Romiko lạgitʼ Pạul Apostolakʼ ciṭhi 1:16 - সান্তালী বাইবেল

¹⁶ Jisu Mạsi reaṅ noa bhage sombat iạte iń do bạń lajaokʼ kana, ente noa bhage sombat do Isorakʼ daṛe kana one oka hotete uni do sanam biswạsiko kại khone bańcaoko. Pạhilte do Jihudiko, ar ona tayom do boṅgan hoṛ jạtrenkoge.

Santali Common Language New Testament

¹⁶ Jisu Mạsi reaṅ noa bhage sombat iạte iń do bạń lajaokʼ kana, ente noa bhage sombat do Isorakʼ daṛe kana one oka hotete uni do sanam biswạsiko kại khone bańcaoko. Pạhilte do Jihudiko, ar ona tayom do boṅgan hoṛ jạtrenkoge.

Romiko lạgitʼ Pạul Apostolakʼ ciṭhi 1:16 Referans Kwoze

Mark 8:38

Niạ piṛhiren bepạtiạr ar kại hoṛko talare iń ar ińakʼ kathako iạte jãhãegeye lajaokʼ, enḍekhan Manwa Hopon hõ sonot goḍetko soṅgekate acʼren Apatakʼ ṭhonokanteye hijukʼre uni hoṛ iạteye lajaokʼa.”

2Timothi 1:8

Onate aboren Probhu Isor reaṅ goha emokʼ do alom lajaokʼa, ar uni iạte hajotre minạń, onate hõ alom lajaokʼa. Ona bodolte Isor okaṭakʼ daṛeye emakatʼme ona daṛete uniyakʼ bhage sombat porcar lạgitʼ iń tulucʼ duk jomme.

1 Patras 4:16

Menkhan Khristan lekate jãhãe duke jomlere aloe lajaokʼma, bickom uniyakʼ do ona ńutum menakʼtaete Isore sarhaoema.

2Timothi 1:12

Ar ona iạte noako dukiń jomakada; ar enrehõ bạń lajaokʼkana, enteń baḍaea okoereń bhorsa akana mente. Iń doń khạṭi akawana, uni ṭhen okań dohoakatʼ ona do Mạsiyakʼ hijukʼ din hạbicʼ rukhiyạ lạgitʼ daṛe menakʼtaea mente.

Luk 9:26

Jãhãege iń ar ińakʼ katha iạteye lajaokʼ khan, Manwa Hopon hõ tinre acʼ ar acʼren Apatakʼ ar sonot goḍetkoakʼ ṭhonokanteye hijukʼa unre acʼ hõ uni hoṛ iạteye lajaokʼa.

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiyakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.

1 Korinthiko 2:4

ińakʼ porcar ar ińakʼ roṛre hoṛko rạmjạu ocoko leka akelte perecʼ bidiyạ hõ baṅ tahẽkantińạ, bickom onare sonot Jiuakʼ daṛege ńelokʼkan tahẽkana,

1 Korinthiko 2:2

Ińiń goṭawan tahẽkana, ape ṭhen tahen jokhecʼ Jisu Mạsige metakʼme, kurusledeyicʼ Jisu Mạsi baḍaeye chaḍa ar cetʼge bạń baḍaejoṅa.

Romiko lạgitʼ Pạul Apostolakʼ ciṭhi 10:17

Enḍekhan ńelokʼkana, Isorakʼ katha ańjom iạtege biswạs do hijukʼkana, ar Mạsi reaṅ do porcar talate ańjomokʼ kana.

Ibriko 4:12

Isorakʼ katha do jiwetʼgea ar jojaoakʼ kangea ar dene banar dharanakʼ tarwaṛe khon hõ bạ̃ṛti lasergea. Noa katha do manwa jiwi ar jiu, uṭi ar tumul hạṭiń begar hạbicʼ hõ sobokʼakʼ kana ar manwa ontor reakʼ sanam monejoṅakʼ ar hudisko biḍạu aṭkarakʼ kana.

1 Korinthiko 15:2

Okaṭakʼ kathań porcaratʼpe tahẽkan onage kajakte sapʼ akaepe tahen khan enḍekhan ona bhage sombat hotete kại khon bańcaope ńametʼa, khạjuk apeakʼ pạtiạu ạuṛiyakʼ alo hoyokʼ.

Jirimiạ 23:29

Ińakʼ kathako do cetʼ seṅgel leka do baṅkana? Okaṭakʼ hạtuṛ dhiriye kuṭạm gejeretʼkan ińakʼ katha do cetʼ ona hạtuṛ leka do baṅkana?

Galathiko lạgitʼ Pạul Apostolakʼ ciṭhi 1:7

Ona do jãhãn bhage sombatge baṅkana. Enrehõ adom hoṛ menakʼkoa one okoe do sulukte bako tahẽ ocowape kan, ar Mạsi reaṅ bhage sombat bodolko monejoṅkan.

Romiko lạgitʼ Pạul Apostolakʼ ciṭhi 2:9

Okoe bạṛicʼakʼko kạmikan onko mimitʼko do duk saset ar santaoko ńama. Pạhilre Jihudiko, ar ona tayom do boṅgan hoṛ jạtrenko.

Aposkạmi 3:26

Ar ape mimitʼko apeakʼ bạṛicʼ hor khon ạcurokʼte bhorape lạgitʼge Isor do ape ṭhen acʼren Guti Jisui kolledea.”

Sereńko 119:46

Am okakom menetʼkan ona do ińren raj samaṅreń roṛa; iń do bạń lajaokʼa.

1 Thessalonikikko 2:13

Ale do siń sạṭupʼ Isorle gun manao joharae kana, ente Isorakʼ katha ańjomkate tinrepe pạtiạulena unre manwawakʼ katha mente do baṅ, menkhan Isorakʼ katha mentegepe ataṅkeda. Ar sạrige ona do Isorakʼ katha kangea. Ape okoepe pạtiạu akan, apeakʼ ontorrege ona katha doe kạmiyeda.

Jesaea 53:1

Abo emakʼ sombat do okoeye pạtiạu akawada? Probhu Isorakʼ daṛeanakʼ sopo do okoe ṭhen sodorlena?

1Timothi 1:11

Ṭhonokren Isorakʼ maraṅ bhage sombat lekate okaṭakʼ cecetʼakʼ menakʼ, onage hoyokʼkana sạri cecetʼakʼ. Ar noa bhage sombat porcar reakʼ dạyik do iń cetanreye emakada.

2 Korinthiko 9:13

Ar apeakʼ noa dangeye sạbudetʼ kana je, ape do biswạsiko kanape mente, ar ona ńelte onko do Isorko sarhaoea, ente ape do Mạsi reaṅ bhage sombatrepe pạtiạu akante uni gobolrenpe hoyakana ar soṛa monte onko ar eṭakʼko jotope dan akawatʼkoa.

2 Korinthiko 2:12

Iń do Troas nagrahare Mạsiyakʼ bhage sombat porcar lạgitʼ senkateń ńelkeda, Probhu Isor do onḍe kạmi lạgitʼ mitʼṭecʼ ạte emakawạdińa.

1 Korinthiko 9:18

Enḍekhan ińakʼ kuṛại do cetʼ? Ona do noage je, bhage sombatiń porcar bodolte ińakʼ oka paona menakʼ ona hatao baṅkate begor poesate onań kạmi daṛeakʼ.

1 Korinthiko 9:12

Noa lạgitʼ ape cetanre eṭakʼkoakʼ bakhra menakʼtako khan enḍekhan ale do artetʼ ńam lek dole baṅkana? Menkhan ona hok do bale laṛcaṛeda bickom sanamakʼle sahaoeda, jemon Mạsiyakʼ bhage sombat porcarre jãhãn tạkicʼakʼ alole hoyokʼ.

Romiko lạgitʼ Pạul Apostolakʼ ciṭhi 15:29

Ińiń baḍaea ape ṭheniń senlenre iń do Mạsiyakʼ purạ puri bhoriń iditoraea.

2Timothi 1:16

Onesiphoros gharońjrenko Probhu Isore mãyãwakoma; uni do ạḍi dhaogeye cerṭha ocoakadińa, ar ińakʼ hajot iạte bae lajaolena.

Romiko lạgitʼ Pạul Apostolakʼ ciṭhi 4:11

Khatna ạurire biswạs iạtege Isor do dhorom menteye lekhakedea ar onage tahẽkana uniyakʼ sạbudokʼ reakʼ cinhạ do. Enḍekhan ńelokʼkana, khatna begorte okoe do eken biswạs hotete dhorom menteko ataṅ ocokʼkan, onko sanamkoren hõ Abraham doe baba kana.

Sereńko 110:2

Amakʼ raj hudạ reakʼ ạidạri Probhu Isor do Sion khone sodor tama; uni doe mena, “Amren bạiriko tala khon am do rajosṭi calaome.”

Johan 7:35

Jisuakʼ noa kathate Jihudi mukhiyạko do ako talareko menkeda, “Nui hoṛ do okateye calakʼte babon ńam daṛeaea? Baṅ do Junạniko talare chirchạtur akan Jihudiko ṭhen senkate Junạnikoe cetʼako?