Romiko lạgitʼ Pạul Apostolakʼ ciṭhi 12:11 - সান্তালী বাইবেল

¹¹ Probhu Isor secʼ jao ghuṛi apeakʼ mon ahkaokʼtape ma. Apeakʼ ontor do bhoktite perecʼ tahen ma. Ar Probhu Isorakʼ kạmire lạgiyạ paṛao akan tahenpe.

Santali Common Language New Testament

¹¹ Probhu secʼ jao ghuṛi apeakʼ mon ahkaokʼtape ma. Apeakʼ ontor do bhoktite perecʼ tahen ma. Ar Probhuakʼ kạmire lạgiạ paṛao akan tahenpe.

Romiko lạgitʼ Pạul Apostolakʼ ciṭhi 12:11 Referans Kwoze

Aposkạmi 18:25

Uni do Probhu Isorakʼ hor reaṅ sikhnạte ńam akatʼ tahẽkana. Ar ạḍi mon lagaokate kathae roṛetʼ tahẽkana ar Jisu reaṅ ṭhiktegeye cetʼako kan tahẽkana, menkhan Johanakʼ bạptisma chaḍa ar eṭakʼ bạptisma reakʼ katha uni do bae baḍaekan tahẽkana.

1 Patras 4:8

Sanam khon maraṅ katha do hoyokʼkana, ape apere khạndri dupulạṛ baṛe tahentape ma, ente dupulạṛ do ạḍi utạr kạiye dapala.

Kạhtukko 13:4

Asketicʼ do ńam baṛaeye khoja menkhan cetʼge bae ńama, menkhan khaṭaokʼkan hoṛ do acʼakʼ khojokʼakʼ khon hõ ḍhere ńama.

Ibriko 12:28

Onate okaṭakʼ rajosṭi baṅ dal dalaokʼ, ona rajosṭi bon ńam joṅkante dela, Isor bon gun manao joharaema. Enḍekhan Isor okalekae kusiyakʼ ona leka bhokti ar botor salakʼ bon sewa daṛeaea.

Ephesiko lạgitʼ Pạul Apostolakʼ ciṭhi 4:28

Kombṛoyicʼ do ar aloe kombṛoe ma, bickom acʼakʼ nij tite bhageakʼ kạmikoreye khaṭaokʼma jemon okulạnan hoṛko em hạṭińako lạgitʼ tahentae.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onatege biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

Aposkạmi 20:19

Jihudikoakʼ ạḍi lekan phor phundi iạte bạṛicʼ biḍạukoreń paṛaolena, menkhan iń do nindhạn monte mẽtʼ dakʼ joro jorote Probhu Isorren sapʼ dapʼicʼiń hoyakana.

Mathae 24:12

Ar bedhoromge ḍherokʼte ḍher hoṛkoakʼ dulạṛ do reaṛokʼtakoa.

Kạhtukko 10:26

Ḍaṭare sirkạ ar mẽtʼre dhũạ lagaolenre cetʼleka kosṭo ạikạukʼa, onkage kuṛhiyạ hoṛ hõ jãhãregem kolkae onḍege kosṭoko ńama.

Kạhtukko 22:29

Am do cetʼ nonkan jãhãe hoṛem ńel akatʼkoa oko do gạkhuṛ titeye kạmikan? Uni do rajko lạgitʼe kạmiya, ar hoṛko tabere do baṅa.

Kạhtukko 18:9

Okoe acʼakʼ kạmireye asketokʼ uni do jarkharicʼ ren boeha kanae.

Exodus 5:17

Pharao do onkoe roṛ ruạṛatʼkoa, “Ape dope kuṛhiạgea. Onatepe meneda, ‘Probhu Isor ńutumte dãṛẽ emokʼ lạgitʼ sen ocoaleme.’

1Timothi 5:13

Ona chaḍa onko do oṛakʼ oṛakʼko ajare baṛaete kuṛhnikʼko ceda. Eken kuṛhnikʼko ceda ona do baṅ, menkhan nilạjiạ kathako roṛa ar eṭakʼkoakʼko oktawa ar baṅ ganokʼakʼ katha hõko roṛa.

Jesaea 56:10

Israelren pahradarko doko kãṛãgea, onko do cetʼge bako baḍaea. Onko do guṅgạ seta lekanako, bako bhokʼ daṛeakʼa. Onko do giticʼkateko kukmũya ar jạpitʼko kusiyakʼa.

Johan sodor 2:4

Enrehõ am upạrte noa katha roṛteakʼ menakʼtińạ, ente lahate iń lạgitʼ cetʼ leka dulạṛ tahẽkan tam ona dom atʼakada.

Kolossiko lạgitʼ Pạul Apostolakʼ ciṭhi 4:1

E kisạ̃ṛko, sermare aperen hõ mitʼṭen kisạ̃ṛ menaea ar ona baḍaekate aperen golamko sãote bhage ar hok reakʼ beoharpe.

1 Korinthiko 7:22

Golam tahenre Probhu Isor okoeye hohoakawade uni do Probhu Isor hotetegeye sạdhin ocoakana. Onkage okoe sạdhin tahenreye hoho ocoakan uni do Mạsiren golame hoyakana.

Mathae 25:26

Khange acʼren kisạ̃ṛ doe roṛ ruạṛadea, ‘E bạṛicʼ ar asaṅpoḍa golam! Baḍaekan tahẽkange com okare bạń er akatʼ onḍe khoniń ireda ar okare bạń chiṭiạu akatʼ onḍe khoniń halaṅeda.

Sosolhayic̕ 9:10

Amakʼ tire jãhãnakʼ kạmige hijukʼ ona do amakʼ goṭa daṛete kạmime, ente oka ṭhạ̃item calakʼkan ona gujukʼ jaegare jãhãn kạmi se hudis se bidiạ se ạkil mente cetʼge bạnukʼa.

Jakob 5:16

Onate ape apere kạiko aṅgocpe ar ape ape lạgitʼ koejoṅpe, jemonpe bogekʼ. Isorakʼ sana leka okoeye calakʼkan uni do koejoṅ reakʼ daṛe menakʼtaete onae hoeocoya.

Kạhtukko 31:15

Ńindạ tahenrege uni doe beretʼkana; ar gharońjrenko lạgitʼ jomakʼe emokʼkana ar kạ̃ṛmĩ kuṛikotae do niṭakʼ kạmikoe hạṭińako kana.