Rak̕joṅ 2:19 - সান্তালী বাইবেল

¹⁹ Beretʼme, ar ńindạ reakʼ mimitʼ oktere ragme; Probhu Isor samaṅre amakʼ mon do dakʼ leka dul oḍoktam. Amren gidrạko okoe do reṅgecʼte kulhi reakʼ dobạṭiạkore acetko giticʼ akan, onkoakʼ jiwi bańcao lạgitʼ uni ńutumte amakʼ ti tultam.

Rak̕joṅ 2:19 Referans Kwoze

Sereńko 62:8

E ińren hoṛko, Isorge ińren hirlạ; ape do jaoge unire bhorsa akan tahenpe, uni ṭhen apeakʼ ontor dul tape. (Sela)

Jesaea 26:9

Ińakʼ jiwi do ńindạ am lạgitʼe rakʼeda. ińren jiu do am lạgitʼe ahkaokʼ kana. Dhạrtire amakʼ hok bicạr hecʼlenre prithimiren hoṛ do dhorom reakʼ cecetʼakʼ ko ńama.

Sereńko 142:2

Ar duk reakʼ katha do uni samaṅreń phuṭạueda, ar ińakʼ kosṭo reakʼ katha hõ uni samaṅreń lạiyeda.

Mark 1:35

Dosar hilokʼ setakʼ ńut tahẽkanrege Jisu doe beretʼena ar oṛakʼ bạgikate mitʼṭecʼ nisun jaegare senkate koejoṅe ehopʼena.

1 Samuel 1:15

Hanna doe roṛ ruạṛkeda, “E ińren Baba, ona do baṅa. Iń do mitʼṭen dukhi hoṛ kạnạń; iń do darkha rasa hõ bạń ńũ akada, ar bubulakʼ hõ bạń ńũ akada. Iń do Probhu Isor samaṅre ińakʼ ontorgeń duletʼtiń tahẽkana.

Sereńko 141:2

Ińakʼ koejoṅ do am samaṅre dhup leka bujhạukʼma, ińakʼ ti kin reakʼ ataṅ do ạyupʼ reakʼ samaṅokʼakʼ leka ente iń do am samaṅre hạjirgeń tahen kana.

Bikʼcạrko 7:19

Ar Midiạnrenko do tala ńindạ horhokoko bodolokʼkan tahẽkanre Gideon ar uni sãoten mitʼsae hoṛ do ḍera ṭhenko seṭerena. Onko do akaoakʼ sakwako oroṅketʼte ti reakʼ kanḍako rạputʼketʼtakoa.

Sereńko 42:8

Sińre Probhu Isor do acʼakʼ asambheṛ dulạṛ ińreye duleda; ar ńindạ do jionren Isor ṭhen ińakʼ koejoṅ ar uniyakʼ sarhao sereńge ińren gate doe hoyokʼkana.

Luk 6:12

Inạ tayom Jisu do koejoṅ lạgitʼ mitʼṭecʼ buruteye rakapʼ calaoena ar goṭa ńindạ Isor ṭhene koe aṅgakeda.

Mark 13:35

“Ape hõ onkage jagwar akae tahenpe, ente oṛakʼren mạlik baṅ do ạyupʼ, baṅ do tala ńindạ, baṅ do simrakʼ okte, baṅ do setakʼ jokhecʼe hijukʼkan ona do bape baḍaea.

Mathae 14:25

Ado maraṅ sim rakʼ okte Jisu do doreão cetan cetante taṛamate celako ṭhene hijukʼkan tahẽkana.

Sereńko 119:55

E Probhu Isor, iń do amakʼ hukumiń manaoeda, ar ńindạ do amakʼ kathań disạyeda. Ińakʼ heowa do noage je,

Sereńko 28:2

Goṛo ńam lạgitʼ amiń hohowamre ar amakʼ sonot ṭhạ̃i secʼ tiyiń rakabtińre ińakʼ nehõr joṅakʼ baṛe ańjomtińme.

Jesaea 51:20

Amren hoponko doko jhin jhinạu akana; onko do kulhi mucạtʼre jhạlire sapʼakan jhaṅkaṛ jel lekako giticʼ akana. Onko cetanre Probhu Isorakʼ edre, amren Isorakʼ sạjại onkore paṛao akana.

1Timothi 2:8

Ińakʼ monejoṅakʼ do noage, herel hopon do sanam jaegare edre se jhogṛa baṅkate sapha monte sonot ti tulkate jemonko koejoṅ.

Jeheskel 5:16

Am maraome lạgitʼge am cetanre akal reakʼ botoranakʼ sariń aṛaga. Iń do am cetanre ona akal arhõń ḍher ocoya ar amakʼ jomakʼ reakʼ jogaṛ hõń bond ocoya.

Jeheskel 5:10

Ona iạte am talaren apatko do akoren gidrạkoakʼ jelko joma ar gidrạko do akoren apatkoakʼ jelko joma. Iń do amiń sạjạimea ar amre sarecʼ jiwetʼ tahen hoṛ do beṛhaeteń chirchạturkoa.

Sereńko 134:2

Sonotakʼ ṭhạ̃i secʼ ti tultape ar Probhu Isor sarhao sereńaepe.

Sereńko 63:4

Iń do jiwetʼ tahen bhor amiń sarhaomea; ar am ṭhen iń do ti tulkateń koejoṅa.

Jobakʼ 3:24

Ińakʼ kuhrạuge ińakʼ jomakʼ do hoyakana, ar ińakʼ geraṅ do gaḍa dakʼ leka bhumbukokʼ kana.

1 Samuel 7:6

Onate onko joto do Mispareko jarwayena. Onko do dakʼ lo rakapʼkate Probhu Isor samaṅreko dulkeda ar enhilokʼ onḍe upạskateko menkeda, “Ale do Probhu Isor upạrtele kại akada.” Samuel do Mispa khon Israelkoakʼe bicạretʼkan tahẽkana.

Nạhum 3:10

Enhõ uniren hoṛko do bondikate eṭakʼ disạmteko idi ocolena. Mitʼke mitʼ dobạṭiạkore uniren gidrạ doko tawakʼ gocʼ ocolena. Uniren manotan hoṛko do gulibãṭkate sikṛite tolkateko bondi idi ocolena.

Sereńko 42:3

Ińakʼ mẽtʼ dakʼ do ińakʼ din hilokʼ reakʼ jomakʼ hoyakantińạ; ar hoṛ hõko mitạń kana, “Okayenae amren Isor do?”

Sereńko 42:4

Iń do rakʼ rakʼte tinreń andesalekʼ kana, unre disạ hecʼạń kana ḍher porobko manaoetʼkan hoṛko tulucʼ rạskạ ar sarhao sereńate iń do Isorakʼ oṛakʼteń calakʼkan tahẽkana.

Sereńko 142:3

Ińre ińakʼ jiwi loraokʼkanre amge ińakʼ jion reakʼ horem baḍayetʼtińạ; ar ińakʼ calakʼ horre hoṛko do hape hapete pạsiko oḍaoeda.

Jirimiạ 9:20

Ńitokʼ do E Maejiuko, Probhu Isorakʼ katha ańjompe; uniyakʼ moca reakʼ katha ańjom lạgitʼ lutur jhijtape. Ar aperen hoponerako jare jarekʼ cetʼakope ar eṭakʼko do homor halaṅ reakʼ sereń cetʼakope.

Jirimiạ 14:18

Bahreteń oḍok calakʼkan khan iń do mạ̃ṛĩkoń ńeleda; ar nagrahateń bolokʼkan khan do akalte kosṭokʼkan hoṛkoń ńeletʼkoa. Naeke ar nạbiko do nonkan disạmreko dãṛãbaṛae kana one ona reaṅ cetʼge bako baḍaekan.’ ”

Mikạ 1:16

Okoe do hopon ar hoponerako iạtepe rạskạkʼkan tahẽkan onko lạgitʼ homor halaṅ iạte bohokʼ hoyo poṭorokʼpe; gidi bohokʼ leka apeakʼ bohokʼ do ceḍeytape, ente onko do bondikate ape khon sạṅgińteko idi ocokʼa.