Romiko lạgitʼ Pạul Apostolakʼ ciṭhi 10:14 - সান্তালী বাইবেল

¹⁴ Menkhan okoere bako biswạs akan uni do cekateko hohoaea? Okoe reaṅ bako ańjomakatʼ unire cekateko pạtiạukʼa? Ar poporcaricʼ bae tahen khan onko do cekateko ańjoma?

Santali Common Language New Testament

¹⁴ Menkhan okoere bako biswạs akan uni do cekateko hohoaea? Okoe reaṅ bako ańjomakatʼ unire cekateko pạtiạukʼa? Ar poporcaricʼ bae tahen khan onko do cekateko ańjoma?

Romiko lạgitʼ Pạul Apostolakʼ ciṭhi 10:14 Referans Kwoze

Titus lạgitʼ Pạul Apostolakʼ ciṭhi 1:3

Aboren babańcaoicʼ Isorakʼ hukum leka okań lại jạhiretʼkan ona hotete Isor do acʼakʼ katha ṭhik okteregeye sodor akada.

Ibriko 11:6

Biswạs begorte Isor kusi ocoye do baṅ hoedaṛeakʼa, ente Isor ṭhen okoeye calakʼ, uni do biswạsokʼ hoyokʼtaea je, Isor menaea ar uniyakʼ katha leka calakʼko do uniyakʼ ti khon kuṛạiko ńama.

Aposkạmi 8:31

Uni kạmiạyicʼe menkeda, “Jãhãe bae bujhạuạń khan cekateń bujhạu daṛekea?” Uni do Philipe nehõradea jemone dejokʼte acʼ ṭhene duṛupʼ.

Jakob 5:15

Ar pạtiạuteakʼ koejoṅ do uni ruạkʼkan hoṛe bogeyea; Probhu Isorge uni doe bogeyea. Ar uniye kại akatʼ khan Isor do uniye ikạyea.

2Timothi 4:17

Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

Ephesiko lạgitʼ Pạul Apostolakʼ ciṭhi 4:21

Ape do uni reaṅpe ańjomleda, ar uni tulucʼ midokʼte unire oka sạritetʼ menakʼ ona lekagepe cetʼ ocoakana.

Johan 20:31

Menkhan noako olena jemonpe pạtiạukʼ, Jisu do Mạsi, Isorren Hopon kanae mente, arpe pạtiạukʼte uni hotete jion tahentape.

Romiko lạgitʼ Pạul Apostolakʼ ciṭhi 1:5

Uni hotete ar uniyakʼ ńutum iạte ale do daya ar apostol hudạle ńamakada, jemon sanam jạtren hoṛko pạtiạukʼte Isorakʼko bataotae.

Jona 1:16

Ona iạte hoṛko do Probhu Isor ạḍiko botoradea. Onko do Probhu Isor ńutumte janwar dãṛẽko samaṅketʼkoa ar manotakʼko dohokeda.

Jona 1:5

Onate jahaj cakʼlaoko do botorte apan ạpinren boṅga ṭhen rakʼ joṅko ehopʼena. Ar jahajre tahẽkan jinisko do jalapuri reakʼ dakʼreko capatʼ khadlekada jemon jahaj rawalokʼtako. Menkhan Jona do noa laharege jahaj bhitrire bolokateye giticʼente acete jạpitʼ akatʼ tahẽkana.

Johan 9:36

Uniye roṛ ruạṛkeda, “E Probhu, lạiyạńme uni doe okoe kana, jemon unireń pạtiạukʼ.”

Ephesiko lạgitʼ Pạul Apostolakʼ ciṭhi 2:17

Ape okoe sạṅgińrepe tahẽkan ar onko okoe do sorreko tahẽkan, jotoko ṭhenge uni do hecʼkate suluk reakʼ bhage sombate porcarleda.

Dosar Biboron 30:13

Noa do jalapuri cetan reakʼ jãhãn jinis hõ baṅkana, onepe menke, ‘jalapuri paromkate do okoe bhala onae ańjom ocolea jemon onale manao ar ona lekale sen daṛekokʼ?’

Mathae 20:7

“Onko doko metadea, ‘okoe hõ kạmire bako lagaoletʼlea.’ “Uni doe metatʼkoa, ‘Do, ape hõ ińakʼ darkha bagwante senkate kạmipe.’