Rak̕joṅ 5:2 - সান্তালী বাইবেল

² Aleakʼ ạidạriko do bidisiạkoakʼ tire jimạ akana, ar aleakʼ oṛakʼ do eṭakʼ jạtren hoṛko em ocoakana.

Rak̕joṅ 5:2 Referans Kwoze

Sephaniạ 1:13

Onkoakʼ dhon do luṭ idikʼtakoa ar onkoakʼ oṛakʼ-duạr hõ maraokʼtakoa. Onko do oṛakʼ-duạrko benaojoṅa menkhan onare do bako tahẽdaṛeakʼa; darkha bagwan hõko benaojoṅa menkhan darkha rasa do bako ńũ daṛeakʼa.”

Jesaea 1:7

Apeakʼ disạm do ujạṛ akantapea, nagrahako do seṅgelte jarkhar akana. Apeakʼ khetko reakʼ phosolko do apeakʼ mẽtʼ samaṅrege porjạtrenko luṭ idiyetʼ kana; ar bidisiạko do disạmko jarkhar akada.

Jeheskel 7:24

Onkoakʼ oṛakʼ-duạr dokhol lạgitʼ iń do jạt jạtrenko tala khon dusṭạmi jạtrenkoń ạgukoa. Iń do daṛeankoakʼ bạḍạiyiń rạpudtakoa, ar onkoakʼ sonot ṭhạ̃ikoń besapha ocoytakoa.

Jeheskel 7:21

Ar onako jinis do bidisiạkoakʼ tire ar luṭ reakʼ jinis lekate dhạrtiren dusṭạmikoakʼ tireń soprota; onko do onako besonota.

Jirimiạ 6:12

Okoe disạmreko girobasokʼkan onko upạrte tinre sạjại reakʼ tiyiń rakaba unre eṭakʼkoakʼ tite onkoakʼ oṛakʼ-duạrko, khet baṛgeko ar onkoren era uruko hõko jimạkoa.

Jesaea 63:18

Amakʼ sonot ṭhạ̃i do thoṛa din lạgitʼ amren begar akan hoṛkoakʼ tire tahẽkana, menkhan ńitokʼ aleren bạiri do ona sonot ṭhạ̃iko lebetʼ gasmanḍaoetʼ kana.

Jesaea 5:17

Unre bhiḍiko do akoakʼ khetre cetʼlekako ạtiń onkage kisạ̃ṛkoakʼ sanam dhaṅdhaser jaegakoreko ạtiń baṛaea, ar porjạtrenko do ona dhaṅdhaserakʼ jaegako hameṭjoṅa.

Sereńko 109:11

Mahajon do onkoakʼ sanamakʼe idiytakoma; ar eṭakʼ hoṛko do onkoakʼ khaṭaoakʼ reakʼ joko idijoṅma.

Jirimiạ 17:4

Okaṭakʼ ạidạriyiń ematʼme tahẽkan, ona do amakʼ dostegem ada. Ar okaṭakʼ disạm reakʼ katha bam baḍaeakatʼ ona disạmre amren bạirikoren golamiń hoyocomea, ente am do ińakʼ edre seṅgelem salgao akatʼtińạ ona do jaejug hạbicʼ jolokʼa.”

Hosea 8:7

“Onko do hoegeko era ar sesre do hoe bharḍoko irạ. Phosol reakʼ gelere do jãhãn danage bạnukʼa; ona khon holoṅ do ohoge ńamlena. Ar onare jãhãnakʼge hoyokʼ ona do bidisiạ hoṛgeko jom cabaea.

Hosea 8:8

Israel doko utʼ ocoakana; bạṛicʼakʼ jinis leka onko do ńitokʼ eṭakʼ jạtrenko talare menakʼkoa.