Romiko lạgitʼ Pạul Apostolakʼ ciṭhi 11:22 - সান্তালী বাইবেল

²² Onate Isor do tinạkʼ dayakʼicʼ ar tinạkʼ ajhãṭicʼ kanae ona baṛe hudisme. Okoeko ńurhạ akan onko lạgitʼ doe ajhãṭena, menkhan am lạgitʼ do dayawạnicʼge, khạjuk uniyakʼ daya latarrem tahen. Ar baṅ khan am hom makʼ giḍi ocokʼa.

Santali Common Language New Testament

²² Onate Isor do tinạkʼ dayakʼicʼ ar tinạkʼ ajhãṭicʼ kanae ona baṛe hudisme. Okoeko ńurhạ akan onko lạgitʼ doe ajhãṭena, menkhan am lạgitʼ do dayawạnicʼge, khạjuk uniakʼ daya latarrem tahen. Ar baṅ khan am hom makʼ giḍi ocokʼa.

Romiko lạgitʼ Pạul Apostolakʼ ciṭhi 11:22 Referans Kwoze

Ibriko 3:14

Ente pạhilre okaṭakʼ bhorsa tahẽkan, onare mucạtʼ hạbicʼ teṅgo ṭak akan bon tahẽlen khan, abo do Mạsi tulucʼ bakhradarko bon hoyokʼa.

Ibriko 3:6

Menkhan Mạsi do ona gharońj reakʼ dạyike ńamakatʼ Hopon lekate pạtiạricʼe tahẽkana. Aboakʼ sạri as iạte monre oka dil ar rạskạ hijukʼ, onare mucạtʼ hạbicʼ teṅgo ṭak akae bon tahen, enḍekhan aboge Isorakʼ gharońjren hoṛ bon hoyokʼa.

1 Korinthiko 15:2

Okaṭakʼ kathań porcaratʼpe tahẽkan onage kajakte sapʼ akaepe tahen khan enḍekhan ona bhage sombat hotete kại khon bańcaope ńametʼa, khạjuk apeakʼ pạtiạu ạuṛiyakʼ alo hoyokʼ.

Johan 15:2

Ińre okako ḍạr baṅ jokʼ onako doe getʼ giḍikakʼa, ar oka ḍạrko jokʼkan onako doe kamana jemon arhõ bạ̃ṛti jokʼ.

Johan sodor 2:5

Hudiskate ńelme, am do tinạkʼ usul khon tinạkʼ latartem pheḍakana. Noa khon mon ạcurtam ar lahate okakom kạmikan tahẽkan onare ruạṛme. Ar mon bam ạcurletam khan enḍekhan am ṭhen hecʼkate amakʼ diuhe dohowakʼ do ona jaega khoniń ocoga.

Galathiko lạgitʼ Pạul Apostolakʼ ciṭhi 6:9

Bhageakʼ kạmi kạmite alo bon mokońokʼma, ente babon loraolen khan okte nạpitre phosol bon ńama.

Romiko lạgitʼ Pạul Apostolakʼ ciṭhi 2:7

Okoe sombhuri salakʼ bhage kạmikote Isor ṭhen khon ṭhonok, man ar bin maraokʼ jionko khojkan, onkoge Isor do jaejug jione emakoa.

Ibriko 10:23

Biswạs lekate aboakʼ oka as menakʼ, onate dela, kajakte uniyakʼ katha bon aṅgoc ma, ente okoeye gokʼ akatʼ uni doe pạtiạrgea.

Johan 8:31

Ado okoe Jihudikoko pạtiạuade Jisu do onkoe metatʼkoa, “Ińakʼ katha lekape senlen khan sạrige ińren celako kanape.

1 Thessalonikikko 3:8

Probhu Isorre apeakʼ pạtiạu kajak akae tahen khan ale do bhạgankole hoyokʼa.

Aposkạmi 11:23

Ar Antiokiạren hoṛko Isorakʼ dayako ńamakada menteye ńelketʼ khan Barnabas do ạḍiye rạskạyena. Onko jemon goṭa ontorte Probhu Isorre biswạsko tahen onate uni do sanamkoe sikhạu paṛhaoketʼkoa.

Luk 8:15

Ar bhage hasare ńũren itạte do onko lạgitʼge roṛ akana, okoe do khạṭi ar soṛa monte ona katha ańjomkate kajakteko sapʼ dohojoṅ kan ar onare ṭarhao akae tahente jionreko gele belekʼkan.

Jesaea 66:14

Noako ńelte apeakʼ ontor do rạskạkʼtapea ar ape do ghãs lekagepe hara rakabokʼa. Probhu Isorren guti do uniyakʼ daṛeko ńel ńama, ar uniren bạiriko do uniyakʼ edreko ńela.

1 Thessalonikikko 3:5

Onate iń do tinre bạń sahao daṛeada unre pạtiạu secʼte oka dosare menakʼpe ona baḍae lạgitʼge Timothiń kolledea. Iń doń botorokʼkan tahẽkana, hoedaṛeakʼa Soetan do laloce udukʼakatʼpea ar aleakʼ sanam mehnot do ạuṛiyakʼ akantalea.

Jeheskel 18:24

“Menkhan mitʼṭen hoṛ do acʼakʼ dhorom khon ruạṛkateye kại ar dusṭạmi hoṛko leka bạṛicʼakʼe kạmi enḍekhan uni do cetʼ jiwetʼe tahena? Unre uniyakʼ dhorom kạmi do ar bạń disạitaea. Uni do acʼakʼ bepạtiạr ar kại iạtege khạṭigeye gujukʼa.

Jeheskel 3:20

“Arhõ, jãhãe dhorom hoṛ jodi acʼakʼ hor khon ruạṛkate bạṛicʼakʼe kạmi ar uni samaṅre mitʼṭecʼ muhin iń dohoy, enḍekhan uni doe gujukʼa. Ar uni bam sontorlede iạte uni do acʼakʼ kại iạteye gujukʼa. Ar okako dhorom reakʼ uniye kạmi akatʼ ona do ar baṅ disạkʼtaea; ar uniyakʼ gujukʼ lạgitʼ am do bạń dạyimea.

1 Johan 2:19

Mạsiren noko bạiriko do abo tala khonko oḍok akana. Menkhan onko do aboren hoṛ bako tahẽkana. Ente aborengeko tahẽlen khan, enḍekhan abo sãotegeko tahẽkokʼa honaṅ, menkhan onko doko oḍok sen akante bujhạukʼ kana okoe hõ aboren doko baṅkana.

Sereńko 31:19

Amakʼ bhạlạiyteakʼ do samani maraṅ! Am botoram kanko lạgitʼge ona dom dohoakada; amre hirlạ akanko do amgem bhạlạiyetʼkoa, ona do sanamko samaṅrege.

Romiko lạgitʼ Pạul Apostolakʼ ciṭhi 11:21

ente Isor do asol ḍạrkoge bae mãyãwakʼ kan khan enḍekhan am hõ ohoe mãyãlema.