Rak̕joṅ 4:20 - সান্তালী বাইবেল

²⁰ Aboakʼ mũ reakʼ sahẽtʼ Probhuren ojokʼicʼ do, onkoakʼ khạnreye sapʼ ocolena; menkhan abo dobon hudisokʼkan tahẽkana uniyakʼ umulre jạt jạtrenko talare bon girobasokʼa.

Rak̕joṅ 4:20 Referans Kwoze

Jeheskel 12:13

Iń do uni lạgitʼ jhạliń oḍaoa ar uni do ińakʼ pạsireye sabokʼa. Ar uni do Babelrenkoakʼ disạmteń idiyea, menkhan ona do bae ńela; uni do onḍegeye gujukʼa.

Jirimiạ 39:5

Menkhan Babelren lạṛhại phạdko do onkoko khudạu idiketʼkote Jerikho reakʼ bilạn ṭạnḍire Sedekiạko sapʼ tiyokʼkedea. Arko sapʼkede khan Hamat disạm reakʼ Riblare Babelren raj Nebukadnesar ṭhenko idikedea. Ar Nebukadnesar raj do uni sạjạiye reakʼe hukumkeda.

2 Samuel 19:21

Unre Seruya hopon Abisae menkeda, “Simai do Probhu Isorren ojokʼicʼ hoṛe sarapade tahẽkante cetʼ gocʼ ocokʼ lek doe baṅ kana?”

Genesis 2:7

Unre Probhu Isor do hasaren mitʼṭen herel manwae benaokedea ar mũreye oṅadete jiwiye aderadea. Onate manwa do jiwiyanicʼe hoyena.

Rak̕joṅ 2:9

Ona reakʼ phaṭok duạrko do otre danaṅ akana; huṛkạṛko doe rạputʼ giḍiakada. Uniren raj ar mukhiyạko do jạt jạtrenko talareko bondi ocoakana; ạn-ạri mente cetʼge bạnukʼa; uniren nạbiko do Probhu Isor ṭhen khon dorson do bako ńameda.

2 Samuel 1:21

E Gilboa reakʼ buruko, apere sisir ar jạṛi dakʼ do alo baṛe ńurokʼma, ape talare abal ot reakʼ anaj baṛgeko hõ alo baṛe tahenma; ente onḍege birbanṭa hoṛkoakʼ ḍhal do bemanotakʼ hoyakana, Sạulakʼ ḍhalre sunum ojokʼakʼ do ar baṅ hoyokʼa.

2 Samuel 1:14

Dạud do uniye metadea, “Probhu Isore ojokʼ bahal akade hoṛ goje lạgitʼ ti tultam do cetʼ thoṛa hõ bam botorlena?”

Jeheskel 17:18

Ente uni do bondobose rạputʼakada ar kiriại neṅghao akada. Uni tabere tahen reakʼe bondobosletʼre hõ noae kạmi akatʼte rehay do bae ńama.

Jirimiạ 52:8

Rajren sanam lạṛhại phạdko do acʼ ṭhen khonko begarente onko doko chirchạturena ar ona jokhecʼ Babelren lạṛhại phạdko do Sedekiạ rajko khudạu idikedea ar Jerikho reakʼ bilạn ṭạnḍireko sapʼ tiyokʼkedea.

2 Samuel 18:3

Menkhan hoṛko do uniko metadea, “Am do alom calakʼa. Ente alele dạṛle khan onko do celege bako hudislea. Ar aleren adha hoṛko gocʼlenre hõ bako monealea, menkhan am do gel hajar somanicʼ kanam. Am do ńitokʼ nagrahare tahẽkate alem goṛowale khan ạḍi bhage hoyokʼa.”

1 Samuel 26:16

Am do ṭhikakʼ bam kạmi akada. Jiwetʼ Probhu Isor ńutumteń metam kana, am ar amren hoṛko do gujukʼ lek kanape, ente aperen mạlik, okoe doe ojokʼ bahal ocoakan, uni do bạiriko khon bape horho akadea. Rajakʼ bohokʼ ṭhen oka borlom ar dakʼ bhajan tahẽkan onakin do okayena?”

1 Samuel 26:9

Dạud do uniye metadea, “Baṅa, uni do alom gojea. Probhu Isorren ojokʼicʼ cetanre hat lagaokate jãhãe do cetʼ bin dusạne tahẽ daṛekokʼa.?

1 Samuel 24:10

Teheń abenakʼ mẽtʼtege coṅ ben ńelketʼ, Probhu Isor do cetʼleka niạ danderre ạlińakʼ tireye soprotletʼ bena. Ar adomko do aben gocʼben lạgitʼko metatʼ liń tahẽkana, menkhan aben cetanre mãyã hecʼatʼ lińạ. Onate liń metatʼkoa ińren mạlik cetanre ti do ohoń rakapʼ daṛelea, ente uni do Probhu Isorren ojokʼicʼ kanae.

1 Samuel 24:6

Uni do acʼren hoṛkoe metatʼkoa, “Ińren kisạ̃ṛ upạrte, Probhu Isorren ojokʼ bahalicʼ upạrte tiyiń rakab tiń Probhu Isor do ona tishõ bae aṛakʼ akawạdińa, ente uni do Probhu Isorren ojokʼicʼ kanae.”

1 Samuel 16:6

Onkoko hecʼen khan Sạmuel do Eliabe ńelkede khan mon monteye menkeda khạṭige Probhu Isorren ojokʼicʼ hoṛ do acʼ samaṅreye teṅgo akana.

1 Samuel 12:5

Sạmuel do onkoe metatʼkoa, “Teheń do Probhu Isor kangeae goha do, ar uniren ojokʼ bahal akan hoṛko hõ goha kanako, ape do iń ṭhen khon jãhãn jinisge bape ńamleda.” Unre hoṛkoko menkeda, “Uni kangeae goha do.”

1 Samuel 12:3

Iń do nonḍege minạńa; ar iń upạrte apeakʼ jãhãnakʼ roroṛteakʼ menakʼtape khan enḍekhan Probhu Isor ar uniren ojokʼ bahal akan hoṛko samaṅrege roṛpe. Ar goha emokʼpe, okoeren ḍaṅgra se gadha behok lekateń hatao akadea mente? Ar jãhãe ṭhen khon ghus hataokate mocań bond akatʼ tińạ mente? Noako reakʼ jãhãṭakʼgeń kạmi akatʼ khan tobe khan ona reakʼ khuti puruniń emokʼa.”

Genesis 44:30

“Ona iạte ńitokʼ amren golam ṭhen, metakʼme iń baba ṭheniń ruạṛ calaolen khan ar uniren hopon iń sãote bae ńel ńamle khan khạṭige uni doe gujukʼa, ente hopontetʼ tulucʼ uniyakʼ jiwi do tol akantaea. Ar nonkate amren golamko do akoren baba, metakʼme amren golam do ạḍi duk salakʼ patal purite calakʼ hoyokʼtaea.

2 Bõsbudạ 35:25

Josiạ lạgitʼ Jirimiạ do homor halaṅ sereńe joṛaokeda ar teheń hõ sanam gaenahako Josiạwakʼ homor sereńko sereńeda. Ar Israelko talare niạ do mitʼṭecʼ niạm lekage hoyena ar homor sereń reakʼ puthire hõ ona do ol hoyena.

Jirimiạ 52:9

Onko do Sedekiạko bondikedea ar Hamat disạm reakʼ Riblate Babelren raj ṭhenko idikedea ar onḍe do sạjạiye reakʼ hukumko emena.

Daniel 4:12

Ona reakʼ sakamko do ạḍi napae tahẽkana ar jo hõ ạḍi ḍher tahẽkana ar ona khon sanamkoge jomakʼko ńametʼ tahẽkana. Ona latarre do ṭạnḍiren janwarko ḍerakʼkan tahẽkana ar coṭren cẽṛẽko hõ ona reakʼ ḍạrkoreko tukạyetʼ tahẽkana; ar sanam jiwiyankoge ona khon jomakʼko ńametʼ tahẽkana.

Bikʼcạrko 9:15

Unre jạnumanakʼ dare do onkoe metatʼkoa, ‘Aperen raj mente sạrigepe teṅgoyiń khan enḍekhan dela hijukʼte ińakʼ umulre asray hataope. Ar bape onkae khan enḍekhan jạnum jhạuạ khon seṅgel oḍok hijukʼte Lebanon reakʼ debdạru darekoe joma.’

Jesaea 32:2

Onkoren mimitʼko do birbão hoe khon okokʼ jaega ar hoe dakʼ khon danaṅokʼ jaegako hoyokʼa, ar khaṅgoṭ jaegare do ạtukʼ dakʼ lekako hoyokʼa, ar loraokʼkan disạmre do mitʼṭecʼ dhiri reakʼ umul lekankoge.

Jeheskel 31:17

Ar okoe uniyakʼ umulreko girobasokʼ kan tahẽkan, metakʼme okoe do jạt jạtrenko talareko girobasokʼ kan tahẽkan onko do uni sãote Seolre laṛhạite gocʼ akan hoṛko ṭhenko pheḍ calaoena.

Hosea 13:10

Amren raj doe okayena one uni amakʼ sanam nagrahakoe rukhiyạ daṛeatam? Amren disạm cakʼlaoicʼ doe okayena one onko reaṅem menetʼ tahẽkan, ‘iń do raj ar disạm cakʼlaoko imạńme?’