Romiko lạgitʼ Pạul Apostolakʼ ciṭhi 11:25 - সান্তালী বাইবেল

²⁵ E boehako, apnarte jemon budanko alope monejoṅ onate iń do mitʼṭecʼ sạri okowakʼ baḍae ocopeń menjoṅ kana. Ona sạriyakʼ do noage, boṅgan hoṛ jạtrenkoakʼ lekha ạuri purạukʼ hạbicʼ ḍher bhag Israelkoakʼ ontor do keṭecʼge tahena.

Santali Common Language New Testament

²⁵ E boehako, apnarte jemon budanko alope monejoṅ onate iń do mitʼṭen sạri okowakʼ baḍae ocopeń menjoṅ kana. Ona sạriakʼ do noage, boṅgan hoṛ jạtrenkoakʼ lekha ạuri purạukʼ hạbicʼ ḍher bhag Israelkoakʼ ontor do keṭecʼge tahena.

Romiko lạgitʼ Pạul Apostolakʼ ciṭhi 11:25 Referans Kwoze

Luk 21:24

Onko do tarwaṛeteko gocʼ ocokʼa ar sanam jạtrenko talare bondi akan leka chirchạturko tahena. Ar por jạtrenkoakʼ okte ạuri purạukʼ hạbicʼ Jerusalem do onkoakʼ jaṅgate lebetʼ gańjaokʼa.

Romiko lạgitʼ Pạul Apostolakʼ ciṭhi 16:25

Jisu Mạsi reaṅ oka bhage sombat iń porcaretʼkan ona bhage sombat hotete ṭarhao dohope reakʼ daṛe do Isorakʼ menakʼgetaea. Ar ḍher jug hạbicʼ Isor do acʼakʼ okoakʼko reaṅ okoege bae lại akawatʼkoa,

Romiko lạgitʼ Pạul Apostolakʼ ciṭhi 12:16

Ape apere mitʼ mon tahentape ma. Usulakʼko do alope moneyakʼa bickom nindhạnko tulucʼ helmelokʼpe. Ar apnarte budanko mente do alope hudisokʼa.

Johan sodor 10:7

Menkhan eaeyicʼ serma goḍetakʼ siṅgạ oroṅ dinkore Isorakʼ okoakʼ monsubạko do purạukʼa. Ar Isor do acʼren gutiko ṭhen, metakʼme nạbiko ṭhen okae baḍae ocoletʼ ṭhik onkage hoyokʼa.”

Johan sodor 7:9

Inạ tayom sanam jạtrenko, bõsrenko, disạmrenko ar pạrsirenko modko khon nunạkʼ gadel hoṛkoń ńelketʼkoa je, onko do okoege bako lekha daṛeatʼkoa. Onko do ponḍ kicricʼ horokʼkate ona siṅghạson ar Bheḍa Hopon samaṅre khijur sakam sapʼkateko teṅgo akan tahẽkana.

Ephesiko lạgitʼ Pạul Apostolakʼ ciṭhi 3:9

Ona chaḍa uniyakʼ danaṅakʼ okalekate kạmire lagao hoyokʼa ona sodor reakʼ dạyik hõ ińreye emakada. Sanamakʼren sisirjạuicʼ Isor do nunạkʼ din hạbicʼ acʼakʼ ona monsubại oko dohoakatʼ tahẽkana.

Sereńko 22:27

Dhạrti reakʼ ses simạren hoṛko hõ monko ạcurtakote Probhu Isor ṭhenko ruạṛ hijukʼa; ar eṭakʼ jạtren sanam gusṭirenko do uniko sewawaea.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

2 Patras 3:8

Menkhan E dulạṛiạ boehako, noa katha do alope hiṛińa, Probhu Isor ṭhen mitʼ din do hajar bochor soman kana ar hajar bochor do mitʼdin soman kana mente.

1 Korinthiko 10:1

E boehako, iń doń khojkana jemonpe baḍae, aboren hapṛamko do jotoge ona rimil reakʼ umulreko tahẽkana ar sanamkoge doreão talateko paromlena.

Romiko lạgitʼ Pạul Apostolakʼ ciṭhi 1:13

E boehako, noa katha baḍaepe, ḍher dhao ape ṭhen calakʼ sanaledińre hõ ńit hạbicʼ akoṭakʼko do hecʼạń kangea. Cetʼleka eṭakʼ eṭakʼ jaegakore boṅgan hoṛ jạtrenko talare porcarkate jo iń ńamakatʼ, onkage apeko talare hõ thoṛa jo ńam reakʼ aste ape ṭhen calakʼ iń menjoṅ kana.

Hosea 14:9

Ạkilan doe okoekana? Uni do noako reaṅe baḍaema. Probhu Isorakʼ hor do dhorom reakʼ hor kana; dhorom hoṛ do ona hortegeko taṛama, menkhan bedhoromicʼ doe tohotʼ gurokʼa.

Jesaea 5:21

Hae, onko hoṛ do, okoe apnarakʼ mẽtʼre ạkilan ar budan kanako menteko hudisokʼkan.

Sereńko 72:17

Uniyakʼ namḍak do jaejug hạbicʼ tahenma; siń cando tinạkʼ din marsale emokʼa unạkʼ din uniyakʼ ńutum tahentae ma. Uni hotete sanam jạtren hoṛ jemon bhorko ńam ma; ar onko do bhạganko metaema.

1 Korinthiko 12:1

E boehako, sonot Jiuteakʼ dan reaṅ bin baḍaepe tahen do baṅ sanań kana.

Kạhtukko 26:16

Okoe hudis cintạkateko roṛruạṛ onkan eae hoṛko khon asaṅpoḍa do apnarte budane hudisokʼa.

Kạhtukko 26:12

Am do cetʼ nonkan hoṛkom ńel akatʼkoa okoe do apnarakʼ mẽtʼreye ạkilanicʼ kan? Ona khon boroṅ bebujicʼ reaṅge as menakʼa.

Sereńko 127:1

Probhu Isor do oṛakʼ bae benaole khan rajmistriko do ạuṛiyakʼgeko khaṭaokokʼa; Probhu Isor do nagraha bae rukhiyạle khan enḍekhan ạuṛiyakʼge pahradarko doko horhokeda.

Sereńko 107:43

Okoeye ạkilan hoṛkan uni do ona reaṅe moneyakʼma ar Probhu Isorakʼ asambheṛ dulạṛ reaṅ hõ mońjteye hetawakʼma.

Mathae 13:11

Uniye roṛ ruạṛatʼkoa, “Ape do serma raj reakʼ okoakʼkope baḍae ocoakana, menkhan onko do baṅ em akatʼkoa.

Johan 10:16

Arhõ bhiḍiko menakʼkotińạ one okoe do noa khạṛrenko baṅkan; onko hõ ạguko hoyokʼtińạ. Onko do ińakʼ aṛaṅko ańjoma ar onate mitʼ khạṛ bhiḍiko hoyokʼa ar gupiyicʼ hõ mitʼṭenge.

Romiko lạgitʼ Pạul Apostolakʼ ciṭhi 9:18

Onate Isor do acʼakʼ kusi leka okoeye daya akokan onkogeye daya akokana ar okoe keṭejeye menjoṅkan uni doe keṭecʼ edekana.

Romiko lạgitʼ Pạul Apostolakʼ ciṭhi 11:12

Enḍekhan ńelokʼ kana, Jihudikoakʼ kại gunạkʼte dhạrtiren hoṛkoakʼ ḍher lab hoyakana, ar onkoakʼ loksan iạte boṅgan hoṛ jạtrenko do Isorakʼ bhorko ńamkeda. Onate Jihudiko cetanre Isorakʼ purạ bhor hijukʼre boṅgan hoṛ jạtrenko hõ artetʼ bạ̃ṛti bhor hecʼakoa!

Romiko lạgitʼ Pạul Apostolakʼ ciṭhi 11:24

Am do mitʼṭecʼ bir jạitun dare reakʼ ḍạrem tahẽkana, ar ona dare khonem makʼ ạgu ocoyente bagwan reakʼ jạitun darerem kolom mitʼ ocoakana. Enḍekhan okoe ona dareren asol ḍạrkoko tahẽkan, onko do tinạkʼ algatege arhõ akoakʼ darereko kolom mitʼ ocokʼa!

1 Korinthiko 2:7

menkhan ale do Isorakʼ akelte perecʼ okoakʼ kathakogele roṛeda, one oka do dhạrti ạuri sirjạu khon Isore niṭ dohoakatʼ tahẽkan jemon uniyakʼ ṭhonok reakʼ bhạgiyạdar bon hoydaṛeakʼ.

1 Korinthiko 4:1

Hoṛ do nonka lekako bujhạule ma, ale do Mạsiren sapʼdapʼko kanale ar Isorakʼ sạri okoakʼko baḍae ocoko reakʼ bhar do alerege emakana.

Ephesiko lạgitʼ Pạul Apostolakʼ ciṭhi 1:9

Uni do okalekae khojletʼ ar Mạsi hotete okaleka laha khongeye ṭhik dohoakatʼ tahẽkan, onka lekage uni do acʼakʼ okoakʼ monsubạkoe baḍae ocoletʼ bon tahẽkana.

Ephesiko lạgitʼ Pạul Apostolakʼ ciṭhi 4:18

Onkoakʼ mon do ńutre menakʼtakoa. Ar ontor keṭecʼgetakote Isor reaṅ cetʼge bako baḍaekana, ar onate onko do Isorakʼ emakʼ jion khon ạḍi sạńgińre menakʼkoa.

Johan sodor 1:20

Ar oka eae goṭecʼ sona reakʼ diuhe dohowakʼ ar ińakʼ jojomtire eae goṭecʼ ipilem ńelketʼko ona reakʼ mane do noage, onko eae goṭecʼ ipil do, eae goṭecʼ manḍerren eae goṭen goḍet kanako ar eae goṭecʼ diuhe dohowakʼ do ona eae goṭecʼ manḍer kana.