Biblia Todo Logo
Bib sou entènèt

- Piblisite -




Rak̕joṅ 1:17 - সান্তালী বাইবেল

17 Sion do acʼakʼ tiye tiạr akatʼtaea, menkhan uniyakʼ jiwi raṛejtae lạgitʼ do celege bạnukʼkoa. Probhu Isor do Jokob lạgitʼ noae hukum akada, aḍepaseren hoṛge uniren bạiriko hoyokʼa. Onko talare Jerusalem do mitʼṭecʼ bhonḍakʼ jinisge hoyakana.

Gade chapit la Kopi




Rak̕joṅ 1:17
29 Referans Kwoze  

Mitʼṭen maejiuakʼ bedonokʼ reakʼ aṛaṅ leka, pạhil hopone janamokʼ reakʼ bedon leka Sionren hoponerawakʼ rakʼ iń ańjomakada. Uni do sahẽtʼ ńam lạgitʼe ahkaokʼ kana ar ti tiạrkateye meneda, “Hae iń doń acetokʼ kana, khũniyạhiko do ińko seseń kana.”


Koejoṅ lạgitʼ tinre apeakʼ tipe rakabtapea unre ape secʼ do bạń beṅgeda. Ar ḍherpe koere hõ bạń ańjomtapea, ente apeakʼ ti do mãyãmte perecʼgetapea.


Uniyakʼ mạilạ do uniyakʼ kicricʼrege laṭkao akantaea; darakan din reakʼ do bae dạndilena. Uni doe sombotʼ bhindạṛ akana; jiwi raṛecʼtae lạgitʼ do celege bạnukʼkotaea. Uniye meneda, “E Probhu Isor, ińakʼ duk baṛe ńeltińme, ente bạiriko doko jitạu akana. ”


Ińren dulạṛiạkoń hohoatʼkoa menkhan onko doko eṛekedińa. Ińren naekeko ar murubbiko do apnar jiwetʼ tahen lạgitʼ jomakʼ sendra sendrate nagraha talaregeko ses utạrena.


Onatege iń doń rakʼeda, ińakʼ mẽtʼdakʼ do jorokʼ kantińạ. Jiwi raṛejtiń lạgitʼ do celege bạnukʼkoa, ar jiwi cerṭha ocoytiń lạgitʼ hõ bạnukʼkoa. Ińren gidrạko do ujạṛgeko hoyakana, ente bạiriko doko jitạuena. ”


Sedekiạwakʼ rajokʼ areyakʼ bochor reakʼ gelakʼ cando reakʼ gelakʼ dinre Babelren raj Nebukadnesar do acʼren sanam lạṛhại phạdkoante Jerusalem upạrte lạṛhại lạgitʼe mohnḍayena. Uni do nagraha bahrereye ḍerayena ar nagraha beṛhaete pinḍhạkoe benao ạcurkeda.


Israel doko utʼ ocoakana; bạṛicʼakʼ jinis leka onko do ńitokʼ eṭakʼ jạtrenko talare menakʼkoa.


“E Manwa hopon, Israelrenko akoakʼ disomreko girobasokʼ jokhecʼ onkoakʼ colon ar kạmiko hotete disạmko bhonḍleda. Ar ińakʼ mẽtʼre onkoakʼ colon do maejiukoakʼ candoteakʼ reakʼ besaphawakʼ lekage tahẽkana.


Hoṛko do hohoateko metakokan tahẽkana, “Ocogokʼpe, ape dope bhonḍgea. Ocogokʼpe, men ocokʼpe, alope joṭetʼlea. ” Onko do uḍạcal hoṛ lekako ạcur baṛaekan tahẽkana; boṅgan hoṛ jạtrenko doko menetʼ tahẽkana, “Abo talare upriạ do bako tahẽ daṛeakʼa. ”


Hoṛko do ińakʼ kuhrạuko ańjomakada, menkhan jiwi raṛejtiń lạgitʼ do celege bạnukʼkoa. Ińren sanam bạiriko do ińakʼ kosṭo reakʼ kathako ańjomakada; ar amem onka akatʼte onko doko rạskạkʼ kana. Ona din baṛe hecʼ ocoyme okaṭakʼem jạhirakatʼ jemon ona dinre iń lekako hoedaṛeakʼ.


Uni do ạyupʼ jokhecʼ ạḍiye rakʼetʼ kana, mẽtʼ dakʼte johakine lohotʼetʼtaea. Acʼren dulạṛiạko modren uniyakʼ jiwi raṛejtae lạgitʼ do okoehõ bạnukʼkoa. Uniren gateko do jotoge uniko eṛeakadea; onko jotoge uniren bạiriko hoyakana.


Iń do onkoń hukumakoa ar niạ nagrahategeń ruạṛ ạgukoa. Onko do noa nagraha upạrteko lạṛhạiya arko hatjona ar onako jeretʼ giḍikakʼa. Iń do Jihudạ nagrahakoń marao ar ujạṛakʼ iń hoeocoya.”


Niạ disạmren huḍiń hapṛakʼ sanamgeko gujukʼa. Okoehõ onko do bako topakoa, onko lạgitʼ do bako homor halaṅa ar onko lạgitʼ akoakʼ hoṛmo hõ bako getʼ cirạitakoa, ar bohokʼ hõ bako hoyo poṭorokʼa.


Gukʼpiko cetʼleka pal bhiḍiwanteko hijukʼ onkage rapajko hõ akoren lạṛhại phạdkoante uni upạrteko hijukʼa; uni beṛhaete onko do tạmbuko ṭaṅgaoa ar apan ạpin jaegareko tahena.


unre amren Israel hoṛko jãhãege mon khon kastaokate niạ mundil secʼ ti tiạrkateko koejoṅ se am ṭhenko nehõrokʼ,


Ona tayom Solomon do onḍe jarwa akan Israelko samaṅre Probhu Isorakʼ pinḍ ṭhen teṅgokate serma secʼ tiye tiyạrketʼtaea.


Ińakʼ duk do nunạkʼ ḍhera, ona reakʼ jiwi raṛecʼ do bạnukʼa; ińre ińakʼ ontor do ạḍi dukokʼkana.


Ińakʼ sompotti iń ṭhen do sendra cẽṛẽ leka hoyakana, one eṭakʼ sendra cẽṛẽko gherao esetʼkate ińko hạ̃neń kan. Am do senkate sanam bir janwarko jarwakate ạgukom jemon onko do uniko jom daṛeae.


Jerusalem do ạḍiye ghạṭ akada, onate uni doe bhonḍ akana. Okoe uniko manotede tahẽkan onko jotoge uniko nihạ̃t giḍi akadea, ente onko do uniyakʼ lajaoakʼko ńel akatʼtaea; uni doe kuhrạueda ar mẽtʼãhãe betʼetʼtaea.


Siń cando latarre oka santaoko hoyokʼkan ona secʼ mitʼ dhao beṅgetʼkateń ńelkeda santao ocokʼko doko rakʼeda, menkhan onko jiwi raṛecʼ emako lạgitʼ do celege bạnukʼkoa. Sasantaoko ṭhen do ektiạri menakʼa, menkhan santao ocokʼko jiwi raṛecʼ emako lạgitʼ do celege bạnukʼkoa.


Probhu Isore meneda, “E birbão hoete gurlạu akanicʼ, ar jiwi raṛecʼ baṅ ńamakatʼicʼ ar nihạ̃t ocokʼicʼ nagraha, iń do nirola dhiriteń benaome lạgidokʼ kana ar amakʼ rehetʼ do nilkanto muniteń bạisạua.


“E Jerusalem, am do okoeye dayawama? Am lạgitʼ do okoeye homor halaṅa? Cetʼ leka menama ona kulime lạgitʼ do okoeye hijukʼa?


Swiv nou:

Piblisite


Piblisite