Rak̕joṅ 4:21 - সান্তালী বাইবেল

²¹ Us disạmre berel akanicʼ E Edom hoponera am do rạskạ ar hulạsokʼme; menkhan amhõ ona bạṭi dom emocokʼa; am dom ńũ bulokʼa arem uluṅokʼa.

Rak̕joṅ 4:21 Referans Kwoze

Johan sodor 16:15

Jisui meneda, “Ńelme, iń do kombṛo lekań hijukʼa. Bhạgangeae uni hoṛ, one okoe do jagware tahenkan ar acʼakʼ kicricʼkoe jogao dohoyetʼ, jemon laṅgaṭ alaoe dãṛãn ar hoṛko hõ uniyakʼ lajaotetʼ aloko ńeltae.”

Amos 1:11

Probhu Isore meneda, “Edom reakʼ pea ghạṭ iạte, hẽ, ponea ghạṭ iạte iń do khạṭige onkoń sạjạikoa, ente sanam daya mãyã bạgikate uni do tarwaṛeante acʼren boehako khudạu akadea. Ona chaḍa botoranakʼ edre do onkore ńelokʼkangea ar onako dohoakada.

Jobakʼ 1:1

Kus disạmre Job ńutuman mitʼṭen hoṛe tahẽkana. Uni do bindusạn ar dhorom hoṛgeye tahẽkana. Uni do Isore botorae kan tahẽkana ar bạṛicʼakʼ khon sạṅgińreye tahenkan tahẽkana.

Sereńko 137:7

E Probhu Isor, Jerusalem ḍahao maraokʼ dinre Edomrenko cetʼko cekaleda ona baṛe disạime; onkoko menleda, “Lạnduṛpe, ona reakʼ rehetʼ hạbicʼ lạnduṛpe.”

Mikạ 1:11

E Saphirre tahenkan hoṛko, ape do uluṅ ar lajaokʼpe baṛe. Ar okoe Saananreko girobasokʼ kan onko do bako oḍok hecʼdaṛeakʼa. Beth-ethsol doe homor halaṅetʼkana; uni do ape secʼ bae teṅgona.

Obodiạ 1:1

Obodiạwakʼ dorson. Edom disạm babotre Probhu Isor do noa kathae roṛetʼkana. Ale do Probhu Isor ṭhen khon mitʼṭecʼ sombatle ańjom akada. Uni do jạt jạtrenko ṭhen mitʼṭecʼ goḍet kolkate noa katha lạlạiye metade tahẽkana, “Dela beretʼpe, Edom upạrte lạṛhại lạgitʼ bon oḍok calakʼa.”

Jeheskel 26:2

“E manwa hopon, Jerusalem babotre Tur do kusikateye menakada, ‘bhagege hoyakana, jạt jạtrenkoakʼ phaṭok duạr do rạputʼ akana ar ona reakʼ silpińko do jhicʼakana; iń doń purunokʼa, ente nagraha do jarkharena.’

Jeheskel 25:8

Probhu Isore menkeda, “Moab ar Seyir dokin meneda, ‘ńelpe, Jihudạren hoṛko do eṭakʼ jạtrenko lekageko hoyakana.’

Jeheskel 25:6

Ape do Israel disạm reakʼ dosa ńeltepe thayoleda, arpe enecʼlena ar monre hiskạ iạtepe rạskạlena.

Jirimiạ 49:12

Probhu Isore meneda, “Okoe sạjại ńam reakʼ lekko baṅkan, ar sạjại reakʼ bạṭire ńũnũige lagaoae enḍekhan cedakʼ begor sạjạite dom tahena? Am do ona bạṭire ńũkate sạjại jojom hoyokʼtama.

Sosolhayic̕ 11:9

E juạn, amakʼ juạn oktere hulạsokʼme, juạn umer reakʼ dinkore amakʼ ontor do ame rạskạ ocomema. Amakʼ monejoṅ leka horte taṛamme ar amakʼ mẽtʼre oka bhageakʼkan ona kạmime, menkhan baḍae dohokakʼme, niạko lạgitʼ Isor do ame bicạrmea.

2 Bõsbudạ 28:19

Ahas raj iạte Probhu Isor do Jihudại copotʼ ocokeda, ente Ahas do Jihudạre bạṛicʼakʼoe ḍher ocokeda ar Probhu Isor sãote hõ bepạtiạranicʼe tahẽkana.

Genesis 36:28

Ar Disonren hoponkin do Us ar Aran.

Habakkuk 2:16

Am do manot bodolte lajaotem perejokʼa. Ar ńitokʼ do amakʼ pạlikana. Am do bubulakʼ ńũkatem konḍa manḍekʼ kana. Probhu Isorakʼ jojomti reakʼ edrete perecʼ bạṭi do am secʼge hijukʼkana; ar bemanotakʼte amakʼ manot do dapal esedokʼa.

Jirimiạ 49:7

Edom babotre phạdkoren Probhu Isore meneda, “Temanre ạkil do cetʼ bạnukʼa? Budanko ṭhen khon cetʼ sopolha do caba akana? Onkoakʼ ạkil do cetʼ heṛ akantakoa?