Rak̕joṅ 5:18 - সান্তালী বাইবেল

¹⁸ Sion buru do ujạṛakʼ hoyakana; toyoko do onareko dãṛã baṛaekana.

Rak̕joṅ 5:18 Referans Kwoze

Mikạ 3:12

Onatege Sion do ape iạte khet baṛge lekae cas ocokʼa, ar Jerusalem do dhaṅ dhaserakʼ ḍhipi leka hoyokʼa, ar koejoṅ oṛakʼ reakʼ buru do jhạuạkote dapal esedokʼa.

Jirimiạ 9:11

Probhu Isore meneda, “Jerusalem do mitʼṭecʼ dhaṅdhaserakʼ ar toyokoakʼ tahen lạgitʼ bhugạkʼgeń hoeocoya. Ar Jihudạ nagrahako do nonkań dhaṅdhasera, onḍe do ar okoehõ bako girobasokʼa.”

Jirimiạ 52:13

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

Jirimiạ 26:9

Cedakʼ am do Probhu Isor ńutumte nonkam nạbi akada, “Baṅma noa oṛakʼ do Silo leka hoyokʼa ar nagraha do ḍahao maraokʼte ujạṛokʼa?” Noa menkate sanam hoṛ do Probhu Isorakʼ oṛakʼre Jirimiạko esetʼ ạcurkedea.

Jirimiạ 17:3

E Jihudạ, amakʼ kại gunạkʼte disạm talare ińakʼ burure amakʼ dhonko ar amakʼ murạiko ar goṭa disạm reakʼ amakʼ than boṭkocʼko do luṭ reakʼ jinis lekateń soprota.

Nehemiạ 4:3

Unre Amoni Tobia do uni aṛereye tahẽkana; uni doe menkeda, “Onko okako benaoetʼkan ona cetante mitʼṭen khĩkṛĩye decʼlen khan hõ dhiri pạcri do dhasao lạnduṛokʼtakoa.”

Sereńko 63:10

Onko do tarwaṛe samaṅreko doho ocokʼa; ar toyokoren jomakʼko hoyokʼa.

Daniel 9:17

“Ńitokʼ, E ińren Isor, amren gutiyakʼ koejoṅ ar nehõr ańjomme. E Probhu, amakʼ ńutum rukhiyại lạgitʼ ujạṛokʼkan amakʼ oṛakʼ secʼ amakʼ daya reakʼ mẽtãhã baṛe samaṅme.

2 Rapajko 25:9

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

Jesaea 64:9

E Probhu Isor, alom edre sạṅgińokʼa; ar aleakʼ ghạṭko jaejug hạbicʼ alom disạ dohoytalea. Alele nehõram kana, ale secʼ baṛe beṅgedme, ente ale sanamkoge amren hoṛ kanale.

Jirimiạ 9:10

Buruko ńutumteń rakʼeda ar hahaṅkar reakʼ ạtiń ṭạnḍiko lạgitʼ doń homor halaṅeda. Ente onako do dhaṅdhaser akana, ar okoehõ onkate do bako paromokʼkana. Mĩhũ meromkoakʼ bhokraokʼ hõ baṅ ańjomokʼkana. Coṭren cẽṛẽ ar janwar doko dạṛ akada arko calao cabayena.

Jirimiạ 44:2

“Israelren phạdkoren Probhu Isorgeń menetʼkana, iń do Jerusalem ar Jihudạ reakʼ sanam atoko ar nagrahako cetanre oka muhin iń ạguletʼ ona dope ńelakatʼgea. Onako do teheń dhaṅdhaser akange menakʼa; onḍe do celehõ bako girobasokʼ kana.

Jirimiạ 44:6

Onatege ińakʼ jolokʼkan edre doń dulletʼ tahẽkana; ona do Jihudạkoakʼ nagrahare ar Jerusalem reakʼ ḍaharkore jol rakapʼlena ar onate onako do teheń ujạṛakʼ ar dhaṅ dhaserakʼ hoyakana.

Jeheskel 13:4

E Israel, amren nạbiko do dhaṅdhaser talare toyo lekan kanako.