Rak̕joṅ 3:56 - সান্তালী বাইবেল

⁵⁶ Ar ińakʼ nehõr joṅakʼem ańjomketʼtińạ, “Goṛo ńam lạgitʼ iń rakʼamre lutur do alom bond esetʼkatama. ”

Rak̕joṅ 3:56 Referans Kwoze

Sereńko 55:1

E Isor, ińakʼ koejoṅ luturakʼtińme; ińakʼ nehõrokʼre oko alom tahena.

Jobakʼ 34:28

Onkoakʼ santao iạte reṅgecʼ hoṛkoakʼ rakʼ do uni samaṅre seṭerokʼkana; uni do laṅgaṭkoakʼ rakʼ joṅakʼe ańjometʼtakoa.

Romiko lạgitʼ Pạul Apostolakʼ ciṭhi 8:26

Noa chaḍa aboakʼ nijortetʼre sonot Jiu doe goṛo abon kana. Ar cetʼ leka koejoṅ lek tabon ona do babon baḍaekana, menkhan oka roṛte baṅ sodorokʼ onkan kũhrạu tulucʼ sonot Jiu do acʼge abo lạgitʼe nehõrokʼ kana.

Jesaea 38:5

“Am do senkate Hiskiạm metaea, amren hapṛam Dạudren Probhu Isor do niạ kathae meneda, ‘amakʼ koejoṅiń ańjom akada ar amakʼ mẽtʼ dakʼ iń ńel akada; iń do amakʼ bahaokʼ din arhõ gelmõṛẽ bochor iń jutucʼatʼtama.

Sereńko 34:6

Nui nacaricʼ do Probhu Isore hohoadea; ar Probhu Isor do uniyakʼe ańjomketʼtaea ar sanamakʼ kosṭo khon uniye bańcaokedea.

Sereńko 66:19

Menkhan Isore ańjomakatʼtiń onare jãhãn bhul do bạnukʼ anaṅ; uni do ińakʼ koejoṅe lutur akawada.

Sereńko 3:4

Iń do ãṭ aṛaṅte Probhu Isoriń hohowae kana. Uni do acʼakʼ sonot buru khone roṛ ruạṛạńạ. (Sela)

2 Bõsbudạ 33:19

Uniyakʼ koejoṅ reakʼ katha, ar uniyakʼ nehõr joṅte Isorakʼ daya reakʼ katha, uniyakʼ sanam kại ar bepạtiạr reakʼ katha, Isor samaṅre ạuri nindhạnokʼre than boṭkocʼkoe benao ocoletʼ ar Asera muṭhạn ar lakʼ rokʼ akatʼko murtiko reakʼ joto katha do ńeńelkoakʼ puthire olakana.

2 Bõsbudạ 33:13

Uniyakʼ koejoṅ ańjomte Probhu Isor do daya hecʼadea ar uniyakʼ nehõr joṅakʼe ańjomketʼtaete Jerusalem ar uniyakʼ rajosṭiye ruạṛ ạguketʼtaea. Unre Manase doe bujhạukeda, Probhu kangeae Isor do.

Sereńko 5:2

E ińren raj, E ińren Isor, amakʼ goṛo lạgitʼ ińakʼ rakʼjoṅ ańjomtińme, ente am ṭhengeń koejoṅ kana.

Sereńko 5:3

E Probhu Isor, din hilokʼ setakʼre ińakʼ katham ańjometʼ kana setakʼre iń do am samaṅre ińakʼ koejoṅiń samaṅetʼ kana ar askateń ńel hohorkana.

Sereńko 55:2

Iń secʼ beṅgedme, ar roṛ ruạṛạńme; ińren bạirikoakʼ katha reakʼ biste ar bạṛicʼkoakʼ santao khạtirte laṅgateń chaṭ paṭaokʼ kana ariń kuhrạueda. Onkoakʼ bạṛicʼ kạmi hotete onko do iń cetanre muhinko ạguiyeda, ar edrete ińko santaoedińa.

Sereńko 55:18

Okaṭakʼ lạṛhại iń upạrte calakʼkan tahẽkan onare iń upạrtenkoakʼ do maraṅ dol tahẽkana, onate uni doe chaḍao ạgukedińa ar nirạiteye dohoakadińạ.

Daniel 9:17

“Ńitokʼ, E ińren Isor, amren gutiyakʼ koejoṅ ar nehõr ańjomme. E Probhu, amakʼ ńutum rukhiyại lạgitʼ ujạṛokʼkan amakʼ oṛakʼ secʼ amakʼ daya reakʼ mẽtãhã baṛe samaṅme.