Rak̕joṅ 1:14 - সান্তালী বাইবেল

¹⁴ Ińakʼ ghạṭko do arãṛ lekae tol joṛao akatʼtińạ; uniyakʼ titege onako doe tol mitʼakada. Ar ińakʼ tarenreye lade akawạdińạ, Probhu Isorge ińakʼ daṛe doe caba akattińạ. Ar okoe bạń teṅgo daram daṛeako onkoakʼ tireye soprot akadińa.

Rak̕joṅ 1:14 Referans Kwoze

Jesaea 47:6

Ińren hoṛko cetanre ińakʼ edre do caṛhaolentińạ ar ińakʼ sompotti doń bhõnḍ ocoleda. Onko do amakʼ tireń soprotletʼkoa ar am do onko cetanre bam mãyãlena. Ar haṛam hoṛko hõ hamal bojham ladeyatʼko tahẽkana.

Jeheskel 25:7

Ona iạte ape upạrte iń do ińakʼ tiyiń tiyạrtińạ ar luṭakʼ mal lekate eṭakʼ jạtrenkoakʼ tireń soprotpea. Eṭakʼ jạtrenko ar disạm tala khoniń hese giḍikapea ariń marao utạrpea. Ar onatepe baḍae daṛeakʼa, iń kangeạń Probhu Isor do.’ ”

Jeheskel 25:4

Onate iń do purub disạmren hoṛkoakʼ tireń soprotpea. Onko do apeakʼ disạmre tạmbuko ṭaṅgao ar ape talareko girobasokʼa; onko do apeakʼ jo ar toako joma.

Jirimiạ 28:14

Iń Israelren phạdkoren Probhu Isorgeń meneda, noko jạtrenko jemon Babelren raj Nebukadnesarren golamko hoyokʼ onate onkoakʼ tarenre mẽṛhẽtʼ reakʼ arãṛ iń ladeakoa, ar onko do uniko sapʼsoraea. Ar uni do bir janwarko cetanre hõ ektiạriń emaea.’ ”

Kạhtukko 5:22

Bedhorom hoṛ do bạṛicʼ kạmi reakʼ jhạlireko paṛaokʼa, uni do apnarakʼ kại babertegeye tol ḍhumbạgokʼa.

Hosea 5:14

Ephrayim ṭhen ar Jihudạ ṭhen do dhạcri kul lekageń hoyokʼa. Unkin doń or cirạkinạ ar kaṭra kuṭrạkateń bạgi oṭoạkinạ. Iń do unkiniń idikinạ ar unkin bańcaokin lạgitʼ do celege bako tahena.

Jeheskel 23:28

“Ar okoekom hirkhạwako kan, ar okoeko secʼ khonem ạcurakan onkoakʼ tiregeń soprotmea.

Jeheskel 21:31

Ińakʼ edre do ape cetanreń dula ar ape upạrte ińakʼ khĩs reakʼ seṅgeliń oṅa. Ar nonkan kurmutạha hoṛkoakʼ tireń soprotpea okoe do makʼrao kạmireko gạkhuṛge.

Jeheskel 11:9

Iń do nagraha khon okoń laga ńirkote bidisiạkoakʼ tireń soprotkoa ar apeń sạjạipea.

Jirimiạ 37:17

ona tayom Sedekiạ do hoṛ kolkate uniye oḍok ạgukedea; ar raj do acʼakʼ oṛakʼre oko okoteye kulikedea, “Probhu Isorakʼ jãhãn katha menakʼa?” Jirimiại menkeda, “hẽ, menakʼgea. Uni do arhõe menkeda, am do Babelren rajakʼ tirem soprot ocokʼa.”

Jirimiạ 32:5

Babelren raj do Sedekiại idiyea ar tin hạbicʼ uni secʼ bạń beṅged unhạbicʼ uni do onḍegeye tahena. Ona iạte Babelrenko tulucʼpe lạṛhạilenre hõ ape do bape jitạu daṛeakʼa.’ ”

Jirimiạ 27:12

Jihudạren raj Sedekiạ do ona sombatgeń lạiyadea, “Babelren rajakʼ arãṛ gogme; uni ar uniren hoṛkoren golam hoyokʼme, enḍekhan am dom bańcaokʼa.

Jirimiạ 27:8

“Menkhan jãhãe jạtrenko se rajosṭi jodi Babel raj Nebukadnesar ren golam bako hoyokʼ se uniyakʼ arãṛ bako gog enḍekhan onko jạtrenko do lạṛhại, akal ar mahamạriteń sạjạikoa tin hạbicʼ onko jạtrenko uni tite bạń maraoko.

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Jesaea 14:25

Ińakʼ disạm talare Ạsurren raj doń rạputʼ gejerea ar ińakʼ buru cetanreń lebetʼ gasmanḍaoea. Unre ińren hoṛko ṭhen khon uniyakʼ arãṛ do sạṅgińokʼa ar onkoakʼ taren khon bojha hõ ocogokʼa.”

Jirimiạ 28:13

“Am do senkate Hananiạ metaeme, Probhu Isore meneda, ‘am do kaṭ reakʼ arãṛem rạputʼ giḍiakada menkhan iń do mẽṛhẽtʼ reakʼ arãṛ iń benaoa.

Jirimiạ 32:3

ente Jihudạ raj Sedekiạ do noa katha menteye bondi ocoledea, “Am do noa katham nạbi akada, Probhu Isore meneda, ‘noa nagraha do Babel rajakʼ tireń soprota ar uni do noae hata.

Mikạ 2:3

Ona iạte Probhu Isore meneda, “Ape upạrte iń do bin bhạlạiyakʼ iń goṭa akada one ona khon apnarte ohope rukhiyạ daṛelen, ente okte do muhin reakʼge hoyokʼa.