Romiko lạgitʼ Pạul Apostolakʼ ciṭhi 1:13 - সান্তালী বাইবেল

¹³ E boehako, noa katha baḍaepe, ḍher dhao ape ṭhen calakʼ sanaledińre hõ ńit hạbicʼ akoṭakʼko do hecʼạń kangea. Cetʼleka eṭakʼ eṭakʼ jaegakore boṅgan hoṛ jạtrenko talare porcarkate jo iń ńamakatʼ, onkage apeko talare hõ thoṛa jo ńam reakʼ aste ape ṭhen calakʼ iń menjoṅ kana.

Santali Common Language New Testament

¹³ E boehako, noa katha baḍaepe, ḍher dhao ape ṭhen calakʼ sanaledińre hõ ńit hạbicʼ akoṭakʼko do hecʼạń kangea. Cetʼleka eṭakʼ eṭakʼ jaegakore boṅgan hoṛ jạtrenko talare porcarkate jo iń ńamakatʼ, onkage apeko talare hõ thoṛa jo ńam reakʼ aste ape ṭhen calakʼ iń menjoṅ kana.

Romiko lạgitʼ Pạul Apostolakʼ ciṭhi 1:13 Referans Kwoze

Aposkạmi 19:21

Ado noako hoy baṛayen khan Pạul do Makedoniạ ar Akhaea secʼte Jerusalemte calakʼ reakʼe goṭawana. Uni doe menkeda, “Jerusalemte calao tayom iń do Rom nagrahate hõ calakʼ hoyokʼtińạ.

Philipiko lạgitʼ Pạul apostolakʼ ciṭhi 4:17

Jãhãn daniń khojokʼ kana ona do baṅ, menkhan nonkan jogeń asokʼ kana one oka do ape ńutumte doho jarwa idikʼ.

2Timothi 4:17

Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

1 Thessalonikikko 4:13

E boehako, gocʼ akankoakʼ cetʼ hoyokʼ takoa ona reaṅ bin baḍaepe tahen do bale menjoṅ kana, jemon as bạnukʼtako hoṛko leka dukte alope hadosokʼ.

1 Thessalonikikko 2:18

Onate ale do, asokaete iń Pạul do ạḍi dhaoge ape ṭhen hijukʼiń menletʼ tahẽkana, menkhan Soetan do aleye tạkicʼ daramletʼlea.

2 Korinthiko 1:8

Ạsiạ Prodesre ale do oka santaorele paṛaolen, asjoṅ kanale ape hõ ona jemonpe baḍae daṛeakʼ. Onḍe do sahao daṛeakʼ khon hõ bạ̃ṛti caprele paṛaolena, ar bańcaokʼ reakʼ asge baṅ tahẽkantalea.

1 Korinthiko 12:1

E boehako, sonot Jiuteakʼ dan reaṅ bin baḍaepe tahen do baṅ sanań kana.

1 Korinthiko 10:1

E boehako, iń doń khojkana jemonpe baḍae, aboren hapṛamko do jotoge ona rimil reakʼ umulreko tahẽkana ar sanamkoge doreão talateko paromlena.

Kolossiko lạgitʼ Pạul Apostolakʼ ciṭhi 1:6

Noa bhage sombat do goṭa dhạrtire pasnao idikʼkante jokʼ kana ar dinke din baḍhao idikʼ kana. Ar oka hilokʼ noa bhage sombatpe ańjomketʼ ar Isorakʼ daya reakʼ katha sạri mentepe baḍaeketʼ enhilokʼ khon ṭhik onkage ona do ape talare hõ kạmikʼkana.

Romiko lạgitʼ Pạul Apostolakʼ ciṭhi 11:25

E boehako, apnarte jemon budanko alope monejoṅ onate iń do mitʼṭecʼ sạri okowakʼ baḍae ocopeń menjoṅ kana. Ona sạriyakʼ do noage, boṅgan hoṛ jạtrenkoakʼ lekha ạuri purạukʼ hạbicʼ ḍher bhag Israelkoakʼ ontor do keṭecʼge tahena.

Johan 15:16

Ape do bape bachao akadińạ, menkhan ińgeń bachao akatʼpete kạmireń dhurạu akatʼpea jemon apeakʼ jionrepe jokʼ ar ona jo do jemon tahẽ akae tahentape. Enḍekhan iń ńutumte Baba ṭhen jãhãnakʼgepe koe uni do onageye emapea.

Johan 4:36

Okoe phosole samṭaoetʼkan uni do ńitge kuṛạiye ńameda ar jaejug jion lạgitʼ phosole doho jarwayeda. Onate itạ erokʼicʼ ar phosol samṭaoicʼ, unkin banarge mitʼ sãotekin rạskạkʼ kana.

2 Thessalonikiko 2:7

menkhan okoe uniye akoṭ dohoakade uni ạuriye ocogokʼ hạbicʼ akoṭetegeye tahena. Ar ona tayom do uni nonosṭoren hopone sodorokʼa.

2 Korinthiko 2:14

Isoriń sarhaoede kana, Mạsi tulucʼ bon mitʼ akante ar Isor do acʼakʼ jitạuakʼre jaogeye ạyuretʼbon kana. Mạsi baḍaeye do mitʼṭecʼ mahkaokʼkan so leka. Isor do acʼakʼ jitạuwakʼre ona jut so ale hotete sanam jaegareye mahkao ocoyeda.

1 Korinthiko 9:2

Eṭakʼko apostol mente bako aṅgocińre hõ ape do apostol mentepe aṅgocińạ. Ape je, Probhu Isorren hoṛpe hoyakan onage ińakʼ apostol hudạ reakʼ sạbudtetʼ do.

Aposkạmi 21:19

Pạul do onkoe joharatʼkoa ar acʼakʼ porcar talate cetʼleka Isor do boṅgan hoṛ jạtrenko talareye kạmi akada ona sanamakʼe lạiyatʼkoa.

Aposkạmi 15:12

Unre bạisiren sanamko doko thir hapeyena ar Pạul ar Barnabas hotete boṅgan hoṛ jạtrenko talare Isor do okako hahaṛa kạmiye kạmi akatʼ ona unkinakʼ moca khon ańjomko ehopʼena.

Aposkạmi 14:27

Ado Antiokiạtekin seṭeren khan unkin do manḍerren sanamko mitʼ ṭhenkin jarwaketʼkoa ar Isor ạkin hotete okakoe kạmiketʼ ona sanamakʼ kin lạiyatʼkoa. Ar cetʼlekate Isor do boṅgan hoṛ jạtrenko Mạsire biswạs reakʼ duạre jhicʼ akawatʼko ona reakʼ hõkin lạiyatʼkoa.

Johan 12:24

Sạrigeń metaben kana, guhum jaṅ hasare ńurkate baṅ gocʼlen khan ona do eskarge tahena, menkhan gocʼlen khan do ạḍi utạr gele belekʼa.

Jesaea 27:6

Hijukʼkan dinkore Jakob doe rehedokʼa, ar Israel doe bahakʼa ar sagenokʼa ar goṭa dhạrti do joteye pereja.”

Aposkạmi 1:15

Onako dinre Patras do Mạsire pạtiạu akan mitʼ sae bargel hoṛko talare teṅgokateye menkeda,

Aposkạmi 28:14

Onḍe do thoṛa biswạsi boehakole ńamketʼkoa. Onko do ako sãote mitʼ hapta tahen lạgitʼko nehõratʼlea. Nonkate ale do Romtele hecʼena.

Romiko lạgitʼ Pạul Apostolakʼ ciṭhi 1:12

Noa do hoyokʼ kana, abo sanamko jemon apan ạpin biswạs khon udgạu bon ńam.

Romiko lạgitʼ Pạul Apostolakʼ ciṭhi 7:1

E boehako ape ma ạn-ạrikope baḍaege. Ape do cetʼ bape baḍaea, manwa jiwetʼ tahen bhorge ạn do uni cetanreye mạlikokʼ kana mente?

1 Korinthiko 1:10

E boehako, aboren Probhu Jisu Mạsi ńutumteń nehõrape kana, sanamkoge mitʼakan tahenpe, ape talare jãhãn doladuli alo tahen ma, bickom ape do mitʼmon ar mitʼakan tahenpe.

1 Korinthiko 14:20

E boehako, bujre gidrạko leka do alope hoyokʼa. Ar bạṛicʼakʼre apeakʼ mon do huḍiń gidrạko leka hoyokʼtape ma, menkhan bujre do sẽṛã hoṛ lekankoge hoyokʼpe.

1 Korinthiko 14:26

E boehako, enḍekhan cetʼ iń mena? Manḍerre mitʼ ṭhenpe jarwakʼre ape modre okoe do sarhaoakʼ sereń menakʼtaea, okoe do cecetʼakʼ menakʼtaea, okoe do Isorakʼ sạritetʼ sodorakʼ menakʼtaea, okoe do eṭakʼ pạrsite cecetʼakʼ menakʼtaea; arhõ okoe do ona reakʼ bhede bhaṅgaoetʼkana. Onate jãhãe jãhãnakʼgeye ceka kan, ona jotowakʼ do jemon manḍer benao rakapʼakʼ mente hoyokʼ.

Galathiko lạgitʼ Pạul Apostolakʼ ciṭhi 3:15

E boehako, iń do ạḍi alga kathate noa reaṅ iń bujhạuape kana. Mitʼ dhao manwa talare jãhãnakʼ bondobos doholenre ona bondobos do okoe hõ bako bạtil daṛeakʼa se ona tulucʼ jãhãnakʼ hõ bako juṭucʼ daṛeakʼa.

Galathiko lạgitʼ Pạul Apostolakʼ ciṭhi 6:18

E boehako, aboren Probhu Jisu Mạsiyakʼ daya apeakʼ ontorre tahẽ akan tahenma. Amen.

Philipiko lạgitʼ Pạul apostolakʼ ciṭhi 1:22

Menkhan jiwetʼgeń tahen khan enḍekhan ona do nonkan mitʼṭecʼ kạmi reakʼ ạte imạńa jemon bhage jo hoyokʼtiń. Ar okaṭakʼ iń bachao joṅa ona do bạń baḍaea.

Kolossiko lạgitʼ Pạul Apostolakʼ ciṭhi 1:10

Onate boge kạmikote bhage jope jokʼte Isor do arhõ jemon mońjtepe baḍae daṛeae; ar nonkate jotowakʼre Probhu Isorpe kusi ocoyete unire lek lekape colon.