarhaoepe, ente acʼren gutikoakʼ mãyãm reakʼe hala hạliya, uni do acʼren bạirikoe sạjạikoa ar acʼakʼ disạm ar acʼren hoṛkoakʼ kại ikại reakʼe bondobosa.

Mathae 5:39

Menkhan ińiń metapekana, jãhãe ape tulucʼ bạṛicʼko beohar khan onko upạrte cetʼhõ alope cekaea; bickom jãhãe jojom johae thapame khan uni do leṅga joha hõ thapa ocoaeme.

Romiko lạgitʼ Pạul Apostolakʼ ciṭhi 13:4

Apeakʼ bhage lạgitʼge uni do Isorren sapʼdapʼicʼ lekae kạmiya. Ar bạṛicʼakʼpe kạmikan khan botorokʼpe, ente bạṛicʼakʼ kạmikanko sạjạiko reakʼ ektiạri do uniyakʼ menakʼtaea. Uni doe Isorren sapʼdapʼicʼ kana; ar okoe bạṛicʼakʼko kạmikan onko do Isor lekateye sạjạikoa.

1 Samuel 25:33

Amakʼ buj do sarhaokokʼ ma, ar am hõ bhoranicʼ baṛe hoyokʼme, ente teheń am do ińakʼ tite mãyãmiń joro ocoy ar hala hạlikʼ khonem rukhiyạkedeńạ.

1 Samuel 25:26

“E ińren mạlik, jiwetʼ Probhu Isor ńutumte ar am ńutumteń kiriyạkʼ kana, amren bạiriko ar okoe do amakʼ loksan lạgitʼko kurumuṭui onkoakʼ dosa do Nabal leka hoyokʼtakoa, ente Probhu Isor do apnar tite hala hạli reakʼe akoṭ akatʼmea.

Jeheskel 25:12

Probhu Isore menkeda, “Edom do Jihudạren hoṛko cetanreko hala hạli akatʼte ạḍiko behok akada.

1 Samuel 26:10

Jiwetʼ Isor ńutumteń meneda, Probhu Isorge uni do sạjạiye emaea. Uni do acʼtegeye gujukʼa, ar baṅ khan lạṛhạire senkateye marao utạrokʼa.

1 Samuel 26:11

Menkhan Probhu Isorren ojokʼicʼ hoṛ cetanre hat lagao do tishõ Probhu Isor do bae aṛakʼ akawạdińa. Dela, ńitokʼ do uniyakʼ bohokʼ ṭhen khon borlom ar dakʼ bhajan laṅ hataoa ar laṅ ruạṛ calakʼa.”

Jirimiạ 51:36

Ona iạte Probhu Isore meneda, “E Jerusalem, iń doń am sejokʼa ar am huyạteń hala hạlikʼa; uniyakʼ jalapuri doń rohoṛtaea ar sanam bhumbuk koń ańjetʼ ocoytaea.

Ephesiko lạgitʼ Pạul Apostolakʼ ciṭhi 4:27

ar Soetan hõ jãhãn ạt alope aṛakʼaea.

2Timothi 4:14

Okoe Aleksander do tama reakʼe kạmikan uni do ińakʼ ạḍiye loksan akada. Uni okaṭakʼe ceka akatʼ ona do Probhu Isorgeye halawaema.