Rak̕joṅ 2:22 - সান্তালী বাইবেল

²² Porob reakʼ dinre cetʼ leka hoṛkom jarwako onkage iń beṛhaete aema lekan botorakʼkom jarwa akada. Probhu Isorakʼ edre hilokʼ do cele hõ bako paskaokʼa ar celehõ bako sarejokʼa; iń do okoe joton ariń ạsul haraletʼko ińren bạiri do onkogeko marao akatʼkoa.

Rak̕joṅ 2:22 Referans Kwoze

Jirimiạ 6:25

Nagraha bahrete alope oḍok calakʼa se kulhikore hõ alope dãṛãna, ente bạirikoakʼ tire do tarwaṛe menakʼa ar goṭage bạṛicʼ botor menakʼa.

Sereńko 31:13

Iń reaṅ ạḍi hoṛko oktayetʼkan ona hõń ańjometʼgea, iń beṛhaete do botorge menakʼa. Onko do iń upạrte mitʼ sãoteko solha joṅkana, ar gojeń lạgitʼko soṛojontro kana.

Jirimiạ 46:5

“Iń do cetʼ iạte noakoń ńeleda? Onko do botor caṛhao akatʼkoa, arko pạcakana, onkoren lạṛhại bir doko bhagao ocoyena. Onko do tayom secʼ beṅgetʼ ruạṛ baṅkate am ińko dạṛjoṅkana, ente beṛhaetege toras do menakʼa.

Jirimiạ 20:3

Ona dosar hilokʼ Pashur do ona hạṛipaṭa khon Jirimiại raṛakedea. Unre Jirimiạ do uniye metadea, “Probhu Isore em akatʼme amakʼ ńutum Pashur do baṅ bickom Magor-Misabibge hoyokʼa (mane do ‘beṛhaeten botoric’),

Dosar Biboron 28:18

“Ape hõ Sarapankope hoyokʼte apeakʼ gharońjre hopon ar hoponerako hõko komaokʼa, khetre phosol hõ komaokʼa, mĩhũ-meromko ar bhiḍiko hõ komgeko hoponokʼtapea.

Jesaea 28:19

Ar tinạkʼ dhao ona pheḍ hijukʼa unạkʼ dhaogepe dal ocokʼa; aṅga marsalokʼ khon setakʼ hạbicʼ, siń ar ńindạ ona do kajakte pheḍ hijukʼa. Niạ kathape bujhạule khan torasge hoyokʼtapea.”

Jirimiạ 11:11

Onatege iń Probhu Isor doń meneda, onko cetanre nonkan muhiniń paṛao ocoya one ona khon do bako ńir bańcao daṛeakʼa. Onko do iń ṭhenko ragre hõ onkoakʼ katha do bạń ańjomtakoa.

Jirimiạ 44:7

“Ńitokʼ iń do Israelren phạdkoren Probhu Isoriń meneda, cedakʼ apnarte nunạkʼ bạṛicʼakʼ dope kạmikana? Ape do herelko, maejiuko, ńir keṭecʼ gidrạko, nunu gidrạko Jihudạ khonpe oḍok ạguketʼkote apnartege onkope maraoetʼkoa.

2 Bõsbudạ 36:17

Onko upạrte Probhu Isor do Babelren raje ạgukedea. Uni raj do mundil oṛakʼre onkoren juạnkoe gocʼketʼkoa, uni do juạn kuṛi ar koṛako, haṛamko se umerte laha akanko okoege bae mãyãwatʼkoa. Isor do onko sanamkoge uni rajakʼ tireye jimạkatʼkoa.

Jirimiạ 14:19

E Probhu Isor, Jihudạ do cetʼem nihạ̃t giḍikakʼa? Ar Sion hõ cetʼem hirkhạwakʼ kana? Cetʼ iạte nonka dom kosṭo ocoyetʼlea, ale do cekate bale boge daṛeakʼ kana? Suluk reakʼle aslena menkhan jãhãn bhạlạige baṅ hecʼatʼlea, bogekʼ lạgitʼle aslena menkhan bạṛicʼ botorge alere paṛaoena.

Jirimiạ 21:7

Ona tayom iń do mahamạri, lạṛhại ar akal khon bańcao tahen Jihudạren Sedekiạ raj, uniren rajkạmiyạko ar niạ nagraharen sanam hoṛ do Babelren raj Nebukadnesar rajakʼ tire ar okoe onkoakʼ gujukʼko khojkan onko bạirikoakʼ tireń soprotkoa. Nebukadnesar do onkoe gocʼkoa; uni do jãhãn daya ar mãyãge onkore bae dohoya. Iń Probhu Isorge noa katha doń meneda.’ ”