Romiko lạgitʼ Pạul Apostolakʼ ciṭhi 1:20 - সান্তালী বাইবেল

²⁰ Isorakʼ oka gun mẽtʼte baṅ ńelokʼkan, metakʼme uniyakʼ jaejug reakʼ daṛe ar uniyakʼ Isortetʼ do sirjon reakʼ etohopʼ khonge pusṭạute sodorgea. Uniyakʼ sirjon khonge manwa do bes okocʼte onako ńel oromeda arko bujhạu daṛeakʼkana. Niạ tayom manwakoakʼ ar jãhãn ạnḍuṅteakʼ do oho tahẽlena.

Santali Common Language New Testament

²⁰ Isorakʼ oka gun mẽtʼte baṅ ńelokʼkan, metakʼme uniakʼ jaejug reakʼ daṛe ar uniakʼ Isortetʼ do sirjon reakʼ etohopʼ khonge pusṭạute sodorgea. Uniakʼ sirjon khonge manwa do bes okocʼte onako ńel oromeda arko bujhạu daṛeakʼ kana. Niạ tayom manwakoakʼ do ar jãhãn ạnḍuṅteakʼ baṅ tahena.

Romiko lạgitʼ Pạul Apostolakʼ ciṭhi 1:20 Referans Kwoze

Romiko lạgitʼ Pạul Apostolakʼ ciṭhi 1:19

Isor reaṅ oka baḍaeyokʼakʼ ona do manwako ṭhen pusṭạugea, ente Isor acʼtetʼge onko ṭhen onae sodor akada.

Jesaea 40:26

Coṭ secʼ beṅgetʼ rakabpe ar ńelpe; noako do okoeye sirjạu akada? Unige ipilko do mimitʼ mimitʼteye oḍoketʼkoa; unige onko mimitʼko ńutum ńumkateye hohowako kana. Uniyakʼ napṛakʼtetʼ ar maraṅ daṛete onkoren mitʼṭen hõ bako adokʼ kana.

Sereńko 8:3

Iń do amakʼ tite benaoakʼ serma secʼiń beṅgetʼeda ar onḍem ṭarhao akatʼko ńindạ cando ar ipilkoń ńeletʼkoa.

Romiko lạgitʼ Pạul Apostolakʼ ciṭhi 2:15

Ente ạn lekate oka lekge ona do onkoakʼ ontorrege ol menakʼa. Ar onkoakʼ bibek hõ ona gohageye emetʼkana. Onkoakʼ hudisge oka oka jokhecʼ doe dusikoa, arhõ oka jokhecʼ doe onko sejokʼa.

Johan 1:18

Isor do okoe hõ tisge bako ńelakadea. Ar acʼ sãote menae uni sadher Hopon, one okoe do acʼtetʼgeye Isorkan, unige uni doe sodor akadea.

Johan 15:22

“Iń aloń hecʼlen khan ar bạń galmaraoako khan onko do ohoko dusikokʼa; menkhan ńitokʼ do kại reakʼ jãhãn ạnḍuṅge bạnukʼtakoa.

1Timothi 1:17

Okoe doe jaejugren rajkan, okoe doe bin maraokʼicʼkan ar one okoe do bae ńelokʼkan, uni mitʼ Isorakʼ man ar ṭhonokge jug cetan jug hoyokʼtae ma. Amen.

Kolossiko lạgitʼ Pạul Apostolakʼ ciṭhi 2:9

Isorakʼ goṭa perecʼtetʼ do Mạsiyakʼ hoṛmo rupteye girobasokʼ kana, ar Mạsi tulucʼpe kolom mitʼakante ape hõ ona perecʼtetʼpe ńamakada.

Sereńko 139:13

Am do ińakʼ ontorem sirjạuakada; ar eṅgat kukhirege ińakʼ hoṛmo hạṭińko mitʼ dhaotem benao akada.

Sereńko 119:90

Ar amakʼ pạtiạr do piṛhike piṛhi parom calakʼ kana; am do dhạrtim benaokʼ akada, ar ṭarhao menakʼa.

Sereńko 104:5

dhạrti do acʼakʼ rehetʼ cetanrem bạisạu akada; ona do tishõ baṅ ḍikạḍakekʼa.

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.

Romiko lạgitʼ Pạul Apostolakʼ ciṭhi 2:1

Jãhãege noa iạte eṭakʼkoe dusiko enḍekhan uniń metaea, amakʼ ạnḍuṅteakʼ do okortam? Am do eṭakʼkom dusiyetʼkore apnarge cetʼ dusi mente bam sạbudokʼ kana? Ente eṭakʼko dom dusiyetʼkoa menkhan am do onagem kạmikana.

Dosar Biboron 4:19

Serma secʼ beṅgetʼkate siń-cando, ńindạ-cando ar ipilko, metakʼme coṭ sermare menakʼakʼ jiniskote apeakʼ mẽtʼ do alo baṛe bulạukʼtapema ar dhạrtiren sanam jạtrenko cetanre emakʼ aperen Probhu Isorakʼ noa jinisko reakʼ alope sewawakʼa.

Kolossiko lạgitʼ Pạul Apostolakʼ ciṭhi 1:15

Nui Hopon kangea bin ńelokʼ kan Isorren muṭhạntetʼ do. Ar unige sanamakʼ ạuri sirjạureye tahẽkana ar sanam sirjon cetanre unigeye mạlik kana.

Jirimiạ 5:21

“E lelha ar bebuj hoṛko, okoe do mẽtʼ tahen tulucʼ bape ńeńelkan, lutur tahen tulucʼ bape ańjomkan, ape do luturakʼtińpe.

Jesaea 26:4

Ape do Probhu Isorre jaejug bhorsa akan tahenpe, ente Probhu, Isor do jaejugren asray buru kanae.

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Sereńko 104:31

Probhu Isorakʼ ṭhonok do jaejug hạbicʼ tahenma; uni do acʼakʼ kạmireye rạskạkʼ kana.

1Timothi 6:16

Isor do gujukʼ gobolren doe baṅkana. Uni do nonkan marsalreye tahenkana one okare okoe manwage bako sen daṛeakʼ. Ar okoe manwa hõ uni do tisge bako ńelakadea ar bako ńel daṛeaea; uniyakʼge man ar jaejug daṛe do. Amen.

Romiko lạgitʼ Pạul Apostolakʼ ciṭhi 16:26

menkhan ńitokʼ bhage sombat hotete ona do sodorakana ar ona lekage iń hõń porcareda. Ar jaejugicʼ Isorakʼ hukum leka nạbikoakʼ olakʼ hotete sanam jạtren hoṛko ṭhen ona do baḍae ocoakana, jemon onko do Mạsireko pạtiạukʼte Isorren bataokoko hoydaṛeakʼ.

Aposkạmi 17:29

“Enḍekhan uniren hoponkan khan bon Isor do manwa reakʼ kạrigol ar hudis bundiskote benao akatʼ sona, rupạ se dhiriren murti leka hudise do lek baṅkan tabona.

Sereńko 90:2

Buru boṭkocʼ ạuri sirjạukʼre, dhạrti ar pirthimi ạuri sirjạukʼre, ona laha khon jaejug hạbicʼ am kangeam Isor do.

Dosar Biboron 33:27

Okoe doe jug hilokʼren Isorkan unige amren asarae do; acʼakʼ jaejug reakʼ tite uni do ame sapʼ dohokama. Am samaṅren sanam bạiriko uni doe laga ńirkoa; are mena, ‘noko mohor meṭaokom.’

Ibriko 11:27

Isor cetanre biswạs iạtege uni do raj begor botoraete Misor disạme bạgiyatʼ tahẽkana, ente uni do baṅ ńelokʼicʼ ńelekan lekae sumbhrạukeda.

Mathae 5:45

Jemon hoṛko ńelpe ape do sạrige serma Babaren hoponko kanape mente. Uni do jotoko cetanre acʼren siń candoe rakapʼ ocoyedea ar dhoromko ar bedhoromkoe dakʼako kana.

Genesis 21:33

Abraham do Ber-Sebare Probhu Isor, metakʼme okoe do etohopʼ ar ses bạnukʼtae uni Isore sewawadea. Ar onḍe do mitʼṭecʼ jhão dareye rohoekeda.

Aposkạmi 22:1

“E boehako ar Babako, ńitokʼ iń do apnarteń roṛ dogokʼkana, ańjomtińpe baṛe.”

Genesis 1:1

Etohopʼre Isor do ot ar sermae sirjạukeda.

Jobakʼ 12:7

“Janwarko ṭhen kulijoṅme, onko do amko cetʼama; coṭren cẽṛẽko ṭhen kulijoṅme, onko hõko lạiyama;

Jirimiạ 51:15

Probhu Isor do acʼakʼ daṛete dhạrtiye sirjạu akada, ar acʼakʼ ạkiltege pirthimi reakʼ rehetʼe bạisạu akada ar uniyakʼ bujte sermae pasnao akada.

Mark 10:6

Menkhan noa hõ ol menakʼa, sirjon reakʼ etohopʼre ‘Isor do herel ar maejiukategeye sirjạuketʼkinạ.

1 Korinthiko 1:20

Menkhan akelanicʼ do ukuricʼ? Bidiạwạnicʼ hõ ukuricʼ? Noa piṛhiren esetʼicʼ hõ ukuricʼ? Noa dhạrti reakʼ akel je, lelhawakʼkan ona do cetʼ Isor bae udukʼ abon kana?