Rak̕joṅ 1:20 - সান্তালী বাইবেল

²⁰ E Probhu Isor, ńelme, tinạkʼ iń kosṭokʼ kana! Iń bhitrire hõń sasetokʼ kana. Ińakʼ ontor do torasokʼ kantińạ, ente iń do huhulicʼ iń hoyakana. Nagraha bahrere do tarwaṛe jiwiye hataoeda, ar bhitrire do eken gujukʼge menakʼa.

Rak̕joṅ 1:20 Referans Kwoze

Rak̕joṅ 2:11

Rakʼ rakʼte ińakʼ mẽtʼ do dhundentińạ, ińakʼ jiwi do ṭolmolaokʼ kantińạ; iń jạtren hoponerae nosṭoyen iạte nagraha reakʼ kulhikore ńir keṭecʼ gidrạ ar nunukoko loraokʼkan iạte ińakʼ ontor do bhabnate suḍrạu oḍokentińạ.

Jeheskel 7:15

“Nagraha bahrere do lạṛhại ar bhitrire do mahamạri ar akal menakʼa; ar okoe bahrereko tahen onko do lạṛhạiteko gujukʼa, ar okoe nagraha bhitrireko tahen onko do akal ar mahamạriteko jom ocokʼa.

Jesaea 16:11

Ińakʼ jiwi do Moab lạgitʼ, ińakʼ bhitri do Kir-Heres lạgitʼ peṛesaṅ leka ṭiṛiṅ ṭuṛuṅokʼ kana.

Dosar Biboron 32:25

Onkoren hopon ar hoponerako do nagraha bahrere tarwaṛe reakʼ hạnteko gujukʼa, ar oṛakʼ bhitrire botorteko udạsokʼa. Onkoren juạn koṛa ar kuṛiko, kạṭicʼ gidrạko ar haṛam buḍhiko doko marao utạrokʼa.

Jirimiạ 4:19

Hae, ińakʼ mon do, ińakʼ ontor do! Iń doń khadbadaokʼ kana. Hae, ińakʼ ontor, iń doń dhak dhakaokʼ kana. Iń do hape akan bạń tahẽdaṛeakʼ kana, ente sakwa reakʼ saḍe ar lạṛhại reakʼ sabadiń ańjomakada.

Jobakʼ 30:27

Iń bhitrire heḍejokʼkana ar baṅge thirokʼkantińạ; sasetokʼ dinko iń samaṅre seṭerakana.

Habakkuk 3:16

Ona ańjomkate iń do botorokʼ iń ehopʼena, ińakʼ luṭikin hõ thar tharaoentinạ; iń doń nijor idiyena ar ińakʼ jaṅgakin do lakaṛ lukuṛokʼ ehopʼena. Enhõ iń do ona din lạgitʼ jiwi hataṛkate koyokʼ hor akaegeń tahena one oka hilokʼ ale khekhedko do muhinreko paṛaokʼ.

Hosea 11:8

“E Ephrayim, am do cekateń bạgimea? E Israel, cekate am do eṭakʼ hoṛakʼ tireń jimạmea? Cekate iń do Adma ar Seboyim lekań marao utạrmea? Am lạgitʼ ińakʼ ontor do ahkaokʼkantińa; ińakʼ daya do amre rakabokʼkana.

Rak̕joṅ 1:18

Uni doe meneda, “Probhu Isor doe dhoromgea, iń do uniyakʼ hukum birudreń hul akada. Sanam jạtrenko, ańjompe, ińakʼ harkhet ńelpe; ińren juạn ar juạniko do bondikate sạṅgińteko idi ocoakana.

Rak̕joṅ 1:11

Uniren sanam hoṛko do jare jaretʼte jomakʼko ńam baṛakana; apnar bańcao tahen lạgitʼ onko do jomakʼ bodolte akoakʼ damanakʼ jinisko emakana. Jerusaleme meneda, “E Probhu Isor, beṅgedme, ar hudisme, iń doń nihạ̃t giḍi ocoakana.

Rak̕joṅ 1:9

Uniyakʼ mạilạ do uniyakʼ kicricʼrege laṭkao akantaea; darakan din reakʼ do bae dạndilena. Uni doe sombotʼ bhindạṛ akana; jiwi raṛecʼtae lạgitʼ do celege bạnukʼkotaea. Uniye meneda, “E Probhu Isor, ińakʼ duk baṛe ńeltińme, ente bạiriko doko jitạu akana. ”

Jirimiạ 48:36

Onate Moab reakʼ ar Kir-Heresren hoṛko lạgitʼ ińakʼ ontor do tirio leka ńohoṛ ńohoṛokʼkantińạ. Ar okaṭakʼ dhonko jarwaletʼ ona hõ cabayentakoa.

Jirimiạ 31:20

Ephrayim do cetʼ ińren sadher hopon doe baṅ kantińạ? Nui do cetʼ uni hopon doe baṅ kantińạ one uni ńelteń kusikʼkan? Uni upạrte jao okte kathań roṛ akatʼrehõ enhõ iń do jaogeń disạyede kana. Ona iạte ińakʼ jiwi do uni lạgitʼe rakʼeda; uni lạgitʼ ińakʼ daya do menakʼgetińạ.

Jirimiạ 14:18

Bahreteń oḍok calakʼkan khan iń do mạ̃ṛĩkoń ńeleda; ar nagrahateń bolokʼkan khan do akalte kosṭokʼkan hoṛkoń ńeletʼkoa. Naeke ar nạbiko do nonkan disạmreko dãṛãbaṛae kana one ona reaṅ cetʼge bako baḍaekan.’ ”

Jirimiạ 3:13

Am do eken amakʼ ghạṭko aṅgocʼme, amren Probhu Isor upạrtem hul akada mente, ar hạṛiạṛ dare buṭạkore debotako do amakʼ dulạṛem em akawatʼkoa ar ińakʼ aṛaṅ hõ bam ańjom akada.’

Jesaea 38:14

Bhạluạ ar kõkʼ lekań keco beḍrokʼkan tahẽkana, potam lekań kuku ḍuburetʼ tahẽkana. Coṭ secʼ beṅgetʼ beṅgetʼte ińakʼ mẽtʼ do ṭolmolaokʼ kantiń tahẽkana. E Probhu Isor, iń doń cipạ ocokʼ kana, ińakʼ bhar baṛe hataome.

Kạhtukko 28:13

Okoe hoṛ acʼakʼ kạiye danaṅkakʼ uni do bae jo baha daṛeakʼa, menkhan okoe onae aṅgoc are bạgiyakʼ uni do dayae ńama.

Sereńko 22:14

Iń do dakʼ lekań dul giḍi ocoakana, ińakʼ sanam jaṅ reakʼ joṛaoko do chaḍao akantińạ, ińakʼ ontor do mom leka hoyakante iń bhitrirege cher lambao idikʼkana.

Jobakʼ 33:27

Unre uni do manwa ṭhen hecʼkateye mena, ‘iń doń kạileda ar sojheakʼ doń peṛtaleda, menkhan ińakʼ paona sạjại do bạń ńamleda.

Sereńko 38:8

Iń doń nijor akana, ariń rạputʼ akana, ar ontor reakʼ hasoteń kạulạ kạulikʼ kana.

Jirimiạ 14:20

E Probhu Isor, aleakʼ dusṭạmi ar aleren hapṛamkoakʼ dos reakʼle aṅgocetʼ kana; sạrige ale do am upạrtele kại akada.

Rak̕joṅ 1:8

Jerusalem do ạḍiye ghạṭ akada, onate uni doe bhonḍ akana. Okoe uniko manotede tahẽkan onko jotoge uniko nihạ̃t giḍi akadea, ente onko do uniyakʼ lajaoakʼko ńel akatʼtaea; uni doe kuhrạueda ar mẽtʼãhãe betʼetʼtaea.

Daniel 9:5

Ale dole kại akada, arle behok akada. Ale do bạṛicʼakʼle kạmi akada arle hul akada. Ale do amakʼ hukum ar ạn-ạriko reakʼ hor khonle ocokʼ akana.

Rak̕joṅ 5:16

Aleakʼ bohokʼ khon mukuṭ do ńur akana. Hae ale do, entele kại akada!