Rak̕joṅ 3:57 - সান্তালী বাইবেল

⁵⁷ Amiń hohoatʼme tahẽkanre am do sorregem ńamena, Arem metadińạ, “Alom botorokʼa. ”

Rak̕joṅ 3:57 Referans Kwoze

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

Jakob 4:8

Isor ṭhen sorokʼpe, enḍekhan uni hõ ape ṭhene sorokʼa. E kạiyanko, ape do apnartege saphakʼpe. E bar monan hoṛko, apeakʼ ontor baṛe khạṭi dohoype.

Jesaea 58:9

Ar unre iń ṭhenpe koe lekhan iń doń ańjomtapea; ar goṛo ńam lạgitʼpe hohoạń khan doń mena, ‘nonḍege minạńa.’ “Ape ṭhen khon julumakʼ arãṛ, kạṭupʼte udukʼakʼ ar hiskạte perecʼ kathape bạgiyakʼ khan,

Johan sodor 2:10

Am do okako dukem jom lạgidokʼkan onate thoṛa hõ alom botorokʼa. Ańjomme, Soetan do ape modren adomko biḍạupe lạgitʼ hajotreye bhoraopea, ar gel din hạbicʼ ape do kosṭope joma. Am do gujukʼ hạbicʼ pạtiạr akae tahenme, enḍekhan jitạukʼ reakʼ mala leka jioniń emama.

Jesaea 41:14

E am tejo Jakob, alom botorokʼa; ińge amiń goṛowama. Iń Probhu Isor do amren babańcaoicʼ Israelren uni sonoticʼge niạ katha doń meneda.

Sereńko 145:18

Okoe Probhu Isorko hohowae, ar ontorteko hohowae kan, uni do onko ṭhengeye tahenkana.

Aposkạmi 27:24

‘E Pạul, alom botorokʼa. Am do Kạisạr samaṅre teṅgokʼ hoyokʼtama. Ar noa jahajre tinạkʼ do am sãoteko calakʼkan onko sanamkoakʼ jiwi Isor do dayateye dan akawatʼmea.’

Aposkạmi 18:9

Mitʼ din ńindạ jokhecʼ Probhu Isor do mitʼṭecʼ dorson hotete Pạul noa kathae metadea, “Alom botorokʼa, katha roṛ iditege tahenme, alom thir hapekokʼa;

Jirimiạ 1:17

“Am do ḍanḍa paṭhe keṭejokʼte teṅgokʼme ar okaṭakʼ roroṛ iń metam onko ṭhen ona lạime. Ar onko ńelte do alom torasokʼa, jemon onko samaṅre aloń toras ocome.

Sereńko 69:18

Am do iń ṭhen hecʼkate chaḍao ińme; ar chaḍaoińme, ente ińren do bạiri menakʼkoa.

Johan sodor 1:17

Uni ńelte iń do gocʼicʼ leka uniyakʼ jaṅga ṭheniń bhindạṛena. Unre uni do acʼakʼ jojomtite capokedińteye metadińạ, “Alom botorokʼa. Iń kangeạń pạhilicʼ ar mucạtʼicʼ do,

Genesis 26:24

Ar Probhu Isor do enhilokʼge uni ṭhen ńel ocoyenteye menkeda, “Iń do amren baba Abrahamren Isor kạnạń. Alom botorokʼa, ente iń do am sãote minạńa. Ińren guti Abraham lạgitʼge amiń bhorama ar amakʼ bõskoń saṅge ocoytama.”

Sereńko 138:3

Iń do tinreń hohowatʼmea unre am dom roṛ ruạṛạdińa; ińakʼ ontor reakʼ daṛete am do dilanicʼem hoyocokedińa.