Romiko lạgitʼ Pạul Apostolakʼ ciṭhi 11:28 - সান্তালী বাইবেল

²⁸ Bhage sombat secʼte apeakʼ bhạlại lạgitʼge onko do ńitokʼ Isorren bạiri kanako. Menkhan Isorakʼ bachao lekate onko do hapṛamko iạte Isorren dulạṛiạko kanako.

Santali Common Language New Testament

²⁸ Bhage sombat secʼte apeakʼ bhạlại lạgitʼge onko do ńitokʼ Isorren bạiri kanako. Menkhan Isorakʼ bachao lekate onko do mare hapṛamko iạte Isorren dulạṛiạko kanako.

Romiko lạgitʼ Pạul Apostolakʼ ciṭhi 11:28 Referans Kwoze

Dosar Biboron 10:15

Enhõ uni do aperen hapṛamkoe bạsutatʼkote apeye dulạṛketʼpea. Uni do sanam jạtrenko tala khon onkoren bõsko, metakʼme apeye dulạṛketʼpea ar teheń hõ uniren bachao akan jạtrenkoge menakʼpea.

Romiko lạgitʼ Pạul Apostolakʼ ciṭhi 11:7

Enḍekhan bujhạukʼ kana, Israelko okaṭakʼ ńam reakʼko kurumuṭuyetʼ tahẽkan ona do bako ńamleda, menkhan Isor okoekoe bachao doho akawan tahẽkan onkoge ona doko ńamakada, ar eṭakʼkoakʼ mon do dhiri leka keṭecʼ akantakoa.

Romiko lạgitʼ Pạul Apostolakʼ ciṭhi 9:5

Isorren maraṅ sekʼwako do onkoren hapṛamgeko tahẽkana ar manwa lekate Mạsi do onko bõsregeye janamlena. Uni kangeae Isor do, one uni sanamakʼko cetanre menae; jaejug hạbicʼ uniyakʼge sarhao hoyokʼtae ma. Amen.

Mathae 21:43

Onateń metapekana, Isorakʼ raj do ape ṭhen khon rejogokʼa ar nonkan hoṛko ṭhen emogokʼa, one okoeyakʼ jionre ona rajosṭi reakʼ jo ńelokʼkan.

Romiko lạgitʼ Pạul Apostolakʼ ciṭhi 11:11

Enḍekhan Jihudikoko tohotʼente cetʼ jaejug hạbicʼko gurena? Ekalte baṅa, bickom onkoakʼ kại gunạkʼtege boṅgan hoṛ jạtrenko do bańcaokʼ lạgitʼ ạtko ńamkeda jemon Jihudiko gagoj hecʼako.

Mikạ 7:20

Ḍher din lahare am do aleren hapṛamko ṭhen cetʼlekam gokʼletʼ onkage Abraham ar Jakob bõsrenko ṭhen pạtiạranicʼ baṛe tahenme ar amakʼ asambheṛ dulạṛ baṛe sodorme.

Jirimiạ 31:3

Ona jokhecʼ Israelko doko menleda, Probhu Isor do sạṅgiń khon onko ṭhene ńel ocolena. Ar Probhu Isor do unre onkoe metatʼko tahẽkana, “Asambheṛ dayateń dulạṛ akatʼpea; ar asambheṛ mãyãtege iń ṭheniń or sorakatʼpea.”

Dosar Biboron 9:5

Ar bindusạn se dhorom iạte onkoakʼ disạm ạidạri lạgitʼpe calakʼ kana ona do baṅa bickom aperen Probhu Isorge aperen hapṛam Abraham, Isahak ar Jakob ṭhen kiriạkate okaṭakʼe menletʼ ona purạu lạgitʼge uni do noko jạtrenkoakʼ dusṭạmi iạte ape samaṅ khone laga ńirkoa.

Dosar Biboron 8:18

Menkhan aperen Probhu Isorakʼ katha do alope hiṛińa; unige niạko hoyocoe reakʼ daṛeye emakatʼpea, ar nonkage uni do aperen hapṛamko ṭhen oka bondobos reakʼ katha kiriạkateye menletʼ ona do ńitokʼe purạu lạgidokʼ kana.

Dosar Biboron 4:31

Aperen Probhu Isor doe dayakʼicʼ Isor kana; uni do bae bạgiyapea se bae maraopea, menkhan kiriạkate aperen hapṛamko lạgitʼ oka bondobose dohoakatʼ ona do alope hiṛińa.

Romiko lạgitʼ Pạul Apostolakʼ ciṭhi 11:30

Mitʼ jokhecʼ ape do Isorakʼ bebataorepe tahẽkana, menkhan ńitokʼ do Jihudikoakʼ bebatao iạte Isorakʼ dayape ńamakada,

Romiko lạgitʼ Pạul Apostolakʼ ciṭhi 5:10

Abo do Isorren bạiri bon tahẽkanre acʼren Hoponakʼ gujukʼte uni tulucʼ bon samge ocoakana. Ar nonkage bon samge ocoakante Mạsiyakʼ jionte khạṭige kại khon bańcao bon ńama.

Aposkạmi 18:6

Menkhan Jihudiko do tinre Pạul upạrte katha roṛ ar uni opomaneko ehopʼena unre Pạul do onko upạrte acʼakʼ kicricʼkoe koṭakeda are metatʼkoa, “Apeakʼ mãyãm do apeakʼ bohokʼrege paṛaokʼma. Noa babotre ińakʼ jãhãn dos do bạnukʼtińạ. Ńit khon iń do boṅgan hoṛ jạtrenko ṭhengeń calakʼa.”

Aposkạmi 14:2

Menkhan okoeko Jihudi bako pạtiạulen onko do boṅgan hoṛ jạtrenkoko uskurketʼkote biswạsi boehako upạrte onkoakʼ monko bạṛicʼketʼtakoa.

Luk 1:54

Ar aboren hapṛamko ṭhen okae menletʼ tahẽkan, onkage uni do acʼren guti Israelkoe ńel sãohãketʼkoa. Abraham ar uni bõsren hoṛko cetanre jaejug hạbicʼ mãyãwako reakʼ kathae disạ dohoakatʼa.

Genesis 28:14

Amren bõsko do dhạrtiren gitil lekako saṅgekʼa. Onko do purub-pạchim ar utạr-dạkhin secʼko pasnao idikʼa. Ar dhạrtiren sanam jạtrenko do am ar amren bõsko hotete bhorko ńama.

Genesis 26:4

Iń do am bõsren hoṛko sermaren ipilko lekań saṅge ocokoa ar noa disạm do onkoń emakoa. Ar amren bõs hotete dhạrtiren sanam jạtrenko do bhorko ńama,