Philipiko lạgitʼ Pạul apostolakʼ ciṭhi 3:21 - সান্তালী বাইবেল

²¹ Uni do aboakʼ nijorte perecʼ hoṛmoe pherao tabona ar acʼakʼ ṭhonokanakʼ hoṛmo lekae hoeocoya. Ar oka daṛete jotowakʼko acʼakʼ gobolreye ạguiyetʼkan ona daṛetege uni do noae kạmiya.

Santali Common Language New Testament

²¹ Uni do aboakʼ nijorte perecʼ hoṛmoe pherao tabona ar acʼakʼ ṭhonokanakʼ hoṛmo lekae hoe ocoea. Ar oka daṛete jotowakʼko acʼakʼ gobolreye ạguyetʼkan ona daṛetege uni do noae kạmiya.

Philipiko lạgitʼ Pạul apostolakʼ ciṭhi 3:21 Referans Kwoze

Kolossiko lạgitʼ Pạul Apostolakʼ ciṭhi 3:4

Okoe doe aperen jionkan uni Mạsiye sodorlenre ape hõ uni tulucʼ uniyakʼ ṭhonokren bhạgiyạdarko mentepe sodorokʼa.

1 Johan 3:2

E dulạṛiạ gidrạko, ńitokʼ do Isorren gidrạko kana bon, menkhan tayomte cetʼ hoyokʼa ona do ńit hõ baṅ sodor akana. Menkhan bon baḍaea, Mạsiye sodorokʼre abo do uni lekage bon hoyokʼa, ente uniy okalekanicʼ kan, ona muṭhạntege bon ńelea.

Romiko lạgitʼ Pạul Apostolakʼ ciṭhi 8:29

Isor do okoeko lahareye bachao akatʼko onko do acʼren hopon hoyokʼ lạgitʼ laha khongeye ṭhik doho akatʼko tahẽkana, jemon uni Hopon do ạḍi utạr boehako modre maraṅicʼe hoyokʼ.

Jesaea 26:19

Menkhan amren gocʼakan hoṛ doko bańcaokʼa; onkoakʼ hoṛmo do jiwetʼ ruạṛokʼtakoa. Ape okoe do dhuṛirepe girobasokʼ kan, ape do dela ebhenokʼpe ar rạskạte andoṛpe. Setakʼ reakʼ sisir dakʼ cetʼleka dhạrtiye purṭhạ ocoyetʼ onkage am do gocʼko jiwiyem danakoa.

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri do iń ṭhen emakana.

Mathae 17:2

Ar onko samaṅre uni doe eṭakʼ boronena. Uniyakʼ mẽtãhã do siń cando leka jhak jhak ar kicricʼko do marsal leka pĩṛĩtʼ pĩṛĩtʼ ponḍentaea. Onko do Mose ar Eliạ Jisu tulucʼ galmaraoko ńelketʼkinạ.

Johan sodor 1:8

Probhu Isore meneda, “Ińge Alpha ar Omega, one okoe do menaege, are tahẽkan are hijukʼkan. Ar iń kangeạń sanam daṛeyicʼ do.

Mathae 22:29

Jisui roṛ ruạṛatʼkoa, “Bhuletʼ kanape, ente ape do sostor hõ bape baḍaea, ar Isorakʼ daṛe reaṅ hõ bape baḍaekana.

Hosea 13:14

“Seoul reakʼ daṛe khon ińge damte uniń chaḍao ạguiyea. Ar gocʼko khon hõń bańcaoea. E gujukʼ, okortam hul? E Seoul, okortam amakʼ moron do? Iń do bạń mãyãkʼa.

Jesaea 25:8

Gujukʼ do jaejug lạgitʼe marao giḍikakʼa. Probhu Isor do sanamkoakʼ mẽtʼ dakʼe jodtakoa ar uniren hoṛkoakʼ henosta do goṭa dhạrti khone sạṅgiń giḍikakʼa. Probhu Isor do niạ kathageye meneda.

Soros sereń 1:11

Sona gunsikole galaṅama rupạ reakʼ ṭikliko salakʼ.