Rak̕joṅ 1:18 - সান্তালী বাইবেল

¹⁸ Uni doe meneda, “Probhu Isor doe dhoromgea, iń do uniyakʼ hukum birudreń hul akada. Sanam jạtrenko, ańjompe, ińakʼ harkhet ńelpe; ińren juạn ar juạniko do bondikate sạṅgińteko idi ocoakana.

Rak̕joṅ 1:18 Referans Kwoze

Sephaniạ 3:5

Unireye tahenkan Probhu Isor doe dhoromgea; uni do bae behoka; uni do setakʼre acʼakʼ dhorom bicạre udukʼeda; oka hilokʼ hõ bae gạphileda. Menkhan bedhorom kạmikoakʼ lajao do bạnukʼtakoa.

Sereńko 119:75

E Probhu Isor, ińiń baḍaea amakʼ ạn ạriko do dhoromte perecʼgea; ar amem pạtiạrge iạte ińem duk ocoakadińạ.

Rak̕joṅ 1:12

Ape okoe do iń aṛetepe parom calakʼkan ape do cetʼ jãhãnakʼge baṅ cekakʼ kantapea? Ạribạndhipe ar ńelpe. Iń cetʼ lekań harkhet sasetʼ ocokʼkan onka do cetʼ jãhãeko harkhet ocoakana, okaṭakʼ Probhu Isor do acʼakʼ jolokʼkan edre hilokʼe emakawạdiń?

Jirimiạ 12:1

E Probhu Isor, am upạrteń mamblakʼ kanre hõ am do jao oktem dhoromgea. Enhõ iń do amakʼ bicạr reaṅ am sãote thoṛaganiń galmaraoa. Bedhoromkoakʼ hor do cedakʼ jo bahakʼkantakoa? Bepạtiạr hoṛ do cedakʼ khạtirjomako girobaso daṛeakʼ kana?

Rak̕joṅ 3:42

“Ale dole kại akada, arle hul akada; ar am do bam ikạ akatʼlea.

Sereńko 107:11

ente onko do Isorakʼ katha upạrteko huletʼkan tahẽkana, ar maraṅ Isorakʼ hukumko nindạuetʼ tahẽkana.

Nehemiạ 9:33

Am do ale cetanre okakom hoyocoakatʼ onate do bam behok akada; am do pạtiạr salakʼgem kạmi akada ar ale dole behok akada.

Romiko lạgitʼ Pạul Apostolakʼ ciṭhi 3:19

Baḍaegea bon Moseyakʼ ạn do onko lạgitʼge one okoe do ona ạn gobolre menakʼko. Onate Jihudi ar boṅgan hoṛ jạtrenko okoe hõ jãhãnakʼ mementeakʼ do bạnukʼtakoa, sanam manwage Isor samaṅreko dusigea.

Romiko lạgitʼ Pạul Apostolakʼ ciṭhi 2:5

Menkhan amakʼ mon do keṭecʼgea; am do kại khon mon ạcur bam khojkana. Onate Isorakʼ edre tis sodorokʼ, enhilokʼ lạgitʼ amakʼ bakhra sạjạyem sõcjoṅ kana. Ar unrege Isorakʼ dhorom bicạr do sodorokʼa.

Daniel 9:7

“E Probhu, am dom hokren Isor kana, menkhan teheń hạbicʼ ale do aleakʼ lajaole asen baṛayeda. Jihudạrenko, Jerusalemrenko ar Israelren sanamko do amre bepạtiạr iạte jạt jạtrenkoakʼ disạmrem chirchạturletʼko onko sanamkoge lajaoko asen baṛayeda.

Jirimiạ 49:12

Probhu Isore meneda, “Okoe sạjại ńam reakʼ lekko baṅkan, ar sạjại reakʼ bạṭire ńũnũige lagaoae enḍekhan cedakʼ begor sạjạite dom tahena? Am do ona bạṭire ńũkate sạjại jojom hoyokʼtama.

Sereńko 145:17

Probhu Isor do acʼakʼ sanam horreye dhoromgea, ar sanam kạmireye pạtiạrgea.

Nehemiạ 9:26

“Menkhan enhõ onko do bebatao iạte am upạrteko hulkeda; ar amakʼ ạn-ạriko bạgiyada. Amren okoeko nạbi do am secʼ ruạṛ lạgitʼko sontoretʼko tahẽkan onko nạbi doko gocʼketʼkoa; ar am do ạḍi bạṛicʼko opomanketʼmea.

Esra 9:13

“Aleakʼ bạṛicʼ kạmi ar maraṅ ghạṭ iạtege ale cetanre niạko do hoyokʼkana, menkhan enhõ E aleren Isor, aleakʼ kại reakʼ kuṛại lekate am do thoṛagem sạjại akatʼlea ar aleren adomko hoṛ do jiwetʼem tahẽ ocoakatʼkoa.

1 Rapajko 13:21

Ar unre uni nạbi do Jihudạ khon hecʼakan Isorren hoṛ ãṭ aṛaṅteye metadea, “Probhu Isor do niạ kathae meneda, am do Probhu Isorakʼ katham bebatao akada ar Probhu Isor emakʼ hukum bam manao akada.

1 Samuel 15:23

Huhul ar gunidari kạmi do inạ mitʼ lekan kạikangea; bebatao ar boṅga sewa hõ inạ lekan kại kangea. Am do Probhu Isorakʼ hukum bam batao akatʼte uni hõ am do raj lekateye nihạ̃t giḍi akatʼmea.”

Bikʼcạrko 1:7

Onate Adoni-Beseke menkeda, “Iń do eaegel rapajkoakʼ ti ar jaṅga reakʼ buḍhạ kạṭupʼ iń samakʼ kuṭrạletʼtakoa. Onko do ińakʼ ṭebil latar reakʼ ạiṭhạwakʼko halaṅ jometʼ tahẽkana. Onko cetanre okań cekaletʼ Isor hõ iń cetanre onkageye kạmi akada.” Ar Adoni-Besek do Jerusalemteko idikede khan onḍeye gocʼena.

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

Exodus 9:27

Pharao do unre Mose ar Aron hohowatʼkinteye metatʼkinạ, “Niạ bar doń kại akada. Probhu Isor do ṭhikgeye kạmiakatʼa. Iń ar ińren hoṛgele dusigea.

Sereńko 119:137

E Probhu Isor, am dom dhoromgea; amakʼ bicạr do hok reakʼ kana.

Jirimiạ 4:17

Khetren pahradarko leka onko do Jerusalemko gherao eseda, ente uni do iń upạrteye hul akada. Iń Probhu Isorge noa katha doń meneda.

Jirimiạ 32:23

Onko do hecʼkate onako ạidạrian tahẽkana, menkhan onko do amakʼ katha bako ańjomleda ar amakʼ ạn-ạri leka bako senlena; ar okaṭakʼ cekae lạgitʼem hukumatʼko tahẽkan ona reakʼ cetʼge bako kạmileda. Ar onatege noako muhin do onkorem paṛao ocoleda.

Daniel 9:5

Ale dole kại akada, arle behok akada. Ale do bạṛicʼakʼle kạmi akada arle hul akada. Ale do amakʼ hukum ar ạn-ạriko reakʼ hor khonle ocokʼ akana.

Amos 8:13

Enhilokʼ ńelokʼte mońj juạn kuṛiko ar daṛean juạn koṛako do ona katha lạgitʼ tetaṅteko loraokʼa.

Rak̕joṅ 5:16

Aleakʼ bohokʼ khon mukuṭ do ńur akana. Hae ale do, entele kại akada!

Sakariạ 1:6

Menkhan iń do ińren gutiko, metakʼme nạbiko okań hukumatʼko tahẽkan, ińakʼ onako katha ar niạm lekate aperen hapṛamko do cetʼ sạjại bako ńamleda? Unre onko do mon ạcurkateko menleda, sanam daṛeanicʼ Probhu Isor do onkoakʼ ạri cạli ar hewa lekate onko lạgitʼ okae ṭhik doholetʼ onageye kạmi akada.’ ”