Rak̕joṅ 1:7 - সান্তালী বাইবেল

⁷ Jerusalem do acʼakʼ kosṭo ar dãṛãbaṛae dinkore acʼakʼ sedaeakʼ dhon dorib reakʼ kathae disạyetʼ kana. Uniren hoṛko tinre bạirikoakʼ tireko paṛaolena unre uni goṛowae lạgitʼ okoehõ bako tahẽkana. Uniren bạiriko uni secʼko beṅgetʼ akada ar maraokʼ lạgitʼko landa-dhutʼae kan tahẽkana.

Rak̕joṅ 1:7 Referans Kwoze

Sereńko 79:4

Ale do aḍepase jạtrenko ṭhen lelhagele hoyakana, ar ale beṛhaeten hoṛko ṭhen do landa dhutʼren hoṛle hoyakana.

Sereńko 42:4

Iń do rakʼ rakʼte tinreń andesalekʼ kana, unre disạ hecʼạń kana ḍher porobko manaoetʼkan hoṛko tulucʼ rạskạ ar sarhao sereńate iń do Isorakʼ oṛakʼteń calakʼkan tahẽkana.

Luk 16:25

“Menkhan Abrahame menkeda, ‘disạime, am do jiwetʼem tahẽkanre tinạkʼ sukem jomleda ar Lasar do tinạkʼe sasetlena. Menkhan nonḍe uni do jiwi raṛecʼe ńameda ar am dom sasetokʼkana.

Luk 15:17

“Ado mitʼ din cetao hecʼadeteye menkeda, ‘ạpuńren unạkʼ unạkʼ gutiko do sareṛokʼ leka jomakʼko ńameda, menkhan iń do nonḍe reṅgecʼteń gujukʼkana.

Mikạ 4:11

Menkhan ńitokʼ jạt jạtrenko do am upạrteko jarwa akana. Onkoko meneda, “Uni doe bhonḍ ocokʼma; dela, abo do Sion reakʼ dosa ńelte bon rạskạkʼma.”

Hosea 2:7

Uni do acʼren dulạṛiạko tayomteye ńir calakʼa menkhan onko do bae tiyokʼ daṛeakoa; uni do onkoe sendrakoa menkhan bae ńamkoa. Khan unreye mena, ‘ińren pạhil jãwãe ṭheniń ruạṛ calakʼa, ente onḍe do bhagegeń tahẽkana.’

Rak̕joṅ 4:17

Ạuṛiyakʼ goṛo ńam reakʼ aste aboakʼ mẽtʼ do nijor akantabona; nonkan mitʼ jạtrenko secʼ bon koyokʼ horakatʼ tahẽkana okoe do bako rukhiyạ daṛeabon.

Sereńko 77:3

Iń do tinre Isorakʼ kathań hudisokʼkan tahẽkan unre dukteń khadbadaokʼkan tahẽkana; ar hudis hudiste iń doń loraokʼkan tahẽkana. (Sela)

Jobakʼ 29:2

“Ohae, Isor do tinreye ńeleńkan tahẽkana onako cando ar dinkoń ńam ruạṛle khan!

Jesaea 64:11

Aleren hapṛamko okare amko sarhaoetʼme tahẽkan aleakʼ ona sonot ar ṭhonokanakʼ koejoṅ oṛakʼ do seṅgelte ḍahao marao akana ar amem kusiyakʼkan tahẽkanakʼko do jarkhar akana.

Jirimiạ 48:27

E Moab, Israel do cetʼ amren landa-dhutʼicʼ bae tahẽkana? Uni do cetʼ kombṛoko talareye ńamlena, onate uni reaṅem roṛ pichạ hirkhạte bohokʼem rukuyetʼtama?

Jesaea 64:10

Amakʼ sonot nagrahako do hahaṅkar ṭoṭha hoyakana; Sion reakʼ dosa hõ onkage hoyakana, hẽ, Jerusalem hõ ujạṛ akana.

Jeheskel 25:3

Probhu Isorakʼ noa katha onko ańjom lạgitʼ metakom, ‘Ińakʼ oṛakʼ besonotokʼkan ar Israel disom ujạṛokʼkan ńelte ar Jihudạren hoṛko bondi ocokʼkan ńelte ape do ạḍipe kusilena.

Jeheskel 25:6

Ape do Israel disạm reakʼ dosa ńeltepe thayoleda, arpe enecʼlena ar monre hiskạ iạtepe rạskạlena.