Romiko lạgitʼ Pạul Apostolakʼ ciṭhi 1:24 - সান্তালী বাইবেল

²⁴ Onate Isor do manwako akoakʼ ontor reakʼ bạṛicʼ sana ar hirkhạwakʼ kạmi lạgitʼe aṛakʼatʼkoa. Onate onko do ako akore hirkhạwakʼko kạmikante akoakʼ hoṛmoko bemanot ocoyetʼkana.

Santali Common Language New Testament

²⁴ Onate Isor do manwako akoakʼ ontor reakʼ bạṛicʼ sana ar hirkhạwakʼ kạmi lạgitʼe aṛakʼatʼkoa. Onate onko do ako akore hirkhạwakʼko kạmikante akoakʼ hoṛmoko bemanoteda.

Romiko lạgitʼ Pạul Apostolakʼ ciṭhi 1:24 Referans Kwoze

Aposkạmi 7:42

Menkhan Isor do onko khone ạcurente onkoe alae giḍikatʼkoa sermaren siń cando, ńindạ cando ar ipilko sewawako lạgitʼ. Ar inạ kathage nạbikoakʼ puthire olakana: E Israel hoponko, hahaṅkarre pongel bochor ape do cetʼ iń lạgitʼ janwar se eṭakʼ jãhãn dãṛẽkope samaṅletʼkoa?

Aposkạmi 14:16

Laha piṛhiren sanamkoge uni do akoakʼ sana lekageye sen ocowatʼko tahẽkana,

Mathae 15:14

Onko do apnartetʼko kãṛãgere hõ kãṛã ạyurko kanako. Ar kãṛã do kãṛãye ạyure khan banarge ghaḍlakʼrekin ńurokʼa.”

Levitikus 18:22

“Maejiuko tulucʼ giticʼmidokʼ leka herel tulucʼ herel giticʼmidokʼ hõ baṅ ganokʼa. Noa do mitʼṭecʼ bạṛicʼ utạrakʼ kạmikana.

1 Thessalonikikko 4:4

ar okoe Isor bako baḍae akade onko boṅgan hoṛ jạtrenkoakʼ jel reakʼ sana leka do alope colona, bickom mimitʼko apnarakʼ hoṛmo sonot ar manot salakʼ sambṛao doho reakʼ cetʼ joṅpe.

1 Korinthiko 6:18

Sanam lekan loṭghuṭi khon ńir joṅpe. Ente manwa okakoe kạiyetʼkan ona do acʼakʼ hoṛmo bahrereye onkayeda; menkhan okoeye loṭghuṭiyetʼkan uni do acʼakʼ hoṛmo upạrtegeye kạiyeda.

1 Korinthiko 6:13

Ar noa katha hõ roṛakana, “Jomakʼ do lacʼ lạgitʼ, ar lacʼ hõ jomakʼ lạgitʼge.” Menkhan mitʼ din Isor do noakin banargeye maraoa. Hoṛmo hõ loṭghuṭi lạgitʼ do baṅkana bickom ona do Probhu Isor lạgitʼge ar Probhu Isor do hoṛmo lạgitʼge.

Romiko lạgitʼ Pạul Apostolakʼ ciṭhi 6:12

Onate apeakʼ gujukʼakʼ hoṛmore kại do raj alope calao ocoyaea. Arpe calao ocoyae khan apeakʼ hoṛmo reakʼ bạṛicʼ sana gobolrepe calao idikʼa.

Ephesiko lạgitʼ Pạul Apostolakʼ ciṭhi 2:3

Abo sanamkoge abo do aboakʼ jel reakʼ sana bon purạuetʼ tahẽkante onko hoṛko talare mitʼ okte jion bon khemaoetʼ tahẽkana. Ar jel khon okako sana ar hudisko rakabokʼkan tahẽkan ona lekage bon kạmikan tahẽkana. Noa colon iạtege abo hõ eṭakʼko leka Isor ṭhen khon sạjại ńam lek hoṛ bon tahẽkana.