Romiko lạgitʼ Pạul Apostolakʼ ciṭhi 11:17 - সান্তালী বাইবেল

¹⁷ Jodi ona jạitun dare reakʼ adom ḍạrko rạputʼ giḍikate onare am lekan bir jạitun dare reakʼ ḍạrko kolom mitʼlen khan am do asol jạitun dare reakʼ rehetʼ khon ros hatao joṅme,

Santali Common Language New Testament

¹⁷ Judi ona jạitun dare reakʼ adom ḍạrko rạputʼ giḍikate onare am lekan bir jạitun dare reakʼ ḍạrko kolom mitʼlen khan am do asol jạitun dare reakʼ rehetʼ khon ros hatao joṅme,

Romiko lạgitʼ Pạul Apostolakʼ ciṭhi 11:17 Referans Kwoze

Ephesiko lạgitʼ Pạul Apostolakʼ ciṭhi 3:6

Ar ona okoakʼ monsubạ do hoyokʼ kana, bhage sombat hotete boṅgan hoṛ jạtrenko Jisu Mạsi tulucʼko midokʼte Jihudiko sãote inạ mitʼ ạidạri, mitʼ hoṛmo hạṭińko, ar mitʼ gokʼakʼren bhạgiyạdarkoko hoyokʼ.

Jirimiạ 11:16

Probhu Isor do noko jạtrenko jote perecʼ mońj mitʼṭen jạitun dare menteye hohoatʼko tahẽkana. Menkhan maraṅ birbão reakʼ saḍe iạte uni do onare seṅgele lagaoakʼa ar onate onako reakʼ ḍạrko do lo ṭhuṭkudokʼa.

Johan 15:2

Ińre okako ḍạr baṅ jokʼ onako doe getʼ giḍikakʼa, ar oka ḍạrko jokʼkan onako doe kamana jemon arhõ bạ̃ṛti jokʼ.

Mathae 21:43

Onateń metapekana, Isorakʼ raj do ape ṭhen khon rejogokʼa ar nonkan hoṛko ṭhen emogokʼa, one okoeyakʼ jionre ona rajosṭi reakʼ jo ńelokʼkan.

Sereńko 52:8

Menkhan iń do Isorakʼ oṛakʼre hara idikʼkan Jạitun dare leka; iń do jaoge Isorakʼ asambheṛ daṛeregeń bhorsa akana.

Kolossiko lạgitʼ Pạul Apostolakʼ ciṭhi 2:13

Kại ar bin khatna iạte ape do gocʼgepe tahẽkana, menkhan Isor do Mạsi sãoteye jiwetʼketʼpea. Uni do aboakʼ joto ghạṭkoe ikạketʼ tabona,

Aposkạmi 2:39

Ape lạgitʼ, aperen gidrạ lạgitʼ ar okoe do sạṅgińre menakʼko, metakʼme aboren Probhu Isor do okoeko acʼren hoṛ hoyokʼ lạgitʼe hohowako, onko sanamko lạgitʼ noa gokʼakʼ do emakana.”

Jesaea 27:11

Ona reakʼ ḍạrko rohoṛlen khan ona do rạputʼ giḍikʼa ar maejiuko do hecʼkate seṅgelre onako khadlea. Noko do mitʼṭen lelha jạtren kanako, onate okoe onkoe benao akatʼko onko cetanre uni do jãhãnakʼ bae mãyãkʼa; onkoren sisirjạuicʼ hõ onkore bae dayakʼa.

Johan sodor 11:4

Unkin gohakin dokin hoyokʼ kana barea jạitun dare ar barea diuhe dohowakʼ, one okoe do dhạrtiren Probhu Isor samaṅrekin teṅgo akan.

Johan 15:6

Jãhãege ińre bae tahen khan uni do getʼ giḍiakatʼ ḍạr leka bahreteye giḍi ocokʼa ar ona do rohoṛokʼa. Unre ona ḍạr jarwakate seṅgelreko khadlekakʼa ar ona do lokʼa.

Sakariạ 4:3

Ona diuhe dohowakʼ ṭhen barea jạitun dare menakʼa, jojomti secʼ mitʼṭecʼ ar leṅgati secʼre ar mitʼṭecʼ.”

Jona 1:16

Ona iạte hoṛko do Probhu Isor ạḍiko botoradea. Onko do Probhu Isor ńutumte janwar dãṛẽko samaṅketʼkoa ar manotakʼko dohokeda.

Jesaea 6:13

Unre disạm talare gel hạṭiń reakʼ mitʼ hạṭiń hoṛko tahen, enhõ onko doko jalao marao ocokʼa. Menkhan Elon dare makʼ bhindạṛlere cetʼleka ona reakʼ hurutʼtetʼ tahen, onkage hurutʼtetʼ lekate disạmre sonot itạ leka adom hoṛko tahena.”

Dosar Biboron 8:8

Onḍe do guhumko, jaoko, darkha joko, loa dareko, ḍạlim dareko, jạitun dareko ar dumur rasako menakʼa.

Galathiko lạgitʼ Pạul Apostolakʼ ciṭhi 2:15

“Abo do jonom khon Jihudi kana bon, ar boṅgan jạtren kạkạiko do bon baṅkana.

Johan 15:1

“Ińge sạri darkha nạ̃ṛĩ ar ińren Baba doe mạli kana.

Romiko lạgitʼ Pạul Apostolakʼ ciṭhi 11:24

Am do mitʼṭecʼ bir jạitun dare reakʼ ḍạrem tahẽkana, ar ona dare khonem makʼ ạgu ocoyente bagwan reakʼ jạitun darerem kolom mitʼ ocoakana. Enḍekhan okoe ona dareren asol ḍạrkoko tahẽkan, onko do tinạkʼ algatege arhõ akoakʼ darereko kolom mitʼ ocokʼa!