Rak̕joṅ 3:1 - সান্তালী বাইবেল

¹ Iń doń uni hoṛ kana, okoe do Probhu Isorakʼ edre reakʼ sạjạiye ńamakatʼ.

Rak̕joṅ 3:1 Referans Kwoze

Sereńko 88:7

Amakʼ edre do iń cetanre menakʼa; amakʼ sanam edre reakʼ ḍheote am do ińem tạpukʼ edeńkana. (Sela)

Jobakʼ 19:21

E ińren gateko, ińakʼ dukren sãotenko hoyokʼpe, ente Isorakʼ ti doe ghạl akadińạ.

Jirimiạ 38:6

Unre onko do Jirimiạko sapʼkedea ar rajren hopon Malkiạwakʼ kuńreko bhoraokedea. Noa kuń do pahradarkoakʼ raca talarege tahẽkana. Ar Jirimiạ do baberte tolkate ona kuńreko pheḍkadea. Ona kuńre dakʼ do baṅ, menkhan eken losotʼge tahẽkana; ar Jirimiạ do ona losotʼreye unumokʼkan tahẽkana.

Jesaea 53:3

Hoṛko do uniko hirkhạwadea arko nihạ̃tkedea; uni do duk jom ar harkhet saset bakʼḍayicʼgeye tahẽkana. Uni ńelte hoṛko do mẽtʼãhãko bedokʼkan tahẽkana; onko do uniko hirkhạwae kan tahẽkana ar abo hõ babon manotledea.

Sereńko 71:20

Am do iń cetanre ạḍi kosṭo ar muhinem ạguakada, enhõ ińakʼ jiwi do arhõm jiwetʼ ruạṛtińạ; hasa latar khon rakapʼ ạguakatʼ leka am do arhõm rakapʼ ruạṛińa.

Jirimiạ 43:6

Noko do onko herel hoṛko, maejiuko, gidrạko ar rajren hoponerako tahẽkana, one Babel rajren rurukhiyạ dolren subedar Nebusaradan do Gedaliạwakʼ tire onkoe doho oṭoletʼko tahẽkan. Noko sãote Jirimiạ nạbi ar Baruk hõe tahẽkana.

Sereńko 102:11

Ińakʼ dinko do ạyupʼ bela reakʼ umul leka hoyakana; ar ghãs lekageń rohoṛokʼ kana.

Jirimiạ 8:21

Ińren hoṛko lạbṛukʼente iń hõń lạbṛukʼ akana; iń doń homor halaṅetʼkana ar bạṛicʼ botor sapʼakadińạ.