Rak̕joṅ 2:11 - সান্তালী বাইবেল

¹¹ Rakʼ rakʼte ińakʼ mẽtʼ do dhundentińạ, ińakʼ jiwi do ṭolmolaokʼ kantińạ; iń jạtren hoponerae nosṭoyen iạte nagraha reakʼ kulhikore ńir keṭecʼ gidrạ ar nunukoko loraokʼkan iạte ińakʼ ontor do bhabnate suḍrạu oḍokentińạ.

Rak̕joṅ 2:11 Referans Kwoze

Rak̕joṅ 1:20

E Probhu Isor, ńelme, tinạkʼ iń kosṭokʼ kana! Iń bhitrire hõń sasetokʼ kana. Ińakʼ ontor do torasokʼ kantińạ, ente iń do huhulicʼ iń hoyakana. Nagraha bahrere do tarwaṛe jiwiye hataoeda, ar bhitrire do eken gujukʼge menakʼa.

Rak̕joṅ 1:16

Onatege iń doń rakʼeda, ińakʼ mẽtʼdakʼ do jorokʼ kantińạ. Jiwi raṛejtiń lạgitʼ do celege bạnukʼkoa, ar jiwi cerṭha ocoytiń lạgitʼ hõ bạnukʼkoa. Ińren gidrạko do ujạṛgeko hoyakana, ente bạiriko doko jitạuena. ”

Jobakʼ 16:13

Uniren dhinkiạko do ińko esetʼ ạcur akadińạ; kurmutạha leka ińakʼ kunḍikoe paṛakʼ akatʼtińạ ar ińakʼ haṛhatʼ sisir do otreye giḍikatʼtińạ.

Jirimiạ 4:19

Hae, ińakʼ mon do, ińakʼ ontor do! Iń doń khadbadaokʼ kana. Hae, ińakʼ ontor, iń doń dhak dhakaokʼ kana. Iń do hape akan bạń tahẽdaṛeakʼ kana, ente sakwa reakʼ saḍe ar lạṛhại reakʼ sabadiń ańjomakada.

Jesaea 22:4

Ona iạteń menkeda, “Iń ṭhen khon calakʼpe; ar hũk hũk rakʼ ocowạńpe. Ińren hoṛko marao akante jiwi raṛecʼtiń lạgitʼ do alope kurumuṭuiya.”

Sereńko 22:14

Iń do dakʼ lekań dul giḍi ocoakana, ińakʼ sanam jaṅ reakʼ joṛaoko do chaḍao akantińạ, ińakʼ ontor do mom leka hoyakante iń bhitrirege cher lambao idikʼkana.

Sereńko 6:7

Duk iạte ńeńel reakʼ daṛe hõ komao akantińạ; ar bạiriko iạte ińakʼ mẽtʼ do nijor caba akantińạ.

Luk 23:29

ente nonkan din daraekana unre hoṛkoko mena, ‘bhạgangeako bạńjhiko ar baṅ janam akatʼko kukhiko ar baṅ nunu akawatʼko toako do.’

Jirimiạ 44:7

“Ńitokʼ iń do Israelren phạdkoren Probhu Isoriń meneda, cedakʼ apnarte nunạkʼ bạṛicʼakʼ dope kạmikana? Ape do herelko, maejiuko, ńir keṭecʼ gidrạko, nunu gidrạko Jihudạ khonpe oḍok ạguketʼkote apnartege onkope maraoetʼkoa.

Jirimiạ 14:17

“Am do hoṛko noa katham metakoa, ‘siń ńindạ ińakʼ mẽtʼ khon mẽtʼ dakʼ jorokʼma, ente iń jạtren kũạri kuṛiko do ạḍiko ghạl akana.

Jirimiạ 8:19

Sạṅgiń disạm khon ińren hoṛko do noa rakʼko ańjommeda, “Probhu Isor do cetʼ Sionre bạnuiya? Uniren raj do cetʼ onḍe do bạnuiya?” Probhu Isore roṛ ruạṛkeda, “Onko do onkoren sanam boṅga muṭhạnko ar onkoren eṛe boṅgakote cedakʼko ạṛis ocoyediń kana?”

Sereńko 69:3

Hoho hohote iń doń laṅga cabayena, ar ińakʼ nạnḍri hõ rohoṛena; ińren Isor lạgitʼ koyokʼ horte ińakʼ mẽtʼ hõ dhund cabayentińạ.

Sereńko 31:9

E Probhu Isor, dayawạńme baṛe, ente iń do kosṭore minạńa; dukte ińakʼ mẽtʼ ar hoṛmo do laṅga idikʼ kantińạ.

1 Samuel 30:4

Noa ńelte Dạud ar uniren hoṛko do kạuạ rạuwạ rarakʼko ehopʼena. Ar nonka hoyena rakʼ rakʼteko aralkoral cabayena.

Jesaea 38:14

Bhạluạ ar kõkʼ lekań keco beḍrokʼkan tahẽkana, potam lekań kuku ḍuburetʼ tahẽkana. Coṭ secʼ beṅgetʼ beṅgetʼte ińakʼ mẽtʼ do ṭolmolaokʼ kantiń tahẽkana. E Probhu Isor, iń doń cipạ ocokʼ kana, ińakʼ bhar baṛe hataome.

Jobakʼ 30:27

Iń bhitrire heḍejokʼkana ar baṅge thirokʼkantińạ; sasetokʼ dinko iń samaṅre seṭerakana.

Sereńko 38:8

Iń doń nijor akana, ariń rạputʼ akana, ar ontor reakʼ hasoteń kạulạ kạulikʼ kana.

Sereńko 119:82

Amakʼ gokʼakʼ purạukʼ reakʼ ńelhor iạte ińakʼ mẽtʼ do nijor idikʼ kantińạ; iń doń meneda, “Tisokʼ ińakʼ jiwi dom raṛejtińạ.”

Rak̕joṅ 5:17

Noa iạte aleakʼ mon do nijor akana, noako iạte aleakʼ mẽtʼ do ńuṛu ńuṛu akantalea.

Jesaea 51:20

Amren hoponko doko jhin jhinạu akana; onko do kulhi mucạtʼre jhạlire sapʼakan jhaṅkaṛ jel lekako giticʼ akana. Onko cetanre Probhu Isorakʼ edre, amren Isorakʼ sạjại onkore paṛao akana.

Rak̕joṅ 1:11

Uniren sanam hoṛko do jare jaretʼte jomakʼko ńam baṛakana; apnar bańcao tahen lạgitʼ onko do jomakʼ bodolte akoakʼ damanakʼ jinisko emakana. Jerusaleme meneda, “E Probhu Isor, beṅgedme, ar hudisme, iń doń nihạ̃t giḍi ocoakana.