Rak̕joṅ 3:64 - সান্তালী বাইবেল

⁶⁴ E Probhu Isor, onkoakʼ kạmi leka baṛe kuṛại emakom.

Rak̕joṅ 3:64 Referans Kwoze

Sereńko 28:4

Okoakʼ kạmi reakʼ ar bạṛicʼ kạmi reakʼ kuṛại baṛe emakom; onkoakʼ tite okako kạmi akatʼ ona reakʼ kuṛại emakom; ar okaṭakʼ kuṛạiko ńam onage baṛe emkatakom

Jirimiạ 11:20

E phạdkoren Probhu Isor, dhoromtegem bicạreda, am do mon ar ontor reakʼem biḍạu aṭkareda, onate uni cetanre amakʼ halae reakʼ ńel ocowạńme, ente iń do am ṭhengeń lạlis akada.

2Timothi 4:14

Okoe Aleksander do tama reakʼe kạmikan uni do ińakʼ ạḍiye loksan akada. Uni okaṭakʼe ceka akatʼ ona do Probhu Isorgeye halawaema.

Johan sodor 18:6

Ar eṭakʼko tulucʼ cetʼ lekae beohar akatʼ onkage acʼ sãote hõ beoharpe; uniyakʼ kạmiko leka purạ puri kuṛại emaepe. Okaṭakʼ bạṭire uni do eṭakʼko lạgitʼ bạṛicʼakʼe mesaletʼ tahẽkan, onare uniyakʼ purạ sạjại mesalkate jom ocoyepe.

Johan sodor 6:10

Onko do ãṭ aṛaṅteko menkeda, “E sonoticʼ ar sạriyicʼ Probhu Isor, okoe doko noa dhạrtiren kan, onko bicạrko lạgitʼ ar aleakʼ mãyãm reakʼ hala ruạṛako lạgitʼ am do ar tinạkʼem biloma?”

Jirimiạ 50:29

Probhu Isore meneda, “Babelrenko birudre sanam dhinkiạko hoho jarwakope. Ona beṛhaete lạṛhại phạdkoakʼ ḍera benaope; okoehõ alope dạṛ ocokoa. Uniyakʼ kạmi reakʼ kuṛại ńam ocoyaepe. Uni okalekae ceka akatʼ ape hõ unire onkage kạmipe, ente uni do Probhu Isor upạrte, Israelren uni sonoticʼ upạrte apnarteye maraṅokʼ kana.

Jirimiạ 51:6

Ape do Babel khon dạṛjoṅpe. Ar apan ạpin jiwi rukhiyạitape. Uniyakʼ kại iạte alope maraokʼa. Probhu Isor do hala hạli reakʼ okte seṭer akantaea; uniyakʼ oka kuṛại ona doe ńamgea.

Jirimiạ 51:24

Probhu Isore meneda, “Babel ar Baelre tahenko Sionre oka behokakʼko kạmiakatʼ onko do apeakʼ mẽtʼ samaṅrege kuṛạiyiń emakoa.”

Jirimiạ 15:15

E Probhu Isor, am do jotowakʼgem bujhạu daṛeakʼkana; onate ińakʼ katha disạime ar ińakʼ moneyakʼme. Ińren jor julumko cetanre amge hala hạlime. Onko cetanre amakʼ sombhuri do ḍhergetama, menkhan onko tire do alom marao ocoyińạ; disạime, am iạte cetʼlekan ṭiṭkạriń sahao akada.

Jirimiạ 51:56

Babel upạrte jarkharkoko hijukʼa; uniren birbão hoṛ doko sapʼ ocokʼa ar onkoakʼ akʼ do rạpudokʼtakoa; ente Probhu Isor do hala hạliren Isor kanae; Babel reakʼ kuṛại do purạtegeye emaea.