Biblia Todo Logo
Bib sou entènèt

- Piblisite -




Philipiko lạgitʼ Pạul apostolakʼ ciṭhi 2:16 - সান্তালী বাইবেল

16 Ape do onko hoṛko jion reakʼ kathape neakokante noa dhạrtire ipil lekape jolokʼkana. Onate Mạsiyakʼ dinreń sarhao daṛeakʼa je, ińakʼ kurumuṭu ar mehnot do baṅ ạuṛiyakʼ akana.

Gade chapit la Kopi

Santali Common Language New Testament

16 Ape do onko hoṛko jion reakʼ kathape neakokante noa dhạrtire ipil lekape jolokʼkana. Onate Mạsiakʼ dinreń sarhao daṛeakʼa je, ińakʼ kurumuṭu ar mehnot do baṅ ạuṛiakʼ akana.

Gade chapit la Kopi




Philipiko lạgitʼ Pạul apostolakʼ ciṭhi 2:16
24 Referans Kwoze  

Onate ạuṛiyakʼ do bạń dạṛeda. Ar okoe hoeye daletʼkan onka do bạń kuhạueda.


Isorakʼ monejoṅakʼ sodoren khan iń do onḍeń rakapʼ calaoena. Ar oka bhage sombat boṅgan hoṛ jạtrenko ṭheniń porcaretʼ tahẽkan onań lạiyatʼkoa. Manḍerren manotan hoṛko do oko okote ona jotoń lạiyatʼkoa, enteń botorokʼkan tahẽkana, hoedaṛeakʼa iń do ạuṛiyakʼ iń khaṭao akana.


Okoe pạhil khongeye tahẽkan, ar okoeyakʼ moca reakʼ kathale ańjom akatʼ, okoe nij mẽtʼtele ńel akade, okoe do mońj okocʼtele ạri bạndhi akade, okoe do nij titele joṭetʼ akade, ona jion reakʼ kathage nonḍeń oleda.


Simon Patras do Jisui metadea, “E Probhu Isor, ale do okoe ṭhenle calakʼa? Jaejug jion reakʼ katha ma coṅ am ṭhenge.


Onate iń do tinre bạń sahao daṛeada unre pạtiạu secʼte oka dosare menakʼpe ona baḍae lạgitʼge Timothiń kolledea. Iń doń botorokʼkan tahẽkana, hoedaṛeakʼa Soetan do laloce udukʼakatʼpea ar aleakʼ sanam mehnot do ạuṛiyakʼ akantalea.


Manwa hoṛmo do oka kaj reakʼ hõ baṅkana; sonot Jiuge jione emokʼkana. Okako katha ape ṭheniń roṛakatʼ ona do jiu ar jion kana.


“Ińiń metapekana, jãhãege hoṛko samaṅre ińe aṅgociń Manwa Hopon hõ uni do Isorren goḍetko samaṅreye aṅgocea.


Isorakʼ katha do jiwetʼgea ar jojaoakʼ kangea ar dene banar dharanakʼ tarwaṛe khon hõ bạ̃ṛti lasergea. Noa katha do manwa jiwi ar jiu, uṭi ar tumul hạṭiń begar hạbicʼ hõ sobokʼakʼ kana ar manwa ontor reakʼ sanam monejoṅakʼ ar hudisko biḍạu aṭkarakʼ kana.


Okaṭakʼ itạ nosṭokʼ, onkan itạ khon nãwãte do bape janam akana, bickom okaṭakʼ itạ tis hõ baṅ maraokʼ ona khongepe janam akana. Ar ona itạge hoyokʼ kana Isorakʼ jiwetʼ ar jaejug hạbicʼ tahẽkan katha do.


Ente aboren Probhu Jisui hijukʼre apege cetʼ uni samaṅre aleakʼ as, rạskạ ar ṭhonok reakʼ mukuṭ dope baṅkana?


Ape lạgitʼ noageń botorokʼ kana je, iń do ạuṛiyakʼge ape lạgitʼ iń khaṭao akan coṅ cetʼ coṅ.


Menkhan ińiń menkeda, “Iń do nahakgeń khaṭao akana; ạuṛiyakʼ ar michạge ińakʼ daṛekoń khoroc akatʼtińạ. Enhõ ińakʼ paona do Probhuakʼ tirege menakʼa, ar ińakʼ kuṛại do Isor ṭhenge.


E Isor, juạn okte khon amge sikhnạtem em akawạdińạ; ar teheń hõ amakʼ hahaṛa kạmi reakʼ kathań porcareda.


Sonot Jiu ar bạhu kuṛi dokin meneda, “Dela hijukʼme,” Ar okoe noa kathae ańjometʼ uni hõe menma, “Dela hijukʼme.” Okoe tetaṅede kan uni doe hijukʼma ar okoe dakʼ ńũi menetʼkan uni do begor damte jion dakʼe ńũ idi joṅma.


“E boehako, Abrahamren hoponko ar Isor botoraekanko, kại khon bańcao reakʼ noa khobor do abon ṭhenge kolakana.


Okaṭakʼ ńutreń lại apekan, ona do marsalre roṛpe. Ar luturte okaṭakʼpe ańjometʼkan ona do sạṛim cetan khon porcarpe.


E Probhu Isor, maraṅ bạisire iń do amakʼ dhorom kạmi reaṅ iń lại jạhira; ar am dom baḍaege, iń do luṭikin bạń sikupʼetʼtińạ mente.


Aboren Probhu Jisu Mạsige mucạtʼ hạbicʼe ṭarhao ocopea, onate uniyakʼ hijukʼ dinre ape do sanam lekan bin dusạnkope hoyokʼa.


Noa pạtiạu menakʼtińạ, apeakʼ ontorre okoe bhage kạmiye ehopʼakatʼ uni do Mạsi Jisuakʼ hijukʼ din hạbicʼ onae calao iditeye mucạda.


Enḍekhan okaṭakʼ do joto khon sạri bhageakʼkan ona bujhạukatepe bachao daṛeakʼ. Noate ape do Mạsi Jisu hotete dhorom reakʼ jotepe perejokʼte Mạsiyakʼ hijukʼ din hạbicʼ khạṭi ar bin daganpe tahẽdaṛeakʼa, ar onate Isorakʼ do ṭhonok ar sarhao hoyokʼtaea.


Swiv nou:

Piblisite


Piblisite