Rak̕joṅ 4:13 - সান্তালী বাইবেল

¹³ Noa do uniren nạbikoakʼ ghạṭ iạte, ar uniren naekekoakʼ bedhorom iạte hoylena, ente onḍege onko do dhorom hoṛkoakʼ mãyãmko joroyetʼtako tahẽkana.

Rak̕joṅ 4:13 Referans Kwoze

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Jirimiạ 6:13

“Huḍińko khon hapṛakʼko hạbicʼ sanamkoge labko monejoṅ kana, nạbi ar naekeko hõ eṛeyakʼko kạmikana.

Mathae 23:31

Onate apnar upạrte gohape emeda je, ape do nạbikoko khũnletʼkoren hoponko kanape mente.

Rak̕joṅ 2:14

Amren nạbikoakʼ dorson do ạuṛiyakʼgea ar eṛeyakʼkana; amakʼ bondi dosa jemon sạṅgińokʼtam onate onko do amakʼ ghạṭko bako udukʼ akawatʼmea. Nạbi lekate okako lạiyakatʼ ona do eṛegea; ona do bhul horteye idiakatʼpea.

Aposkạmi 7:52

Nonkan jãhãe nạbi menakʼkoa, one okoe do aperen hapṛamko bako santao akatʼko? Se uni dhoromicʼ hoṛ, metakʼme Mạsiyakʼ hijukʼ reakʼ katha okoe doko lại lahaletʼ, onko hõko gocʼketʼkoa. Ar ńitokʼ ape do bạirikoakʼ tire Jisupe sapʼ ocokedete uni hõpe khũn ocokedea.

Jirimiạ 14:14

Unre Probhu Isor do ińe metadińạ, “Nạbiko do iń ńutumte eṛe kathako roṛakada. Onko do bạń kol akatʼkoa, ar bạń hukum akatʼkoa se onko ṭhen jãhãn kathage bạń roṛakada. Ape ṭhen onko do eṛe dorson, okaj sạgun ar akoakʼ monre benaoakʼ eṛe kathako roṛetʼkana.

Jirimiạ 2:20

“Ḍher din laharege am do amakʼ arãṛem rạputʼ giḍi akada ar amakʼ tonolem topakʼ akada; arem meneda, ‘am do bạń sapʼ sorama.’ Am do mimitʼ usul buru ar hạṛiạṛ dare buṭạkore kusumbi leka ombakʼkatem laṭghaṭetʼ kana.

Jirimiạ 2:30

Iń do ạuṛiyakʼgeń sạjại akatʼpea; ińakʼ cehaona do bape moneyada. Jom ukʼjạṛkan dhạcri kul leka apeakʼ tarwaṛe do aperen nạbikoe gocʼ akatʼkoa.

Jeheskel 11:6

ape do noa nagraharen ḍher hoṛpe gocʼ akatʼkoa ar onkoakʼ mạ̃ṛĩkote kulhipe perecʼ akada.’

Jeheskel 22:25

Ona disạmren nạbiko doko soṛojontrokana; onko do hạnḍrạukʼ kan dhạcri kul leka kanako. Onko do hoṛko jomkoa, dhon-durib ar damanakʼ jinisko hataoa ar disạm talare ḍher maejiuko rạnḍi ocokoa.