Romiko lạgitʼ Pạul Apostolakʼ ciṭhi 11:14 - সান্তালী বাইবেল

¹⁴ Ar nonkate jemon apnar jạtren hoṛkoń gagoj ocokote onko mod khon thoṛa hoṛ iń bańcao daṛeako.

Santali Common Language New Testament

¹⁴ Ar nonkate jemon apnar jạtren hoṛkoń gagoj ocokote onko mod khon thoṛa hoṛ iń bańcao daṛeako.

Romiko lạgitʼ Pạul Apostolakʼ ciṭhi 11:14 Referans Kwoze

1 Korinthiko 7:16

E ayo, cekatem baḍaea, am do amren jãwãeyem bańcao daṛeaea se baṅa? Ar E baba am hõ cekatem baḍaea, amren bạhum bańcao daṛeaea se baṅa?

1Timothi 4:16

Am apnar reaṅ ar amakʼ lại cecetʼre sontor akae tahenme. Ar onakore tahẽakae tahenme, entem onka lekhan apnar hõm bańcaokʼa, ar okoeko ańjomtam onko hõm bańcaokoa.

Titus lạgitʼ Pạul Apostolakʼ ciṭhi 3:5

Jãhãn bhage kạmi lạgitʼ do bae bańcao akatʼ bona, menkhan dayategeye bańcaoketʼ bona. Sonot Jiu hotete nãwã janamte ar nãwã arokʼte uni do aboakʼ ontore ạrupʼ saphakeda, ar nonkateye bańcaoketʼ bona.

2Timothi 2:10

Onate Isor okoeye bachao akatʼko onko lạgitʼ jotowakʼ iń sahao akada, jemon onko hõ Jisu Mạsi hotete kại khon bańcaoko ńam ar jaejug ṭhonokko hameṭjoṅ.

1Timothi 2:4

Uni doe menjoṅkana sanamkoge jemon kại khon bańcaoko ńam ar Mạsi reaṅ khạndritetʼko baḍae daṛeakʼ.

1 Korinthiko 1:21

Isor do acʼakʼ akele ṭarhao akatʼte dhạrtirenko do akoakʼ akelte Isor bako orom daṛeadea. Onate Isor do bhage sombat reakʼ lelhatetʼ iạte biswạsiko kại khon bańcaokoe kusiyena.

Romiko lạgitʼ Pạul Apostolakʼ ciṭhi 11:11

Enḍekhan Jihudikoko tohotʼente cetʼ jaejug hạbicʼko gurena? Ekalte baṅa, bickom onkoakʼ kại gunạkʼtege boṅgan hoṛ jạtrenko do bańcaokʼ lạgitʼ ạtko ńamkeda jemon Jihudiko gagoj hecʼako.

Jakob 5:20

enḍekhan noa katha baḍaekakʼpe, jãhãe mitʼṭen kại hoṛ bhul hor khone ruạṛ ạguiye uni do gujukʼ khone bańcaoea ar ạḍi utạr kạiye dapaltaea.

Romiko lạgitʼ Pạul Apostolakʼ ciṭhi 9:3

Ińren boehako bodolte, metakʼme iń jạtren hoṛko bodolte hoydaṛeakʼ khan iń apnarge Mạsi ṭhen khon pharakokʼ reakʼ sarapiń hataokea.

Philimon 1:12

Jaehok, am ṭheniń kolekana; uni do ińren dulạṛiạ gate kanae.

Genesis 29:14

Laban do uniye metadea, “Aleakʼ hoṛmore hõ inạ mãyãmge menakʼa.” Ona tayom Jakob do Labanakʼ oṛakʼre mitʼ candoe tahẽyena.

2 Samuel 19:12

Ape ma uniren boehako kangepe, uniyakʼ jel ar uniyakʼ jaṅ kanpe. Enḍekhan raj ruạṛ ạguiye do cedakʼpe bilomeda?’

Romiko lạgitʼ Pạul Apostolakʼ ciṭhi 10:19

Iń do arhõń mena, Israelko do cetʼ ona katha bako bujhạu daṛeada? Pạhilre Moseye menakada, “Okoe do jãhãn jạtrengeko baṅkan, onko jạtrenko hotetege iń doń ãṭ ocopea; ar mitʼṭen bebuj jạtrenko hotete apeakʼ pitiń caṛhao ocoytapea.”

1 Korinthiko 10:33

Iń do apnar porho lạgitʼ kurumuṭu baṅkate ḍher hoṛkoakʼ bhạlại lạgitʼgeń kurumuṭu kana jemon onko do kại khon bańcaoko ńam.

1Timothi 1:15

Noa katha do sạrikana ar purạ puri ataṅ reakʼ hõ lek kana je, kại hoṛ bańcaoko lạgitʼge Jisu Mạsi do noa dhạrtiteye hecʼlena. Ar onko kạkạiko modre iń kangeạń maraṅ kạiyan hoṛ do.

2Timothi 1:9

Isorge aboakʼ kại khone bańcao akatʼ bona ar sonot jion khemao lạgitʼe hohoakatʼbona. Aboakʼ jãhãn kạmiko lạgitʼ do baṅ, bickom uniyakʼ monsubạ ar daya lạgitʼgeye kạmi akada. Dhạrti sirjạu laha khonge Mạsi Jisu hotete uni do acʼakʼ daya dane emakawatʼ bona,

Ibriko 1:14

Serma goḍetko do cetʼ sanamkoge sapʼsosor Jiuko doko baṅkana? Okoe kại khon bańcaoko ńam onko sapʼsorako lạgitʼge coṅ onko mako kol ocoakan.

Ibriko 2:3

Enḍekhan kại khon bańcaokʼ lạgitʼ Isor okaṭakʼ maraṅ bondobose dohoakatʼ ar ona babon bạsutakʼ khan enḍekhan cekate bańcao dobon ńama? Kại khon bańcao ńam reakʼ katha do pạhilre Probhu Jisugeye menleda ar okoe onako ańjomletʼ onko do ona bańcaokʼ reakʼ sạriạkʼtetʼ abo ṭhenko sạbud akada.