Rak̕joṅ 5:6 - সান্তালী বাইবেল

⁶ Ale do jomakʼko ńama iạte Misor ar Ạsurrenko gobolrenkole hoyakana.

Rak̕joṅ 5:6 Referans Kwoze

Hosea 12:1

Ephrayim do hoeye jomeda; uni do goṭa din purub reakʼ hoeye khudạueda ar eṛe katha ar bedhorome ḍhereda. Uni do Ạsurrenko sãoteye bondoboseda ar Misor do jạitun reakʼ sunume kolae kana.”

Hosea 9:3

Onko do Probhu Isorakʼ disạmre bako tahena; Ephrayim do Misorteye ruạṛ calakʼa ar Ạsur do besaphawakʼ jomakʼgeye joma.

Hosea 7:11

“Ephrayim do mitʼṭen bebuj parwa leka kanae; uni doe lelhagea. Uni do ghane Misore hohoaekana ar ghane do Ạsur ṭhene calakʼkana.

Hosea 5:13

“Ephrayim do tinre acʼakʼ roge ńelkeda ar Jihudạ do acʼakʼ ghaoko unre Ephrayim do Ạsur secʼ ạcur ruạṛkate goṛo ńam lạgitʼ uni maraṅ raj ṭhen hoṛe kolketʼkoa. Menkhan uni do rog hõ bae boge daṛeataea ar uniyakʼ ghaoko hõ bae bes daṛeakʼa.

Jirimiạ 2:36

Amakʼ hor pheraotam lạgitʼ do cedakʼem ạcur baṛae kana? Ạsur babotre cetʼlekam lajao ocolen onkage Misor iạte hõm lajao ocokʼa.

Jirimiạ 2:18

Ar ńitokʼ do nil gaḍa reakʼ dakʼ ńũi lạgitʼ cedakʼ Misorte dom calakʼ kana? Phurạt gaḍa reakʼ dakʼ ńũi lạgitʼ hõ Ạsurte do cedakʼem calakʼkana?

Genesis 24:2

Ar oṛakʼren sanam khon mare okoeṭakʼ guti cetanre uniyakʼ sanamakʼ bhar tahẽkan uni do mitʼ dine metadea, “Ińakʼ bulu latarre amakʼ ti dohoyme.

Jeheskel 17:18

Ente uni do bondobose rạputʼakada ar kiriại neṅghao akada. Uni tabere tahen reakʼe bondobosletʼre hõ noae kạmi akatʼte rehay do bae ńama.

Jirimiạ 50:15

Uni beṛhaete uni upạrte lạṛhại reakʼ andoṛpe. Uni doe bhagao ocoakana, uniyakʼ rurukhiyạ bebosta do rạputʼ akana ar uniyakʼ pạcri do lạnduṛ akantaea. Probhu Isor do uni cetanreye hala hạlikʼkana, ape hõ halawaepe. Eṭakʼko cetʼ lekae ceka akawatʼko ape hõ uni onkawaepe.

Jesaea 57:9

Am do jạitun sunum ojokʼkate raj ṭhenem senlena, ar ḍher mahkaokʼ sunumem beoharleda. Amren paṭhaonako do sạṅgiń disạmtem kol akatʼkoa, hẽ, Sheolte hõm kol akatʼkoa.

2 Rapajko 10:15

Ar Jihu do onḍe khone calaoen khan Rekabren hopon Jehonadab sãoteye ńapamena. Uni do Jihu sãote ńapamokʼ lạgitʼgeye hecʼlena. Jihu do uni joharadeteye metadea, “Cetʼ leka am secʼ minạń onkage cetʼ amhõ iń secʼ menama?” Jehonadabe roṛ ruạrkeda, “Hẽ, minạńgea.” Jihui menkeda, “Onka khan ti baṛe tiạrtam.” Jehonadab tiye tiạrketʼtae khan Jihu do acʼakʼ rãt gạḍireye rakapʼkedea.

Rak̕joṅ 4:17

Ạuṛiyakʼ goṛo ńam reakʼ aste aboakʼ mẽtʼ do nijor akantabona; nonkan mitʼ jạtrenko secʼ bon koyokʼ horakatʼ tahẽkana okoe do bako rukhiyạ daṛeabon.