Philipiko lạgitʼ Pạul apostolakʼ ciṭhi 3:5 - সান্তালী বাইবেল

⁵ Irạl mãhã hilokʼre iń doń khatna ocolena; Israel bõsren Benjamin khũṭreń janam akana; iń do mitʼṭen khạṭi Ibri hoṛ kangeạń; ar Moseyakʼ ạn-ạriko manaore do mitʼṭen Phạrusi hoṛge;

Santali Common Language New Testament

⁵ Irạl mãhã hilokʼre iń doń khatna ocolena; Israel bõsren Benjamin khũṭreń janamakana; iń do mitʼṭen khạṭi Ibri hoṛ kangeạń; ar Moseakʼ ạn-ạriko manaore do mitʼṭen Phạrusi hoṛge;

Philipiko lạgitʼ Pạul apostolakʼ ciṭhi 3:5 Referans Kwoze

2 Korinthiko 11:22

Okoeko sarhaokʼkan onko do cetʼ Ibri kanako? Iń hõ kangeạń. Onko do cetʼ Israel kanako? Iń hõ kạnạń. Onko do cetʼ Abrahamren bõs kanako? Iń hõ kạnạń.

Romiko lạgitʼ Pạul Apostolakʼ ciṭhi 11:1

Adoń meneda, Isor do cetʼ acʼren hoṛkoe giḍisaeketʼ koa? Tisge baṅa. Ente iń hõ mitʼṭen Israel hoṛ kangeạń, Abraham bõsren ar Benjamin gusṭirenge.

Aposkạmi 23:6

Ona bạisiren mitʼ dol do Sạdukiko ar eṭakʼ dol do Phạrusi menakʼkoa menteye baḍaeketʼ khan Pạul do maraṅ bạisi talare ãṭ aṛaṅteye menkeda, “E boehako, iń do mitʼṭen Phạrusi hoṛ kạnạń ar Phạrusikoren hoponge. Ińakʼ bicạr do hoyokʼ kana, ente ińiń pạtiạukʼ kana, gocʼko do arhõko jiwetʼ beredokʼa.”

Aposkạmi 22:3

“Iń doń Jihudi hoṛkana. Kilikiạ reakʼ Tạrsus nagrahareń janamlena, menkhan noa nagraharegeń hara akana. Gamalielakʼ jaṅga pheḍre duṛupʼkate aboren hapṛamkoakʼ ạn-ạriko mońjteń cetʼakada. Isor reaṅ teheń ape cetʼ lekape gagojokʼkan onkage iń hõń gagojokʼkan tahẽkana.

Genesis 17:12

Piṛhike piṛhi aperen sanam herel hoponko do janam tayom irạl din hilokʼrepe khatna ocokʼa. Am bõsren jãhãegeye baṅkanre hõ amakʼ oṛakʼren gutikan khane uni hõm khatna ocoyea, ar amakʼ oṛakʼreye janam akan nonkan jãhãe guti se bidisiạko ṭhen khone kiriń akan uni guti hõ khatna ocoye hoyokʼa.

Luk 1:59

Ado Jihudikoakʼ niạm leka irạl din hilokʼ onko do gidrạ khatnaye lạgitʼko hecʼena. Ar acʼ babawakʼ ńutum leka Sakariạ ńumeko menetʼ tahẽkana,

Aposkạmi 6:1

Inạko dinre celako doko saṅge idikʼkan tahẽkana. Unre celako modre okoe Jihudiko Junạni pạrsiteko roṛetʼkan tahẽkan onko do Ibri pạrsite roroṛkan Jihudiko nonka mente dusikoko ehopʼena je, dinạmge jomakʼ emokʼ jokhecʼ onkoren rạnḍi maejiuko do cetʼge bako ńametʼa.

Luk 2:21

Ado irạl mãhã purạuen khan Jihudikoakʼ niạm lekate uniyakʼ ńutum do Jisuko dohoketʼtaea. Noa ńutum do eṅgatakʼ kukhire ạuriye hijukʼre serma goḍete emlen tahẽkana.

Jona 1:9

Jonae roṛ ruạṛkeda, “Iń do mitʼṭen Ibri hoṛ kạnạń. Iń do sermaren Probhu Isoriń sewawae kana. Unige jalapuri ar ot doe benaoakada.”

1 Samuel 4:6

Ar Philisṭiko do noa aṛaṅ ańjomkateko kuliyana, “Ibrikoakʼ ḍerare cetʼ reakʼ sarhao aṛaṅ ańjomokʼkana?” Onkoko baḍaekeda, Probhu Isorakʼ goha sinduk do Israelkoakʼ ḍerate hecʼakana.

Genesis 40:15

Ente, Ibrikoakʼ disạm khon jorkateń sapʼ ạgu ocoakana, ar noa disạmre hecʼkate hõ jãhãn nonkanakʼ do bạń kạmi akada one onate noa khạndṛuṅreko aṭkao dohokạń.”

Genesis 14:13

Mitʼṭen hoṛ doe dạṛ paskao hecʼente Ibri hoṛ Abram ona khobore lạiyadea. Abram do ona jokhecʼ Amori hoṛ Mamreyakʼ Elon bir ṭhere girobasokʼ kan tahẽkana. Mamre do Eskol ar Anerren boehae tahẽkana. Unkin do Abram sãote gatekʼ reakʼkin bondobos akatʼ tahẽkana.

Genesis 41:12

Unre rurukhiyạ dol sordarren mitʼṭen Ibri guti koṛa hõ onḍeye tahẽkana. Ar bana hoṛge ạlińakʼ kukmũ reakʼ katha uni liń lạiyadea. Unre uni do bana hoṛge kukmũ reakʼ bhede lạiyatʼlińạ.

Luk 5:38

Onate nãwã darkha rasa do nãwã kumrege dul dohoy jạruṛa.