Rak̕joṅ 2:13 - সান্তালী বাইবেল

¹³ E Jerusalemren hoponera, iń do cetʼ katha roṛkateń am sejokʼa? Am do cetʼ sãoteń jurikema? E Sion kuạ̃ri kuṛi, jiwi raṛejtam lạgitʼ cetʼ tulucʼ iń somankema? Amakʼ ghạl do doreão leka maraṅgea; okoe am doe boge daṛekema?

Rak̕joṅ 2:13 Referans Kwoze

Rak̕joṅ 1:12

Ape okoe do iń aṛetepe parom calakʼkan ape do cetʼ jãhãnakʼge baṅ cekakʼ kantapea? Ạribạndhipe ar ńelpe. Iń cetʼ lekań harkhet sasetʼ ocokʼkan onka do cetʼ jãhãeko harkhet ocoakana, okaṭakʼ Probhu Isor do acʼakʼ jolokʼkan edre hilokʼe emakawạdiń?

Jirimiạ 14:17

“Am do hoṛko noa katham metakoa, ‘siń ńindạ ińakʼ mẽtʼ khon mẽtʼ dakʼ jorokʼma, ente iń jạtren kũạri kuṛiko do ạḍiko ghạl akana.

Jirimiạ 8:22

Gileadre cetʼ molom do bạnukʼa? Onḍe do cetʼ cele ḍaktarge bạnukʼkoa? Enḍekhan iń jạtren hoponerawakʼ hoṛmo do cedakʼ baṅ bogekʼkana?

2 Samuel 5:20

Unre Dạud do Bakʼal Perasimteye senena ar onḍe Philisṭikoe bhagaoketʼkoa. Uniye menkeda, “Probhu Isor do ińren bạiriko iń samaṅ khone phoṛ idiketʼkoa ḍubạ dakʼ phoṛokʼ lekage.” Ona iạte ona jaega reakʼ ńutum do Bakʼal Perasimko dohokeda.

Daniel 9:12

Ale ar aleren disạm cakʼlaoko upạrte okaṭakʼ katham roṛakatʼ ona purạu lạgitʼ am do ale cetanre maraṅ muskilem ạguakada. Jerusalem cetanre oka hoyakan onka do dhạrti reakʼ ar okare hõ baṅ hoyakana.

Jesaea 37:22

Uni upạrte Probhu Isore meneda, ‘kũạri kuṛi Sion am doko nisṛạumea arko landa-dhutʼama. Jerusalemren hoṛko do am tayomre bohokʼko rukuitakoa.

Sereńko 60:2

Am do dhạrtim daldalao ocoyeda, arem paṛakʼ ocoyeda; am do ona paṛakʼko bondme, ente disạm do ḍikạ ḍakekʼ kana.

2 Rapajko 19:21

Uni upạrte Probhu Isore meneda, ‘Kũạri kuṛi Sion am doko nisṛạumea arko landa-dhutʼama. Jerusalemren hoṛko do am tayomre bohokʼko rukuya.

Jirimiạ 9:18

Onko do usạra hecʼkate abo ńutumteko jare jarekʼ ma jemon aboakʼ mẽtʼ dakʼ hiḍir hiḍir jorokʼtabon.

Jirimiạ 14:19

E Probhu Isor, Jihudạ do cetʼem nihạ̃t giḍikakʼa? Ar Sion hõ cetʼem hirkhạwakʼ kana? Cetʼ iạte nonka dom kosṭo ocoyetʼlea, ale do cekate bale boge daṛeakʼ kana? Suluk reakʼle aslena menkhan jãhãn bhạlạige baṅ hecʼatʼlea, bogekʼ lạgitʼle aslena menkhan bạṛicʼ botorge alere paṛaoena.

Jeheskel 32:31

“Pharao do onkoe ńẽtʼkoa ar acʼren sanam phạdko ńutumte jiwiye raṛejtaea. Pharao ar uniren sanam lạṛhại phạdko do tarwaṛeteko ńẽtʼena, Probhu Isore meneda.