Rak̕joṅ 2:20 - সান্তালী বাইবেল

²⁰ E Probhu Isor, ma beṅgedme, ar hudisme, am do okoe cetanrehõ nonka do bam beohar akada? Maejiuko do cetʼ akoren hoponko jomkoa one onkoko joton harayetʼko? Probhu Isorakʼ sonot ṭhạ̃ire do cetʼ naekeko ar nạbikoko gocʼ ocokʼa?

Rak̕joṅ 2:20 Referans Kwoze

Rak̕joṅ 4:10

Mãyãwan maejiuko do akoakʼ tite akoren hoponko teke isinetʼkoa. Ińren hoṛkoren hoporeawakʼ jarkharokʼre akoren hoponge onkoren jomakʼko hoylentakoa.

Jirimiạ 19:9

Onkoren bạiriko, metakʼme onkoakʼ jiwi sendrako do tinre onkoko gherao esetʼkoa un reakʼ ona kosṭokʼ oktere iń do onkoren hopon ar hoponerakoakʼ jeliń jom ocokoa ar mitʼke mitʼ hoṛ do ako aḍepaseren hoṛkoakʼ jelko joma.’

Sereńko 78:64

Tarwaṛete onkoren ạyurko doe gocʼketʼkoa; ar onkoren rạnḍi maejiuko do ar bako homor halaṅ daṛeada.

Rak̕joṅ 4:13

Noa do uniren nạbikoakʼ ghạṭ iạte, ar uniren naekekoakʼ bedhorom iạte hoylena, ente onḍege onko do dhorom hoṛkoakʼ mãyãmko joroyetʼtako tahẽkana.

Dosar Biboron 9:26

Ar uni ṭhen noa menkateń koeleda, ‘E Probhu Isor am do amren hoṛko alom marao giḍikoa. Ente onko do amren hoṛ kangeako ar amge amakʼ maraṅ daṛetem chaḍao akatʼkoa ar amakʼ daṛeanakʼ tite Misor khonem oḍok ạgu akatʼkoa.

Exodus 32:11

Unre Mose do acʼren Probhu Isor ṭhen nehõrenteye menkeda, “E Probhu Isor, amakʼ daṛeanakʼ ti tiạrkate okoe do amakʼ maraṅ daṛete Misor disạm khonem oḍok ạguakatʼko onko amren hoṛko cetanre cedakʼ nunạkʼ dom edrekʼ kana?

Jeheskel 5:10

Ona iạte am talaren apatko do akoren gidrạkoakʼ jelko joma ar gidrạko do akoren apatkoakʼ jelko joma. Iń do amiń sạjạimea ar amre sarecʼ jiwetʼ tahen hoṛ do beṛhaeteń chirchạturkoa.

Rak̕joṅ 4:16

Probhu Isorge onko doe chirchạtur akatʼkoa; onko do ar bae moneyako kana. Hoṛko do naekeko bako manotetʼkoa, ar murubbiko hõ bako mãyãwako kana.

Rak̕joṅ 1:19

Ińren dulạṛiạkoń hohoatʼkoa menkhan onko doko eṛekedińa. Ińren naekeko ar murubbiko do apnar jiwetʼ tahen lạgitʼ jomakʼ sendra sendrate nagraha talaregeko ses utạrena.

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Levitikus 26:29

Unre reṅgecʼte aperen gidrạkoakʼ jelpe joma.

Jesaea 22:2

E gulmalte perecʼ nagraha, E kạumạu ar andoṛetʼkan nagraha, amren gocʼ hoṛko ma tarwaṛete se lạṛhạite ma bacoko gocʼ akan.

2 Bõsbudạ 36:17

Onko upạrte Probhu Isor do Babelren raje ạgukedea. Uni raj do mundil oṛakʼre onkoren juạnkoe gocʼketʼkoa, uni do juạn kuṛi ar koṛako, haṛamko se umerte laha akanko okoege bae mãyãwatʼkoa. Isor do onko sanamkoge uni rajakʼ tireye jimạkatʼkoa.

Jirimiạ 21:7

Ona tayom iń do mahamạri, lạṛhại ar akal khon bańcao tahen Jihudạren Sedekiạ raj, uniren rajkạmiyạko ar niạ nagraharen sanam hoṛ do Babelren raj Nebukadnesar rajakʼ tire ar okoe onkoakʼ gujukʼko khojkan onko bạirikoakʼ tireń soprotkoa. Nebukadnesar do onkoe gocʼkoa; uni do jãhãn daya ar mãyãge onkore bae dohoya. Iń Probhu Isorge noa katha doń meneda.’ ”

Jeheskel 9:7

Ona tayom Isor do onkoe metatʼkoa, “Gocʼ hoṛkote bakher raca perejpe ar mundil do bhonḍpe. Do calakʼpe, ar kạmipe.” Onate onko doko oḍokente nagrahate senkate hoṛ gogocʼko ehopʼena.