Romiko lạgitʼ Pạul Apostolakʼ ciṭhi 11:33 - সান্তালী বাইবেল

³³ Isorakʼ dhon do asambheṛgea. Uniyakʼ bud ar akel hõ khạndrińgea. Uniyakʼ bicạr ar sanam kạmiko do oho ḍunḍhạulena.

Santali Common Language New Testament

³³ Isorakʼ dhon do asambheṛgea. Uniakʼ bud ar akel do khạndrińgea. Uniakʼ bicạr ar sanam kạmiko do oho ḍunḍhạulena.

Romiko lạgitʼ Pạul Apostolakʼ ciṭhi 11:33 Referans Kwoze

Jobakʼ 5:9

Uni do nonkan maraṅakʼkoe kạmiyeda one ona reakʼ khạndritetʼ do oho jokhalena; uni do nonkan hahaṛawakʼkoe kạmikana ona do tisge oho lekha cabalena.

Sereńko 92:5

E Probhu Isor, amakʼ kạmiko do ạḍi bhagegea ar amakʼ hudisko hõ ạḍi khạndrigea!

Romiko lạgitʼ Pạul Apostolakʼ ciṭhi 2:4

Am do Isorakʼ asambheṛ daya, sahao daṛe ar soborim neṅghaoetʼtaea. Am dom hiṛiń akada, Isorakʼ noa daya do kại khone ạcur ruạṛetʼmea mente.

Jobakʼ 37:23

Sanam daṛeanicʼ do babo ńam daṛeaea; daṛe ar hokre uni doe maraṅgea, asambheṛ dhorom iạte bae santaoa.

Ephesiko lạgitʼ Pạul Apostolakʼ ciṭhi 3:10

Uni doe onkaleda jemon Mạsiyakʼ manḍer hotete sermaren sanam cakʼlaoko ar ektiạrianko ṭhen aema lekate sodor akan Isorakʼ akel ńitokʼ sodorokʼ.

Sosolhayic̕ 3:11

Uni do sanamakʼ reakʼ okteye ṭhik dohoakada. Uni do manwa ontorre jaejug reaṅ bujhạu reakʼ mone emakawadea, menkhan manwa do pạhil khon mucạtʼ hạbicʼ cetʼe cekaea ona bae bujhạu daṛeakʼa.

Sereńko 36:6

Amakʼ dhorom do Isorakʼ buruko lekana; amakʼ dhorom bicạr do athantar doreão leka. E Probhu Isor, manwa ar janwar jotoge jiwetʼ baṛe dohokom.

Ephesiko lạgitʼ Pạul Apostolakʼ ciṭhi 1:7

Isorakʼ bin mucạtʼ dayate Mạsi tulucʼ bon jopoṛao akante uniyakʼ mãyãm hotete bon chaḍao ocoakana, metakʼme kại reakʼ ikạ bon ńam akada.

Kolossiko lạgitʼ Pạul Apostolakʼ ciṭhi 1:27

Isor doe khojkana, boṅgan hoṛ jạtrenko talare hõ uniyakʼ noa sạri okoakʼ reakʼ maraṅ ṭhonok cetʼkana mente, ona jemon acʼren sanam hoṛko baḍae daṛeakʼ. Ona sạriyakʼ do noage, Mạsi do apeakʼ ontorre menaete uniyakʼ ṭhonok ńam reakʼpe as akana.

Romiko lạgitʼ Pạul Apostolakʼ ciṭhi 9:23

Arhõ uni do acʼakʼ bin mucạtʼ ṭhonok reakʼ katha hõ baḍae ocokoe menletʼ tahẽkana. Okoe uniyakʼ dayako ńamakatʼ onko do laha khongeye tear akatʼko tahẽkana acʼakʼ ṭhonok ńam lạgitʼ.

Sereńko 97:2

Rimil ar ńut do uni beṛhaete esetʼ ạcur akana; dhorom ar hok bicạr do uniyakʼ siṅghạson reakʼ rehetʼkana.

Sereńko 77:19

Am do jalapuri talatem horleda, ar athantar dakʼ talatem ḍaharleda, menkhan amakʼ jaṅga reakʼ cinhạ do baṅ ńellena.

Jobakʼ 26:14

Noako do uniyakʼ daṛe reakʼ ańcar kana, ar abo do eken uni reaṅ khae khoege bon ańjometʼa; uniyakʼ daṛe huḍur do okoeye bujhạu daṛeketaea?”

Ephesiko lạgitʼ Pạul Apostolakʼ ciṭhi 2:7

Uni do noae kạmikeda jemon acʼakʼ bin mucạtʼ daya darakan jugkoreye udukʼ daṛeakʼ. Uni do Mạsi Jisu hotete aboreye dayayente okaṭakʼe kạmiakatʼ onatege uniyakʼ noa daya do sodor akana.

Daniel 4:35

Dhạrtiren sanam hoṛ uni ṭhen do cele hõko baṅkana. Uni do serma goḍetko ar dhạrtiren hoṛkoante acʼakʼ kusi sana lekae kạmikana. Nonkan celege bạnukʼkoa, uniyakʼ tiko thir ocodaṛeataea arko men daṛeaea, ‘cetʼem ceka kana am do?’

Sereńko 40:5

E ińren Probhu Isor, ḍhergetama amakʼ hahaṛa kạmiko do! Ale lạgitʼ okaṭakʼem goṭa akatʼ! Onań roṛ sodorlere, ariń lạilere ona do tishõ baṅ mucạdokʼa. Ar am leka do okoe menaea?

Jobakʼ 9:10

Uni do baṅ bujhạu ńamokʼ maraṅakʼkoe kạmikana ar nonkan hahaṛawakʼkoe kạmikana oka do baṅ lekhakʼ.

Ephesiko lạgitʼ Pạul Apostolakʼ ciṭhi 3:16

Iń doń koejoṅkana jemon Isorakʼ asambheṛ ṭhonok lekate uni do nonkan daṛeye emape, jemon sonot Jiu hotete apeakʼ ontor do daṛeanakʼ hoyokʼtape,

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

Kạhtukko 25:3

Serma cetʼleka usul ar ot cetʼleka khạndrige, onkage rapajkoakʼ mon hõ baṅ ḍunḍhạukʼa.

Ephesiko lạgitʼ Pạul Apostolakʼ ciṭhi 3:18

ar Isorren sanam hoṛko sãote ape hõpe bujhạu daṛeakʼa, Mạsiyakʼ dulạṛ reakʼ jãhãn mucạtʼtetʼ, osartetʼ, jeleńtetʼ, usultetʼ, ar khạndritetʼ do bạnukʼanaṅ.

Jobakʼ 37:19

“Lạiyaleme uni cetʼle metaea mente; alele bebujgete aleakʼ katha do bale baḍae oco daṛeae kana.

Jobakʼ 33:13

Cedakʼ uni tulucʼ dom jhogṛakʼ kana manwawakʼ jãhãn katha reakʼ roṛ ruạṛge coṅ bae emokʼ?

Jobakʼ 15:8

Isorakʼ goṭawakʼ reakʼ katha do cetʼem ańjomakada? Am eskarge cetʼ sanam ạkil dom hameṭ akawana?

Sereńko 139:6

Amakʼ noa akel do iń lạgitʼ bujhạujoṅ do muskilgea; ona do ạḍitetʼ usula, ohogeń tiokʼ daṛelea.

Sereńko 145:3

Probhu Isor doe maraṅgea ar joto khon sarhaoanicʼ lek kanae; okoe hõ uniyakʼ maraṅtetʼ do bako bhujhạu daṛeakʼa.

Kạhtukko 25:2

Isor do jãhãnakʼ kathae oko dohoy khan ona do uniyakʼ man kana: ar rapajko jãhãnakʼ reaṅge ḍunḍhạukateko sodorle khan ona do onko lạgitʼ man kana.

Sosolhayic̕ 7:24

Jion reakʼ asol manetetʼ do khạndrigea, ona do baṅ ṭạmḍạu tiyogokʼa; ar okoe ona doe sendra ńam daṛekea?

Jesaea 28:29

Niạko ạkil do phạdkoren Probhu ṭhen khonge hijukʼa. Uniyakʼ sopolha do hahaṛagea ar uniyakʼ ạkil do sorosgea.

Jesaea 40:28

Aben do cetʼ baben baḍaea? Aben do cetʼ baben ańjomakada? Probhu Isor okoe doe jaejugren Isorkan, okoe do dhạrti reakʼ mucạtʼ simạko hõe benao akatʼ, uni do bae laṅgakʼa, ar bae nijorokʼa, uniyakʼ ạkil reakʼ khạndritetʼ do celehõ bako jokha daṛeakʼa.

1 Korinthiko 2:10

Menkhan Isor do acʼren Jiu hotete onako abo ṭhene sodor akada, ente sonot Jiu do bin baḍaeyakʼ mente cetʼge bạnukʼtaea; ente uni do Isorakʼ khạndriakʼko hõe baḍaegea.

Ester 2:22

Mordekai do soṛojontro reakʼ kathae baḍaeketʼ khan Ester rạniye baḍae ocokedea. Ar rạni do Mordekai ńutumte raj onae baḍae ocokedea.

Jobakʼ 10:13

Menkhan noako do amakʼ monrem baeakada, ińiń baḍaea noakoge am dom disạ akada,

Jobakʼ 23:14

Uni do iń lạgitʼ okae ṭhik dohoakatʼ onageye kạmiyeda; onkan aema niṭakʼge uniyakʼ do ńit hõ menakʼtaegea.