Rak̕joṅ 3:39 - সান্তালী বাইবেল

³⁹ Mitʼṭen manwa do acʼakʼ kạiko reakʼ sạjại iạte cedakʼ ona iạte doe lạlisa?

Rak̕joṅ 3:39 Referans Kwoze

Mikạ 7:9

Ńitokʼ do Probhu Isorakʼ edrele asen baṛayetʼkana, ente ale do uni upạrtele kại akada, menkhan mucạtʼre uni doe ale sejokʼa ar aleakʼ ạidạriye teṅgoalea. Uni do marsalteye oḍok ạgulea ar ale do uniyakʼ dhorom reakʼ bicạrle ńela.

Kạhtukko 19:3

Manwa do apnarakʼ lelhatetʼge bạṛicʼ horteye idiyea, menkhan enhõ uniyakʼ ontor do Probhu Isor upạrte rakabokʼtaea.

Jirimiạ 30:15

Baḍaegeam ghao do baṅ besokʼtama menkhan hasote cedakʼem kikiạueda? Amakʼ aema bedhorom ar kại iạte iń do amre noań nonka akada.

Rak̕joṅ 3:22

Probhu Isorakʼ asambheṛ dulạṛ iạte bale marao akana, ente uniyakʼ daya do tishõ baṅ cabakʼtaea;

Jesaea 51:20

Amren hoponko doko jhin jhinạu akana; onko do kulhi mucạtʼre jhạlire sapʼakan jhaṅkaṛ jel lekako giticʼ akana. Onko cetanre Probhu Isorakʼ edre, amren Isorakʼ sạjại onkore paṛao akana.

Jobakʼ 11:6

ar ạkil reakʼ okoakʼkoe baḍae ocome, ente uni do ạḍi lekan bud menakʼtaea. Ar noa baḍaekakʼme amakʼ ghạṭ lekate Isor do sạjại do bae emama.

Esra 9:13

“Aleakʼ bạṛicʼ kạmi ar maraṅ ghạṭ iạtege ale cetanre niạko do hoyokʼkana, menkhan enhõ E aleren Isor, aleakʼ kại reakʼ kuṛại lekate am do thoṛagem sạjại akatʼlea ar aleren adomko hoṛ do jiwetʼem tahẽ ocoakatʼkoa.

2 Rapajko 6:32

Elisae do unre acʼakʼ oṛakʼreye duṛupʼ akan tahẽkana ar uni sãote murubbikoko tahẽkana. Raj do mitʼṭen hoṛ Elisae ṭhene kolkadea, menkhan uni hoṛ onḍe ạuriye seṭerokʼrege Elisae do murubbikoe metatʼkoa, “Ape do cetʼ uni khuniạhi do bape ńele kana okoe do ińakʼ bohokʼ makʼ ńur tiń lạgitʼ mitʼ hoṛe kolekana? Ńelpe, uni hoṛe hecʼlen khan duạrpe sińa ar alogepe jhicʼaea. Ar uni tayomte do uniren mạlikakʼ sabadge cetʼ baṅ ańjomokʼ kana?”

2 Rapajko 3:13

Elisae do Israelren raje metadea, “Am tulucʼ ińakʼ do cetʼ? Am do amren ạpum ar amren eṅgamren nạbiko ṭhen calakʼme.” Israelren raje roṛ ruạṛkeda, “Baṅa, bạń calakʼa, ente Moabakʼ tire jimạle lạgitʼ Isorge ale pepe rapajkoe jarwa mitʼ akatʼlea.”

Numeri 17:12

Noako ńelte Israelko do Moseko metadea, “Hae, ale dole gocʼena, arle maraoena, ar jotogele marao cabayena!

Numeri 11:11

Uni do Probhu Isore metadea, “Iń amren golam do cedakʼ muhinrem paṛaokedińa? Am bekusi ocome leka do cetʼ iń ceka akatʼte, noko hoṛkoakʼ bojha iń cetanrem ladeakawạdińa?

Levitikus 26:43

Ar jarkhar iạte akoakʼ disạmko bạgiyakʼ tayom onkoakʼ disạm do jirạukʼ bochor reakʼ suke joma. Onko do ińakʼ bicạrko nihạ̃t akatʼte ar ińakʼ ạn-ạriko hirkhạ akatʼte sạjạiko ńamgea.

Johan sodor 16:9

Unre ãṭ elaṅte hoṛko loyena, ar noako sạjại cetanre okoeyakʼ ektiạri menakʼtako onko do uni Isorko henostawadea. Menkhan onko do enrehõ mon bako ạcurleda ar Isor bako sabasiwadea.

Numeri 16:41

Inạ dosar hilokʼ Israel somajren sanamkoge Mose ar Aron upạrte karacʼ kurujokʼko ehopʼena arko menkeda, “Probhu Isorren hoṛ do abenge ben gocʼketʼkoa.”

Sereńko 107:17

Lelha hoṛ do akoakʼ pap reakʼ hor iạte, ar akoakʼ ghạṭ iạteko sasetokʼkana.

2 Rapajko 6:33

Elisae do unhõ kathae roroṛ kan tahẽkana un jokhecʼ uni hoṛ doe hecʼena. Ona tayom raj do hecʼkateye menkeda, “Noa muhin do Probhu Isor ṭhen khonge hecʼakana. Enḍekhan Probhu Isor lạgitʼ do cedakʼ iń biloma?”

Jobakʼ 15:13

Nonkate am do Isor upạrtem raṅgaokʼkana onako katha do amakʼ moca khonem oḍoketʼa.

Jirimiạ 10:19

Hae, ińakʼ jokhom do! One okaṭakʼ do baṅ bogekʼtiń! Enhõ nijạteń menjoṅkana, “Noa do ińakʼ rog kana, noa do sahaotege hoyokʼtińạ.”