Romiko lạgitʼ Pạul Apostolakʼ ciṭhi 10:15 - সান্তালী বাইবেল

¹⁵ Ona chaḍa jãhãe bako kol ocolen khan cekate poporcarko doko porcara? Sonot sostorre ol akana, “Bhạgangea onkoakʼ jaṅgako okoe do bhage sombat porcar lạgitʼko hijukʼkan.”

Santali Common Language New Testament

¹⁵ Ona chaḍa jãhãe bako kol ocolen khan cekate poporcarko doko porcara? Sonot sostorre olakana, “Bhạgangea onkoakʼ jaṅga do one okoe bhage sombat porcar lạgitʼko hijukʼkan.”

Romiko lạgitʼ Pạul Apostolakʼ ciṭhi 10:15 Referans Kwoze

Jesaea 52:7

Buruko cetanre uniyakʼ jaṅga do heṛan mońj, okoe boge hukigot emokʼ lạgitʼe hijukʼkan, suluke lại jạhiretʼkan ar bhạlại reakʼ sombate ạguiyetʼkan, babańcaoe lại sodoretʼkan ar Sione metaekan, ‘amren Isor doe rajokʼ kana,’

Nạhum 1:15

Okoeṭakʼ hoṛ bhage sombate ạguyetʼkan ar suluk reakʼe roṛetʼkan, ma ńelme uniyakʼ jaṅga do buru cetanre menakʼtaea. E Jihudạ, amakʼ porobko palonme ar okaṭakʼ manotem dohoakatʼ ona purạume. Dusṭạmi hoṛ do ar bako akromonmea; onko doko marao ocokʼa.

Ephesiko lạgitʼ Pạul Apostolakʼ ciṭhi 2:17

Ape okoe sạṅgińrepe tahẽkan ar onko okoe do sorreko tahẽkan, jotoko ṭhenge uni do hecʼkate suluk reakʼ bhage sombate porcarleda.

Jesaea 61:1

Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombatiń danako. Uni doe kol akadińạ rạputʼ monanko bogeko lạgitʼ, bondi akanko ṭhen sạdhinokʼ reakʼ katha lại jạhir lạgitʼ; kạd oṛakʼre tol akanko ṭhen chaḍaokʼ reakʼ katha sodor lạgitʼ;

Ephesiko lạgitʼ Pạul Apostolakʼ ciṭhi 6:15

suluk reakʼ bhage sombat porcar lạgitʼ jaṅga sapṛaokate teṅgo ṭak akan tahenpema.

Jesaea 40:9

E Sion, bhage sombat jạkʼhiricʼ, am do usul burute rakapʼ calakʼme. E Jerusalem, bhage sombat jạkʼhiricʼ, am do ãṭ aṛaṅte hohoeme, ar alom botorokʼa; Jihudạ reakʼ nagraharen hoṛko metakom, “Hạni ńelepe aperen Isor!”

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

Jirimiạ 23:32

Sạrige iń do onko nạbi upạrte minạńa okoe eṛe kathako roṛetʼkan. Onko do onageko roṛeda ar onkoakʼ bạḍạite perecʼ kathate ińren hoṛko bạṛicʼ horteko idiyetʼkoa. Menkhan onko do bạń kol akatʼkoa se hukum hõ bạń hukum akatʼkoa. Onko do noko hoṛkoakʼ thoṛa hõ bako upkạr daṛeakʼa. Iń Probhu Isorge noa katha doń meneda.”

1 Patras 1:12

Menkhan Isor doe udukʼatʼko tahẽkana je, onko okako kathako menletʼ ona hotete apnar lạgitʼ sapʼsor baṅkate apegeko sapʼsoratʼpe tahẽkana. Serma khon kolocoyicʼ sonot Jiuakʼ ạyurte okoe ape ṭhen Mạsi reaṅ bhage sombatko porcarakatʼ onko do nạbikoakʼ kathage apeko baḍae ocoakatʼpea. Ar serma goḍetko hõ noako reaṅ baḍaejoṅ lạgitʼgeko gagojlena.

Johan 20:21

Jisu do arhõe metatʼkoa, “Suluk ape ma. Baba cetʼleka ińe kol akadiń onkage iń hõ apeń koletʼpea.”

Aposkạmi 22:21

“Unre Probhu Isor do ińe metadińạ, ‘Do calakʼme, ente iń do sạṅgińte boṅgan hoṛ jạtrenko ṭheniń kolmea.’ ”

Aposkạmi 13:26

“E boehako, Abrahamren hoponko ar Isor botoraekanko, kại khon bańcao reakʼ noa khobor do abon ṭhenge kolakana.

Aposkạmi 9:15

Menkhan Probhu Isor do Ananiạse metadea, “Do calakʼme, ente boṅgan hoṛ jạtrenko ar onkoren rajko ar Israelko ṭhen porcar lạgitʼ, iń do uni hoṛgeń bachao akadea.”

Luk 10:1

Ona tayom Probhu Jisu do arhõ eaegel celako porcar kạmi kolko lạgitʼe bachaoketʼkoa. Ar acʼ do okako ato ar jaegakote calakʼ lạgitʼe goṭa akatʼ tahẽkan, onako jaega calakʼ lahare uni do babar hoṛkateye kolkatʼkoa.

Luk 8:1

Inạ tayom Jisu do ato ato ar nagraha nagrahate dãṛãkate Isorakʼ raj reakʼ bhage sombat porcarakoe ehopʼena. Ar uni soṅgete acʼren gelbar celako ar thoṛa maejiuko hõko tahẽkana. Noko maejiu do ruạ haso ar bạṛicʼ jiuko khonko boge ocoakan tahẽkana. Noko doko hoyokʼ kana, Mạriạm, okoe do Magdalaniko metaekan ar nui khonge eae goṭen bạṛicʼ jiu doko oḍoklena;

Luk 2:14

“Sermare Isorakʼ ṭhonok dhạrtire suluk, manwakore kusi.”

Luk 2:10

Serma goḍet do onkoe metatʼkoa, “Alope botorokʼa, ente ape ṭhen ạḍi rạskạ reakʼ sombat iń ạguakada. Noa rạskạ do sanam hoṛko lạgitʼ kana.

Mathae 9:38

Onate phosolren mạlik ṭhen nehõrokʼpe jemon uni do acʼakʼ phosol samṭao lạgitʼ hoṛe kolko.”

Jesaea 57:19

Onko do onateko mena, ‘sor ar sạṅgińren sanamko lạgitʼge suluk baṛe hoyokʼma.’ Iń Probhugeń meneda, onko do ińgeń bogekoa.”

Aposkạmi 10:36

Isor do Israelko ṭhen noa bhage sombate kolletʼ tahẽkana je, Jisu Mạsi, one okoe do sanamkoren Probhu Isorkan, uni hotetege suluk do ńamokʼa mente.

Romiko lạgitʼ Pạul Apostolakʼ ciṭhi 1:15

Onate okoe Romre menakʼpe ape ṭhen hõ Jisu Mạsi reaṅ bhage sombat jạhirape lạgitʼ doń khaṛagea.

Romiko lạgitʼ Pạul Apostolakʼ ciṭhi 15:20

Okare Mạsiyakʼ ńutum tisge baṅ lại akan onḍege bhage sombat jạhirakoń jidkeda, jemon eṭakʼkoakʼ ehopʼakʼre aloń benao rakab.